2 Petero 2:3 - KITAWO MALEŊ

³ I woro pajo, jofonji ma twodo me jobino cemo kwoŋ win gi kigana ma wegi jocwogo. Banja pajo otiek yiko thumo wok con, aka rerok pajo bende ki nibor to nicegin.

KITAWO MALEŊ Catholic

³ I woro pajo, jofonji ma twodo me jobino cemo kwoŋ win gi kigana ma wegi jocwogo. Banja pajo otiek yiko thumo wok con, aka rerok pajo bende ki nibor to nicegin.

2 Petero 2:3 ပူးပေါင်းရင်းမြစ်များ

Yobu 6:27

Kole inyalo mako nyeko gi nyathi kic, aka inyalo kiri goyo welo kwoŋ mere perin.

Zabuli 18:44

Jopath jobino bwonirok ruwaŋan aka tekin jowinjo kwoŋan, joluwo cik paran.

Zabuli 66:3

Waci ri Were ni, “Nga tim perin obedo ma gir'aura! Ro meni perin madwoŋ, jokwor perin joriewere piny gi lworo ruwaŋin.

Zabuli 81:15

Jono ma jodakan dinyo jokule ruwaŋan gi lworo, dinyo gir'acula pajo obedo cil gi cil.

Isaya 5:19

Jono ma jowaco ni, “Weyi Rwoth wokwakere, weyi woredi timo tic pere, ŋey wanyal neno. Weyi atoŋa pa Were Maleŋ pa Isiraili worikere, weyi wobin, ŋey wanyal ŋeyo!”

Isaya 56:11

Gwokere jothoth gi woro, to jokinwaŋ gima romo jo. Jokwath bende jokiniaŋ, joje jowire i yo pajo wegi, kisi acel i magowa pere won, acel aka joje.

Isaya 60:22

Ma sisiri kwoŋ jo, lalokere nono, aka mathin loyo lalokere madwoŋ paka piny matek, An abedo Rwoth, i hongo mere, alamiyo gime wotimere piyo.

Yeremia 6:13

Kole wok kwoŋ jomathindho tundo i jomadongo kwoŋ jo, kisi dhano obedo jaworo ri magowa ma k'otire; aka wok i jatuci wac Were tundo i jacway ri Were i migam, kisi dhano je obedo jabanirok.

Yeremia 8:10

Riameno alamiyo mon pajo ri joman kodi ndelin pajo ri joma laloyo jo gi meni, rupiri wok i jomathindho tundo i jomadongo kisi dhano je jaworo ri magowa ma k'otire; wok kwoŋ jatuci wac Were tundo kwoŋ jacway ri Were i wi migam kisi dhano timo gikomo.

Ezekiel 13:19

Witieko nyeko nyingan i dier ji paran ri masi bale kodi muma mugat. Wiwaco ri ji twodo ma jomito winjo to wikelo tho ri ji ma jokiripi tho, aka ji ma joripo tho wiweyo jokwo.”

Mika 3:11

Jotel mere jothumo banja ro nyewirok, jocway ri Were i wi migam jotiyo ma cul, jotuci wac Were ma pesa, kucel jogoŋere kwoŋ Were to jowaco ni, “Rwoth nitie gi wan, teko k'opodhi kwoŋ wan.”

Habakuk 3:3

Were obino wok i Teman, Ŋataleŋ wok i Got Paran. Dwoŋ pere umo polo, aka piny opoŋ pak pere.

Malaki 1:10

Rwoth pa lwak jolweny waco ni, “Kabedi nitie acel kwoŋ win manyalo cego thigo ma ot ma lamo to geŋo win moko mac ma bukony i wi migam paran. Akisangala gi win, aka akibino jolo mic m'owok i cingi win.

Matayo 23:14

[Kidamba otundi riwin, jondiko kodi Jofarisayo, jorendirok! Wimayo mon tho udi pajo, aka nyaka wirendere gi kwayo maboyo! Am'omiyo wibino limo gir'acula marac loyo]!

Luka 18:8

Aridho riwin ni go bino neno gimaber wotim rijo, kendo bino timo ameno i yoto. To ceŋ ma Wod Dhano odwok'iye, onwaŋ yeyo moro i piny?”

Luka 20:20

Riameno jodwaro hongo ma ripo, to jodhiro jopendo moro ri Yesu, ma jorendere pa ji mabeyo, ŋey jowomaki wac m'okom m'owaci, nyaka jowoosa go bongi jor'adhum kodi Gavana.

Luka 22:47

Munyo Yesu fodi luwo, lwak ji otundo; Yuda, acel kwoŋ jofonjirok apar g'ario, otelo jo, aka obino bongi Yesu to podho i kore to cwiyo lembe.

Yohana 2:16

Ooro joma tana akurin ni, “Kwany win woko akurin no ka! Wikiri wiloki Ot pa Baba katale!”

Joroma 16:18

Kole joma timo gigipiny ma kite no jokitiy ri Kristo Rwodhiwan, to jotiyo ri iy gin wegi gi wac pajo mamit kodi luwo ma dwoŋo paro pa jom'onwaŋo jongoye gi raco.

2 Jokorintho 2:17

Wakical jomathoth man, ma jooro mikwenda pa Were ma nwaŋ'iye lim; to rupiri Were ooro wan, waluwo g'adieri ruwaŋ go, paka jotic pa Kristo.

Kitawo mar'abic mapa Musa m'ilwoŋo ni Cik 24:17

Ikir'ithwon japath kosa nyithindho kic tiro; aka ikir'imaki nanga pa citho ma kisinga.

Kitawo mar'abic mapa Musa m'ilwoŋo ni Cik 32:35

Culo kwor obedo aparan, kodi miyo gir'acula, kole i sawa ma tiendi jo ocer; meno ndelo ma teko orikere cegin, aka rerok pajo bino piyo.

1 Jothesalonika 2:5

Kole wiŋeyo maber ni wakibino bongi win gi luwo ma dwoŋo win, kosa gi wac ma umo woro; aka Were obedo jakony mawan i gime!

1 Jothesalonika 5:3

Munyo ji jowaco ni, “Siem nitie aka gimoro je oliŋ.” Gikenyo abwap to rerok tundo rijo. Bino cale gi litho ma dhako winjo munyo cegin nywol, aka jok'obudhere be!

1 Timothe 3:3

Kiripi bedo jamero kosa jagero, to wobedi ŋata mwol ma ki jadhaw; aka wokiri womar pesa.

1 Timothe 3:8

Jokony ma kitipa pa jom'oyeyo bende joripo bedo joma kiti jo otire, ma ki jotwodo, jokiri jowobedi jomero kosa joma wor i lim;

1 Timothe 6:5

gi laro gigipiny i dier ji ma paro pajo kitiy aka jongoye kodi adieri. Joparo ni tic pa Were obedo royo ma limo ŋaŋo.

Tito 1:11

Yenyere juko fonji pajo, rupiri joruwo pecin je munyo jofonjo gim'onwaŋo jokiripi fonjo, nyaka g'atoŋa ma limo pesa.

Tito 1:7

Ato paka go nitie i tic pa Were, jadwoŋ ma kitipa ripo bedo m'ongoye gi komo moro je. Go wokiri wobedi jawinjirok, kosa jamaki nge kicar, kosa jamero, kosa ŋata ger, kosa jaworo.

1 Petero 2:8

Kendo ni, “Me a tele ma miyo ji jocer, Kidi ma miyo jo podho.” Jocer rupiri jokiyey Wac ca, paka ocan ni jowotimi.

1 Petero 5:2

ni bedi win jokwath pa sidwol rombo ma Were omiyo win, aka wileki jo gi maro mewin, paka Were mito witim, makiweno g'arom. Tiyi win, m'ongoye woro pesa, to ro maro tic ri jowoti win adieri.

2 Petero 1:16

Wakicungo kwoŋ kigana acwoga munyo watito riwin bino pa Rwoth Yesu Kristo gi meni, to waneno dwoŋ pere gi waŋ wan.

2 Petero 2:1

Jotuci wac ma twodo cango jobedo i dier ji pa Were, paka bende jolabino i dier win. Jobino rwako fonji ma kelo rerok, aka jobino kwedere kwoŋ Rwoth jadhum m'onyewo jo, to jokelo tho kwoŋ gin abwap.

2 Petero 2:9

Am'omiyo, kere Rwoth oŋeyo nger ma botho ji mabeyo ma jolworo Were i candirok ma temo jo, kodi weyo joreco i gir'acula pajo cuka ndelo ma thumo banja,

Yuda 1:11

Kidamba wobedi rijo! Joluwo royo ma Kayin cango oluwo. Jomunyere i fonji m'okom ro woro, paka cango Balam otimo. Jobino kisika woko ro piem paka cango Kora gin jotimo.

Yuda 1:15

ma thumo banja ri ji je, gi nyutho joreco je ma jokilwor Were, tim pajo mareco ma kwero lworo Were, kodi wac mareco ma joma kilwor Were joluwo kwoŋ Were!

Yuda 1:16

Ji me noknok jogesa aka jopusa jowot jo. Jotiyo g'awanya pajo mareco, wegi joyumere aka jodwoŋo wadi gin, ŋey jowotimi gima wegi joyenyo.”

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.

Yuda 1:7

Ameno bende apaka Sodom gi Gomora, kodi tindin m'othoko jo ma cango jotimo paka jomalaika jotimo, aka jotimo cot kodi kidakana, jobedo ranen ri ji paka joma candere i mac cil gi cil.