2 Timothe 1:1 - KITAWO MALEŊ

¹ Balwa m'owok bongi Paulo, jamoor pa Kristo Yesu i mito pa Were, m'oor tito kwo m'ocik ma wanigine i Kristo Yesu.

KITAWO MALEŊ Catholic

¹ Balwa m'owok bongi Paulo, jamoor pa Kristo Yesu i mito pa Were, m'oor tito kwo m'ocik ma wanigine i Kristo Yesu.

2 Timothe 1:1 ပူးပေါင်းရင်းမြစ်များ

Yohana 10:28

Amiyo jo kwo makirum, aka jokibino tho; ongoye moro ma bino mayan jo.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Yohana 6:54

Ŋata camo delkwoŋan aka madho remo paran nitie gi kwo makirum, aka abino cerino go i ndelo ma rumacen.

Joroma 1:1

Balwa m'owok bongi Paulo, jatic pa Yesu Kristo kendo jamoor ma Were oyero to lwoŋo fonjo Wac Manyen Maber pere,

Joroma 5:21

Am'omiyo, paka gimarac odhumo i royo ma tho, ameno bende nema pa Were dhumo i royo ma kwanyo woko banja kwoŋ ji, munyo tero jo i kwo makirum kwoŋ Yesu Kristo Rwodhiwan.

Joroma 6:23

Kole kemba pa gimarac obedo tho; to mic ma Were miyo wan obedo kwo makirum i Kristo Yesu Rwoth mawan.

1 Jokorintho 1:1

Balwa m'owok bongi Paulo, ma i mito pa Were olwoŋi bedo jamoor pa Kristo Yesu, kodi omin wan Sositheno.

2 Jokorintho 1:1

Balwa m'owok bongi Paulo, jamoor pa Kristo Yesu i mito pa Were, kodi omin wan Timothe. Ri kitipa pa jom'oyeyo Kristo ma Korintho, kodi ji pa Were je ma Akaya.

2 Jokorintho 1:20

Am'omiyo cikirok pa Were je, kada mathoth nedi, i Kristo bed'abeda Ey. Meno am'omiyo i Yesu Kristo, wawaco Ameno mawan, ma miyo Were dwoŋ.

Jogalasia 3:26

Kole i Kristo Yesu wijoje onyo wibedo nyithindho pa Were cungo kwoŋ yeyo mewin.

Jogalasia 3:28

Am'omiyo pokirok ongoye kwoŋ Joyuda kodi Jopath, kwoŋ ŋecin kodi joma ni siem, kwoŋ cwo gi mon: Wijoje wibedo acel i Kristo Yesu.

Joefeso 3:6

Nyaliŋliŋ no a me: I Wac Manyen Maber, Jopath bende onyo jolunjo ŋaŋo pa Were kanyacel gi Joisiraili, paka adec ma del acel, aka bende onyo ofudi rijo gima Were ociko i Yesu Kristo.

1 Timothe 6:19

Ameno aka jobino coko ŋaŋo ma bino konyo jo i hongo ma bino, ŋey jowonyal limo kwo mar'adieri.

2 Timothe 1:10

aka pama onyo onyuthi wan i menyirok pa Jaboth mawan, Kristo Yesu, m'otieko reyo woko meni pa tho, to kelo kwo gi kiyindira makirum i lero munyo oro Wac Manyen Maber.

2 Timothe 1:13

Cwire kwoŋ wac m'itieko winjo bongan, paka fonji m'otire aluwa, aka bedi i yeyo kodi i mar i Kristo Yesu.

2 Timothe 1:9

go m'obotho wan to lwoŋo wan bedo ji pere won, ki ro gima watieko timo, to r'atoŋa pere won kodi nema. Go omiyo wan nema no i Kristo Yesu mafodi ndir k'ocakere,

2 Timothe 2:1

To in, wodan, bedi gi meni kwoŋ nema manitie i Kristo Yesu.

2 Timothe 2:10

Am'omiyo aciro gimoro je ri bero pa ji pa Were m'oyer, ŋey jo bende jowonyal limo both manitie i Kristo Yesu, kanyacel gi dwoŋ ma cil gi cil.

2 Timothe 2:3

Ciri candirok kodi wan, paka jalweny pa Kristo Yesu ma genere.

2 Timothe 3:15

gi paka wok i thino oyido iŋeyo Ndiko Maleŋ, manyalo miyin rieko ma limo both kwoŋ yeyo Yesu Kristo.

Tito 1:2

m'ocungo kwoŋ geno kwo makirum. Were ma kitwodi, ociko wan kwo me con mafodi hongo k'ocakere,

Tito 1:4

Andiko ri Tito, wodan ma winjan i yeyo ma wariwo: Weyi Were Bawan kodi Kristo Jaboth mawan womiyin nema gi siem.

Joebulaniya 9:15

Ro wac me Kristo obedo jatim can ma miyo cikirok manyen wotiy, ŋey joma Were olwoŋo jowonyal limo silwany ma Were ociko. Kole go otieko tho paka cul ma gonyo ji woko kwoŋ kibenga ma jotimo munyo oyido jonitie i cikirok marapena.

1 Yohana 2:25

Aka me a gima Kristo won gipi ociko miyo wan: Manago kwo makirum.