2 Kerin 1:2 - KITAWO MALEŊ

² Onyo kere Ahazia ma Isiraili opodho wok i wi kisul ma cel pa kere pere i Samaria, aka olimo litho swa. Ameno ooro jomikwenda penjo Balzebub, were ma Ekiron tindi madwoŋ ma Filistia niaŋ ka go obothi.

KITAWO MALEŊ Catholic

² Onyo kere Ahazia ma Isiraili opodho wok i wi kisul ma cel pa kere pere i Samaria, aka olimo litho swa. Ameno ooro jomikwenda penjo Balzebub, were ma Ekiron tindi madwoŋ ma Filistia niaŋ ka go obothi.

2 Kerin 1:2 ပူးပေါင်းရင်းမြစ်များ

1 Kerin 11:33

Akidho timo gime rupiri Solomon okweran aka olamo werin pa jopath, Asitate, were madhako ma Sidon, Kemos, were ma Mowab, kodi Molek were ma Amon. Solomon k'owinjan, otimo komo, aka k'okuro cik paran kodi Or paran paka bamere Daudi otimo.

1 Kerin 14:3

Ter rigo mugat muma apar, mugat moro m'owir'iye mo, kodi agwata ma mo kic. Go bino waco rin gima latimo nyathi.”

1 Kerin 22:34

To jacwo moro obayo asere to cwowo Ahab i dier kogino cinge. Ahab okoko ri jagwey cawila pere ni, “Awinjo litho, wire iywayan woko i lweny.”

1 Kerin 22:40

Rumacen ma tho pa Ahab, wode m'ilwoŋo ni Ahazia olunjo go paka kere.

2 Kerin 1:16

aka owaco ri kere ni, “Rwoth waco ni, ‘Kwoŋbedo ioro jomikwenda penjo Balzebub were ma Ekiron, gi paro nike Were ongoye i Isiraili m'inyalo penjo, ikibino ay i kanindo, adieri ibino tho.’ ”

2 Kerin 1:3

To malaika pa Rwoth owaco ri Elia jatuci wac Were ma wok Tisibe wokidhi worom gi jomikwenda pa kere ma Samaria aka wopenji jo ni, “Raŋo wikidho penjo were ma Ekiron? Rupiri wiparo nike Were ongoye i Isiraili?

2 Kerin 1:6

Jodwoko go ni, “Jacwo moro obino romo gi wan, aka owaco riwan ni, ‘Gik win bongi kere m'ooro win aka wiwaci rigo nike Rwoth waco ama, raŋo ioro jomikwenda penjo Balzebub kere ma Ekiron? Rupiri iparo nike Were ongoye i Isiraili? Riameno ikibino ay wok i kanindo, adieri ibino tho.’ ”

2 Kerin 17:16

Joturo cik pa Rwoth Were pajo aka jotimo cal ma rwath ario gi nyweny to jolamo, jo bende jotimo cal pa were madhako Asera, jolamo micalin, to jotiyo ri were m'ilwoŋo ni Bal.

Yobu 31:3

Go kelo teko aka sika woko, jono ma jotimo gimarac.

Wer pa Solomon 2:9

Jamitirok paran cal gi rudina, kosa paka nyathi apol. Neni, eno go ocungo i thengi kor ot mawan, ŋiyo g'idirisa, aka leŋo waŋe gi nanga.

Isaya 19:3

Jomisir jolangoye gi meni, ka anonywow can pajo. Jolatemo nwaŋo rieko, wok bongi cal pajo je, wok bongi tipo pa jom'otho, gi wok bongi jothieth.

Isaya 2:6

Kole iweyo yo pa ji perin, ot pa Yakobo. Adieri jopoŋ gi jothieth wok yuwok ceŋ, gi jojwok paka i Filistia, aka joriwo cingi jo gi nyithindho pa jopath.

Isaya 37:12

Nitie ye werin ma piny mogo m'otieko botho jo, piny ma kwarere paran joreyo woko, paka Gozan, Haran, Rezef, gi ji ma Eden m'oyido jonitie Telesar?

Isaya 37:19

jowaŋo woko werin pajo m'oyido jok'obedo werin kada to cal ma yen gi telin ma ji ama joyiko gi cingi jo, riameno orey woko jo.

Matayo 10:25

Ripo ka jafonjirok odongo to cale kodi jafonji pere, kendo ŋeca bende wocale gi rwoth pere. Aka k'otiek lwoŋo won peco ni Belzebul, kosa to joma ni peco pere olwoŋi jo gi nyingi jo mareco ma nedi!”

Mariko 3:22

Jondiko ma jowok Yerusalem joero waco ni, “Belzebul ni kwoŋe, aka riemo jwogi gi meni pa Belzebul.”

Luka 11:15

To joman jowaco ni, “Go riemo jwogi gi meni pa Belzebul, jadwoŋ pa jwogi je.”

Tim pa Jomoor 20:9

Jayac moro ma nyinge Yutiko onwaŋo obedo wi dirisa; to paka Paulo omedere luwo, Yutiko nindo onuro cuka nindo okadho gine to podho piny wok wi gorofa ma malo mar'adek. Jotiŋo go malo to jonwaŋo ni otieko tho.

Yosuwa 15:11

kew kadho woko ma kamaloro matendere ma yumalo ma Ekiron, onyo to kew gondere kidho Sikeron, to luwo kadho i Got Bala, to wok kodi Yabinel; onyo to kew tundo i gike i nam.

Jothum Banja 11:24

Wikilalunjo gima were mewin Kemos miyo win lunjo? Kisi ŋata Rwoth, Were mawan oriem ruwaŋ wan, meno walalunjo.

Jothum Banja 5:28

Min Sisera oleŋo waŋe gi dirisa, aka oywaki yuŋeye ka penjo; Raŋo cawila pere kibin? Raŋo mayindo ma tiendi cawila pere ogalo?

1 Samwiri 5:10

Ameno doko jodhiro Kakan ma Cikirok pa Were i tindi pa Jofilistia m'ilwoŋo ni Ekiron; to munyo Kakan ma Cikirok pa Were otundo Ekiron, ji ma Ekiron joywak ni, “Jokelo Kakan ma Cikirok pa Rwoth pa Joisiraili ka neko wan kiri gi ji mawan.”