2 Petero 2:10 - KITAWO MALEŊ

¹⁰ kodhi joma cwire i kiti jo m'otop ma kidakana aka jocayo meni pa Were. Jofonji ma twodo me jonitie gi miseni kodi mikanyo, aka joluwere kicar kwoŋ cwec manitie i hongo malo;

KITAWO MALEŊ Catholic

¹⁰ kodhi joma cwire i kiti jo m'otop ma kidakana aka jocayo meni pa Were. Jofonji ma twodo me jonitie gi miseni kodi mikanyo, aka joluwere kicar kwoŋ cwec manitie i hongo malo;

2 Petero 2:10 ပူးပေါင်းရင်းမြစ်များ

Cakirok 49:6

Akibino riwirok i luwo pajo manyaliŋliŋ, kosa akibino bedo i pido pajo, rupiri joneko cwo i nge, aka joŋolo thwondhe ma nono.

2 Samwiri 20:1

Oyido nitie jacwo ma bukony, m'oyido ilwoŋo ni Seba wod pa Bikri, janono pa Benyamin. Go ogoyo gwara to koko ni, “Wangoye gi adec i Daudi, aka wangoye gi gir'alunja i wod pa Yese; Kisi jacwo wodoki i wema pere, a Isiraili!”

1 Kerin 12:16

Aka munyo ji je joneno nike kere k'owinjo jo, jodwoko kere ni, “Adec aŋo ma wanitie gine i Daudi? Wangoye gi gir'alunja i wod pa Yese. Joisiraili, wadok win peco! Weyi Rehobowam won wokure!” Ameno ji jodok i wema pajo,

Zabuli 12:4

aka jowaco ni, “Wanwaŋo gima wamito gi lew wan, wawaco gima wamito, aka ongoye ŋata bino cero wan.”

Kitawo mar'ario mapa Musa m'ilwoŋo ni Wok 22:28

“Ikir'iluw marac kwoŋ Were kosa ilami jatel pa ji perin.”

Jafonji 10:20

I paro perin bende, ikir'ilam kere, kosa ilami jaŋaŋo, kada gi kanindo perin, rupiri winyo ma polo nyalo tiŋo dwondin, kosa cwec moro ma jabwombe nyalo luwo kwoŋe.

Yeremia 2:31

Win, Joisiraili, par win kwoŋ wac pa Rwoth! Oyido abedo thim ri Isiraili, kosa piny ma mudho m'opoto? Raŋo onyo ji paran jowaco ni, “Wanitie gi thwolo, wak'odwoki bongin kendo?”

Kwan 15:30

To ka dhano otim gimikanyo, obedi Jaisiraili kosa japath, meno obwono Rwoth, ibino riemo go woko i dier ji.

Luka 11:25

Aka k'odwoko to nwaŋo ni ot oywey aka oyiki maber,

Luka 19:14

To paka anywola ma piny no oyido jodak ŋato, jodhiro jomikwenda pajo kidho waco ni, ‘Wakimiti jalo wobedi kere mawan.’ ”

Tim pa Jomoor 23:5

Paulo odwoko ni, “Wutmera oyido akiŋeyo nike go jadwoŋ pa jocway ri Were i wi migam rupiri ndiko waco ni, ‘Wikiri wiluw marac kwoŋ jadhum pa ji mewin!’ ”

Joroma 8:1

Pama onyo kidok kethi banja kwoŋ jomakwo pajo nitie i Kristo Yesu,

1 Jokorintho 6:9

Wikuya ni joreco jokibino donjo i Ker pa Were? Moro wokiri wowondi win: Ongoye jokidakana, kosa jolami cal makicar, kosa mon ma jotana delkwoŋ jo i timo giwickwot, kosa jotimi cot, kosa joma timo kidakana cwo gi cwo wadi gin aka mon bende gi mon wadi gin,

2 Jokorintho 10:3

Adieri wanitie i piny; to wakilweny paka piny lwenyo.

Joefeso 4:19

Paro ma cuny jo otieko thore woko; kwo pajo nitie i kite mareco kende, aka jotimo gikoc g'awanya madit, m'ongoye wickwot.

Joefeso 5:5

Ŋey win gime ni: Ongoye moro je ma jacot, makoc, kosa ma wor (kole woro cale pa lamo gima k'obedo Were) m'olim gimoro i Ker pa Kristo kodi apa Were.

Jokolosia 3:5

Am'omiyo, wiripo neko woko awanya ma delkwoŋ win paka cot, kidakana, timo giwickwot, awanya mareco, gi woro (m'obedo lamo cal makicar).

1 Jothesalonika 4:7

Were k'olwoŋo wan bedo i kwo ma kidakana, to ma leŋo.

2 Timothe 3:2

Ato ji jobino bedo jogwondo, joma wor i pesa, jokwoto, joyumirok, joyet, joma kiwinji jonywol pajo, joma kifoy gimoro, joma kileŋ.

Tito 1:7

Ato paka go nitie i tic pa Were, jadwoŋ ma kitipa ripo bedo m'ongoye gi komo moro je. Go wokiri wobedi jawinjirok, kosa jamaki nge kicar, kosa jamero, kosa ŋata ger, kosa jaworo.

Joebulaniya 13:4

Ji je joripo miyo nywomirok dwoŋ, aka jacwo gi dhako joripo kurok i nywomirok pajo i leŋo, rupiri Were bino thumo banja ri jocot kodi joma turo cik ma nywomirok.

2 Petero 3:3

Marapena, wiripo ŋeyo nike i ndelo macowe me, jonyero jobino fudhirok ma joluwo royo mar'awanya pajo mareco gi nyero ma cay.

Yuda 1:10

To jome joyeto gima jokuya dwoŋ mere, aka gima joŋeyo timo pa le m'ongoye gi paro, a gigipiny ma bino reyo jo woko.

Yuda 1:16

Ji me noknok jogesa aka jopusa jowot jo. Jotiyo g'awanya pajo mareco, wegi joyumere aka jodwoŋo wadi gin, ŋey jowotimi gima wegi joyenyo.”

Yuda 1:18

Jowaco riwin ni, “I ndelo ma rumacen, ji jobino wok ariwa ma jobino nyero win, ji ma jotiyo g'awanya pajo mareco.”

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.

1 Samwiri 10:27

To cwo moro ma bukony jopenjo ni, “Jame bende nyalo nedi botho wan?” Jocayo go, aka jokwero kelo rigo mic; to Saulo liŋaliŋa.