2 Kerin 2:7 - KITAWO MALEŊ

⁷ Jotuci wac Were piero abic joluwo jo to jocungo bor ye gi jo, aka Elia kodi Elisa jocungo i thengi Malawa Yordan.

KITAWO MALEŊ Catholic

⁷ Jotuci wac Were piero abic joluwo jo to jocungo bor ye gi jo, aka Elia kodi Elisa jocungo i thengi Malawa Yordan.

2 Kerin 2:7 ပူးပေါင်းရင်းမြစ်များ

1 Kerin 18:13

Fodi ikiwinjo ye nike ndir munyo Yezebel oyido neko jotuci wac Were pa Rwoth akano miya acel kwoŋ jo i ŋungu i kitipin ario ma piero abic, t'amiyo jo cemo kodi pi?

1 Kerin 18:4

aka ndir ma Yezebel oyido neko jotuci wac Were, Obadia otero jotuci wac Were miya acel aka okano jo i ŋungu i kitipin ario ma piero abic to miyo jo cemo kodi pi.)

1 Kerin 20:35

Rwoth omiyo jatuci wac Were moro cik aka owaco ri jatuci wac Were man nike wogoyi go. To jatuci wac Were no okwero.

2 Kerin 2:15

Jotuci wac Were piero abic joneno go aka jowaco ni, “Meni pa Elia nitie kwoŋ Elisa!” Jokidho romo gi go, jokule piny ruwaŋ go,

2 Kerin 2:16

aka jowaco rigo ni, “Wanitie ka cwo piero abic matek, weyi wakadhi warangi jadwoŋ perin. Kono Cuny pa Rwoth otiŋo go to weyo go wi got moro kosa i milelo moro.” Elisa odwoko ni, “Be, wikiripi kadho.”

2 Kerin 2:17

To jomena go cuka Elisa oyeyo jo kadho. Cwo piero abic no jokadho to jorango Elia ma ndelo adek to jok'onwaŋo go.

2 Kerin 4:1

Onyo citho ma kitipa pa jotuci wac Were okidho bongi Elisa to waco rigo ni, “Jadwoŋ, cworan otho! Paka iŋeyo, go oyido woro Were, t'onyo pama ŋat'oyido banja go pesa obino tero wotan paka cul ri banja pa cworan.”

2 Kerin 5:22

Gehazi odwoko ni, “Be. To jadwoŋ paran ooran awaci rin nike cwo ario ma jowok i kitipa pa jotuci wac Were ma jowok i piny matendere Efrayim nyaka jotundo, aka go kwayin imiy go feza 3,000 kodi nangin mafoth ario awira.”

2 Kerin 6:1

Ndelo acel kitipa pa jotuci wac Were ma Elisa oyido telo jogeŋisa rigo ni, “Neni, kabedo ma wabed'iye i tel perin thin swa!

2 Kerin 9:1

Kenyo Elisa jatuci wac Were olwoŋo acel kwoŋ jotuci wac Were ma nyaka ay aka owaco rigo ni, “Yikere aka ikidhi i tindi Ramoth i Giliad. Ter agwata mo me kodin,

Amos 7:14

Kenyo Amos odwoko Amaziya ni, “Akibedo jatuci wac Were ma tuco wac Were ma cul. Abedo jakwath dhok, aka akuro yen makuyu.

1 Samwiri 10:5

Wok kenyo ilatundo i Kabedo Maleŋ ma lamo Were i Gibeya kama jolweny pa Jofilistia jocoker'iye. Aka ka nyaka idonjo i tindi, ilaromo gi kitipa pa jotuci wac Were ma joloro wok i kacowirok; aka jonitie gi tongol, bunde, madundo, kodi kongo jokoko malo, aka jomielo.