2 Petero 2:14 - KITAWO MALEŊ

¹⁴ Gi waŋ gin ma neno gimoro gi cot, jogomba kisi dhako ma joneno. Awanya pajo ma timo gimarac kikwe; jodwoŋo joma nyap, aka joŋiyo timo woro. Jobedo ji m'otiek kwoŋo!

KITAWO MALEŊ Catholic

¹⁴ Gi waŋ gin ma neno gimoro gi cot, jogomba kisi dhako ma joneno. Awanya pajo ma timo gimarac kikwe; jodwoŋo joma nyap, aka joŋiyo timo woro. Jobedo ji m'otiek kwoŋo!

2 Petero 2:14 ပူးပေါင်းရင်းမြစ်များ

Yobu 31:7

K'inen aweyo yo m'otire, aka cunyan odhiran timo gimarac,

Yobu 31:9

Ka cunyan otieko kiwanya dhako moro, aka akuro kiyo i kabuti thigo pere,

Agecin 5:6

Go kikur royo m'otire ma tero jo i kwo, to lera kicar, aka go kiniaŋ gima timere.

Agecin 6:25

Ikir'igomba ŋono pere i cunyin, aka ikir'iwey go wodwoŋin gi biendi waŋe.

Isaya 1:16

Lwokere win, lokere win m'olony, kwany win woko raco i tim mewin ruwaŋan, weyi win timo gimarac,

Isaya 34:5

K'abor pa Rwoth otieko timo gima mito i polo, neni, laloro i Edom, kwoŋ ji m'atieko thumo rijo banja ma rerok.

Isaya 65:20

Ongoye nyathi ma latho ma fodi ŋic, kisi dhano lakwo kiri i tiyo. Ŋat'otho munyo jaoro miya acel ilawaco ni oyido fodi soye, aka ŋat'otho mafodi k'otundo oro miya acel ilawaco ni olam go.

Yeremia 13:23

Jaethopiya nyalo wiro rangi ma cal pere kosa kwac nyalo wiro rangi mere m'othon othon? Ka jonyalo, onyo win m'ongoye gima witimo ma wiŋiyo timo reco, winyalo fonjere timo gimaber.

Ezekiel 13:18

Ilawaco ni, Rwoth Were waco ama: Kidamba ri mon ma jotudo yen i cingi ji aka jokwoyo kitambalin nger gi nger maboyo wiy jo ma dwaro kwo pa ji. Widwaro kwo pa ji ma wiwegi wikikur kwo mewin?

Matayo 12:34

Win nyithindhi malasaŋ! Di winyal luwo nedi wac maber ma to wireco? Kole wac ma dhano luwo meno gim'opoŋ i cunye.

Matayo 23:14

[Kidamba otundi riwin, jondiko kodi Jofarisayo, jorendirok! Wimayo mon tho udi pajo, aka nyaka wirendere gi kwayo maboyo! Am'omiyo wibino limo gir'acula marac loyo]!

Matayo 25:41

Gikenyo go bino waco ri joma nitie yuracam pere ni, ‘Eye win bothan jom'olam, kendo donji win i mac makitho m'oyik, ri jwogi kodi jomalaika pere.

Matayo 5:28

To pama awaco riwin ama: Ŋata ŋiyo dhako moro aka cunye wanya go, meno otieko timo gine cot gi i cunye.

Mariko 13:22

Kole jotwodo ma jolwoŋere ni Kristo kosa jotuci wac Were jobino konjere. Aka jobino timo ranyuth kodi gir'aura ma wondo jom'oyer pa Were ka nyalere.

Yohana 5:44

Onyo winyalo yeyo nedi ka wimito pak ma wok bongi wiwegi, aka wikitem limo pak ma wok bongi Were won.

Joroma 16:18

Kole joma timo gigipiny ma kite no jokitiy ri Kristo Rwodhiwan, to jotiyo ri iy gin wegi gi wac pajo mamit kodi luwo ma dwoŋo paro pa jom'onwaŋo jongoye gi raco.

1 Jokorintho 11:19

(Aka pokirok no ripo aripa bedo i dier win ŋey jor'adieri jowonenere kamaler.)

Joefeso 2:3

Aka wajoje oyido wacale jo, munyo watimo gima cuny wan mareco oyido tero wan'iye, aka watimo gima delkwoŋ wan gi paro mawan oyenyo. Paka joman je, di wabende walimo gir'acula pa Were.

Joefeso 4:14

Wakiripi odoko bedo pa nyithindho, ma fonji moro je kwadho jo korin gi koca pa koyo, kareno jomoro jowondo wan gi riekorieko moro kodi twodo.

Jokolosia 2:18

Wikiri wiyeyi moro womayi win kemba mewin munyo ŋoyo ni loyo win gi dwoŋ ro lek ma go nwaŋo, kareno nyutho bwonirok ma rendirok aka lamo jomalaika. Dhano ma pameno pakirok ama opoŋ kwoŋe, aka paro pere obedo ma nyadhano.

Yakobo 1:8

kwoŋbedo go nigi paro ario, aka kiridhi paro i gimoro je ma go timo.

2 Petero 2:18

Joluwo wac ma miŋo gi pakirok, aka jooro awanya ma delkwoŋ gin ma ciko joma nyaka joeye kwoŋ joma nitie i royo ma kelo rwenyo.

2 Petero 2:3

I woro pajo, jofonji ma twodo me jobino cemo kwoŋ win gi kigana ma wegi jocwogo. Banja pajo otiek yiko thumo wok con, aka rerok pajo bende ki nibor to nicegin.

2 Petero 3:16

Me a gima go waco i balwin pere je munyo ndiko kwoŋ gino. Nitie gigipiny moro matek niaŋ kwoŋe i balwin pere ma joma kuya kosa joma yengere i yeyo jofonjo kicar, paka jotimo g'adec man i Ndiko Maleŋ. Ameno wegi jokelo kwoŋ gin teko.

1 Yohana 2:16

Ato gimoro je ma piny paka awanya marac ma del, kodi awanya ma waŋ jo, kodi pakirok kwoŋbedo gima dhano nitie gine kosa m'otimo, k'obedo apa Bawan, t'obedo apa piny ayino.

Yuda 1:11

Kidamba wobedi rijo! Joluwo royo ma Kayin cango oluwo. Jomunyere i fonji m'okom ro woro, paka cango Balam otimo. Jobino kisika woko ro piem paka cango Kora gin jotimo.

Menyirok ri Yohana 12:9

Bulir m'ombo no owit woko! Go a thwol macon ca, m'ilwoŋo ni Jwogi, kosa Sitan, m'owondo piny gipi. Owit go piny wi lowo gi jomalaika pere je.