2 Samwiri 17:23 - KITAWO MALEŊ

²³ Munyo Ahithofel oneno ni rieko pere obol gicen, opor i wi punda pere to dok i tindi pere. Munyo go otieko yiko wac ma peco pere, odere to tho, aka oyiki go i kaliel pa bamere.

KITAWO MALEŊ Catholic

²³ Munyo Ahithofel oneno ni rieko pere obol gicen, opor i wi punda pere to dok i tindi pere. Munyo go otieko yiko wac ma peco pere, odere to tho, aka oyiki go i kaliel pa bamere.

2 Samwiri 17:23 ပူးပေါင်းရင်းမြစ်များ

Matayo 27:5

To Yuda bolo nusu feza no i Ot pa Were kenyo to kadho; to kidho dere.

2 Kerin 20:1

I hongo no kere Hezekia two omako aka obothi tho. Aka Isaya jatuci wac Were wod pa Amoz obino bongi Hezekia to waco rigo ni, “Rwoth waco ni, ‘Kethi gigipiny je i kare, kole ikibino bothi, ibino tho.’ ”

2 Samwiri 15:12

Aka munyo Absalom miyo cowirok, odhiro nyatoro lwoŋo Ahithofel m'oyido obedo acel kwoŋ jomic rieko pa Daudi wok i tindi madwoŋ Gilo. Aka camo sereko ri Daudi olimo meni, aka ji man jomedere riwirok gi Absalom.

Zabuli 5:10

Thum rijo banja aka imiy jo gir'acula, Awi Were weyi wegi joworere gi can pajo ma nek. Riemi woko jo ruwaŋin kwoŋbedo jotimo reco kweth, aka jogwenyere kwoŋin.

1 Kerin 16:18

Munyo Zimiri oneno nike omaki tindi madwoŋ, okidho kama tek ma cel pa kere to cwinyo mac aka otho i mac.

2 Samwiri 15:31

Munyo owaci ri Daudi ni Ahithofel bende oyido nitie kanyacel gi ji ma jocamo rigo sereko gi Absalom, go owaco ni, “Mondo Rwoth, akwayin wir rieko pa Ahithofel i miŋo.”

Agecin 19:3

Miŋo pa dhano won reyo woko go, kucel cunye mako nge gi Rwoth.

Agecin 16:18

Delok kelo rerok, aka gwayo kelo podho.

Zabuli 55:23

To in, Were, ilabolo jonek no gi jotwodo no i kaliel pajo, mafodi adec kwo pajo k'orumo. Paka ri an, alaketho geno paran i Rwoth.

Yobu 31:3

Go kelo teko aka sika woko, jono ma jotimo gimarac.

2 Samwiri 16:23

Rieko moro je ma Ahithofel oyido miyo i ndir no oyido iyere gine paŋini oyido obedo wac pa Were won; aka Daudi kiri gi Absalom je oyido joluwo.

2 Samwiri 17:22

Ameno Daudi gi cwo pere jocako ŋado malawa Yordan, aka munyo piny cot onwaŋo jotieko ŋado.

Isaya 38:1

I hongo no kere Hezekia two omako aka obothi tho. Isaya jatuci wac Were wod Amoz obino bonge to waco rigo ni, “Me apaka Rwoth waco: ‘Kethi gigipiny je i kare, kole ikilaboth, ibino tho.’”

Zabuli 109:20

Rwoth, miy jokwor paran gir'acula ameno, jono ma joluwo raco kwoŋan.