2 Petero 1:11 - KITAWO MALEŊ

¹¹ Ameno, ibino jolo win maber donjo i Ker makirum mapa Rwodhiwan kendo Jaboth mawan Yesu Kristo.

KITAWO MALEŊ Catholic

¹¹ Ameno, ibino jolo win maber donjo i Ker makirum mapa Rwodhiwan kendo Jaboth mawan Yesu Kristo.

2 Petero 1:11 ပူးပေါင်းရင်းမြစ်များ

Zabuli 145:13

Ker perin obedo ker ma cil gi cil, aka dhum perin bedo i luse je. Rwoth genere i wac pere je, aka jawor i tim pere je.

Zabuli 36:8

Wacamo cemo kweth m'imiyo wan, imiyo wan medho wok i malawa ma bero perin.

Wer pa Solomon 5:1

Atieko donjo i ndelo paran, nyamin an, mweha paran, atieko coko mo maŋwe kur paran gi binzar, atieko camo mo kic paran kiri g'apede mere, atieko madho vini paran gi cak paran. Cemi win, jomitirok, aka wimedhi, cuka winomer gi mitirok.

Isaya 35:2

Thim lawero to koko ri kisangala, labedo maŋon paka gote ma Lebanon; ma nyak cemo paka ndelin ma Kamel gi Saron. Kisi dhano laneno dwoŋ pa Rwoth, gi meni pa Were mawan.

Isaya 9:7

Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Daniel 7:14

Ri go omiy dhum, dwoŋ, kodi ker, ŋey ji je, nonin je, kodi dhodhok je jowotiy rigo. Dhum pere obedo dhum ma cil gi cil, ma kilarumo, aka ker pere kilarere.

Daniel 7:27

Kenyo ker, dhum kodi dwoŋ ma kerin i pendi polo gibe ilamiyo jomaleŋ pa Jamalo Swa ma ker pere obedo ker ma cil gi cil, aka ker je jolatic rigo kodi winjo go.

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Yohana 10:10

Jakwo bino nyaka kwalo, neko kodi nyeko woko. An abino nike jowolimi kwo, aka kwo ma gibe.”

Joroma 2:4

Kosa miti icayo bero pere m'oasere, ka diyo cunye gi ji aka kudere. Adieri iŋeyo ni Were ber rupiri go temo tero win i ŋuto!

1 Jokorintho 15:24

Gikenyo, gike bino tundo; Kristo bino reyo woko adhum je, gi dwoŋ, kodi meni je, to kodo ker ri Were Bawan.

2 Jokorintho 5:1

Kole waŋeyo ni ka kayindi ma wabed'iye i piny, delkwoŋ wan me, okedhi woko, Were bino miyo wan ot ma cil gi cil i polo, ma dhano ama k'ogero.

Joefeso 3:20

Onyo ŋata nigi meni ma tiyo i wan nyalo timo gim'oasere ma kalo ma wakwayo kosa waparo.

1 Timothe 6:17

Or jom'oŋaŋ i kwo ma piny me ni kiri jowokwoti, kosa ketho geno pajo kwoŋ gigipiny ma kigenere paka ŋaŋo, to kwoŋ Were ayino, ma poko wan gimoro je ma kisangala mawan.

2 Timothe 4:18

Rwoth bino konyan i raco je, to bothan ri Ker ma polo. Dwoŋ wobedi rigo cil gi cil. Ameno.

2 Timothe 4:8

Aka pama onyo otiek yiko ran sangaria ma tiro, ma Rwoth, Jathum banja m'otire, bino miyan i Ndelo no, aka ki an kendan, to go bino miyo ji je ma jokuro go wonenere.

Joebulaniya 6:17

Onyo Were bende omito nyutho jom'oyido jokidho limo gima go ociko, maber m'oloyo, nike go kilawiro atoŋa pere, am'omiyo go omedo ridho cikirok no kodi kwoŋirok.

2 Petero 1:1

Balwa m'owok bongi Simon Petero, jatic kendo jamoor pa Yesu Kristo. Ri joma i tiro pa Were mawan kendo Jaboth, Yesu Kristo, omiy jo yeyo ma diwelo paka mawan.

2 Petero 1:5

Riameno, tem win paka winyalo medo bero kwoŋ yeyo mewin; kodi niaŋ kwoŋ bero;

2 Petero 2:20

Kole k'inen oyido jotieko budhirok kwoŋ meni ma piny ma kelo tho, to joŋeyo Rwodhiwan kendo Jaboth mawan Yesu Kristo, aka odoko jomoko kendo i meni no to nyalo jo, meno kere nyutho ni jonitie marac rumacen loyo kacako.

2 Petero 3:18

To medere win gi dongo i nema kodi i ŋeyo Rwoth kendo Jaboth mawan Yesu Kristo. Dwoŋ wobedi rigo, pama kodi cil gi cil. Ameno.

Menyirok ri Yohana 3:21

Ŋat'oloy lweny abino miyo meni ma bedo bongan i kom paran ma dhum, paka abende atieko loyo lweny aka onyo abedo kabuti Baba i kom pere ma dhum.

Menyirok ri Yohana 5:10

Iloko jo ker pa jocway ri Were i wi migam; aka jobino dhumo piny.”