2 Petero 3:11 - KITAWO MALEŊ

¹¹ Paka gigipiny me je ibino nyeko woko, onyo wiripo bedo ji ma cal nedi? Kwo mewin ripo bedo maleŋ ma wilworo Were,

KITAWO MALEŊ Catholic

¹¹ Paka gigipiny me je ibino nyeko woko, onyo wiripo bedo ji ma cal nedi? Kwo mewin ripo bedo maleŋ ma wilworo Were,

2 Petero 3:11 ပူးပေါင်းရင်းမြစ်များ

Zabuli 37:14

Jokidakana jocelo abor pajo aka jokomo woko aserin pajo, neko woko jocandi ji ma bu gimoro, thumo jono ma jotimo gim'otire.

Zabuli 50:23

Ŋata kelo foyo pere paka cowirok pere miyan dwoŋ; ri ŋata wotho i yo m'otire, alanyutho go both pa Were!”

Zabuli 75:3

Ka piny oyengere, to cwec mere bende jokirin, an aŋat'amiyo sirin mere cungo matek.

Isaya 14:31

Goy ndur, awi waŋkac, ywak, awi tindi madwoŋ, leny i lworo, awi Filistia, wijoje! Kole yiro wok yumalo, aka ongoye jalweny ma labedo kende i dwoŋ pere.

Isaya 24:19

Piny otur kicutho adieri, piny obare to pokere mathindho thindho adieri, piny oyengere swa adieri.

Isaya 34:4

Lwak ma polo je latop woko, aka pondeponde ladole paka kitawo. Jolweny pajo jolathwo, paka boke yath thwo wi yath vini, kosa paka olemo thwo wi yath makuyu.

Matayo 8:27

Dhano je odhier. Jowaco ni, “Me kiti dhano ma nedi? Kiri asur kodi kitula pa pi je winjo go!”

Joroma 13:11

Medo kwoŋ meno, wiŋeyo ndir ma pama ni ndir otundo riwin ma cew. Kole ndir ma both mawan onyo ocore cegin loyo munyo nyaka wacako yeyo.

Joroma 13:12

Wor cegin rumo, aka piny cegin yawirok. Riameno wawey win timo gigipiny ma mudho to wakwanyo win gilweny ma lero.

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

Jofilipi 1:27

Kad'obedi nedi, bedi win gi kite ma ripo gi Wac Manyen Maber pa Kristo, ŋey kada k'anobin neno win, kosa k'awinjo awinja ayino kwoŋ win, obedi ni wicungo matek kodi atoŋa acel, aka wilwenyo kanyacel, gi paro acel kende ri yeyo ma Wac Manyen Maber kelo.

Jofilipi 3:20

To wan, wabedo ji ma polo, aka wakuro dwoko pa Jaboth wok i polo, aka manago Rwoth Yesu Kristo.

1 Jothesalonika 1:5

Kole Wac Manyen Maber ma wakelo riwin, k'obino nyaka i wac kende, to obino i meni kodi i Cuny Maleŋ, gi ridho kicutho kwoŋ adieri mere. Wiŋeyo paka kwo mawan obedo munyo oyido wanigi win kenyo; aka obedo ri bero mewin won.

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

1 Timothe 4:12

Ikir'iyey moro wocayin ro thino perin, to bedi ranen ri jom'oyeyo, i luwo, i kula, i mar, i yeyo kodi i lonyo ma cuny jo.

1 Timothe 6:11

To in, dhano pa Were, eye kwoŋ gigipiny no je. Lweny ri tiro, lworo Were, yeyo, mar, ciro teko, kodi mwolo.

1 Timothe 6:3

Ŋata fonjo fonji m'opokere aka kiyere gi wac m'otire mapa Rwodhiwan Yesu Kristo kodi fonji kwoŋ lworo Were,

1 Timothe 6:6

Kole nitie kemba madwoŋ ri dhano i lworo Were kodi i tero gima go nitie gine paka romo go,

Joebulaniya 13:5

Kur win kwo mewin ma wikimunyere i maro pesa, aka gima winigine worom win. Kole Were owaco ni. “Akibino weyo win; ak'ojala win.”

Yakobo 1:24

to ka otieko nenere, kadho to piyo piyo wiye wil gi cal pere.

Yakobo 3:13

Ŋa kwoŋ win kenyo mariek kendo ma niaŋ? Ere wonyuthi rieko no gi kwo pere m'otire, gi tim pere ma nyutho bwonirok kodi rieko.

1 Petero 1:15

Kucel, bedi win maleŋ i gimoro je ma witimo, paka Were m'olwoŋo win leŋ;

1 Petero 2:12

Kula mewin i dier joma bu Were wobedi maber ma ka jotemi kelo kwoŋ win wac ni wireco, jobino neno tim mewin mabeyo, to jopako Were i Ndelo ma bino pere.

2 Petero 1:3

Meni pa Were omiyo wan gimoro je ma wayenyo ma bedo i kwo ma lworo Were, rupiri waŋeyo ŋat'olwoŋo wan gi dwoŋ kodi bero pere won.

2 Petero 1:6

kodi kurok kwoŋ niaŋ; kwoŋ kurok mewin medi win ciro; kwoŋ ciro medi win lworo Were;

2 Petero 3:10

To Ndelo pa Rwoth bino tundo paka jakwo. I Ndelo no polo bino leny woko gi derino madwoŋ; gigipiny ma polo bino waŋ, to regere woko, aka piny gi gima nitie iye je bino lokere m'oywere pa mbolera.

2 Petero 3:12

munyo wikuro Ndelo pa Were to witemo miyo wobin mayot. I ndelo no polo bino waŋ woko gi mac aka lietho bino nyelo woko gigipiny manitie i iye.