1 Yohana 4:1 - KITAWO MALEŊ

¹ Jowotan ma kacunyan, wikiri wiyere gi kisi dhano ma kethere ni go nitie gi Cuny pa Were. Tem win jo ŋey winiaŋ k'adieri jowok bongi Were, rupiri jotuci wac ma twodo mathoth jotieko ywore i piny je.

KITAWO MALEŊ Catholic

¹ Jowotan ma kacunyan, wikiri wiyere gi kisi dhano ma kethere ni go nitie gi Cuny pa Were. Tem win jo ŋey winiaŋ k'adieri jowok bongi Were, rupiri jotuci wac ma twodo mathoth jotieko ywore i piny je.

1 Yohana 4:1 ပူးပေါင်းရင်းမြစ်များ

1 Kerin 13:18

Kenyo jatuci wac Were m'oti ma wok i Bethel owaco rigo ni, “An bende, abedo jatuci wac Were paka in, aka luwo i cik pa Rwoth malaika owaco ran nike aterin peco kodan aka ajolin.” To jatuci wac Were m'oti oyido twodo.

Agecin 14:15

Ŋatamiŋ yeyo kisi gimoro, to dhano mariek kaŋasa woth pere.

Yeremia 14:14

To Rwoth dwoko ni, “Jotuci wac Were joluwo twodo i nyingan; akioro jo, kendo akimiyo jo or kosa luwo gi jo. Jotuco menyirok ma twodo, miliel ma bukony, kodi twodo ma paro pajo.”

Yeremia 23:16

Rwoth pa lwak jolweny waco ama ri ji ma Yerusalem: Wikiri wiwinji wac ma jotuci wac Were no jowaco riwin; jowaco riwin gitwodo. Joluwo kwoŋ menyirok ma paro pajo wegi, ma k'owoki i dhok Rwoth.

Yeremia 5:31

Jotuci wac Were jotuco wac ma twodo, aka jocway ri Were i wi migam joluwo gima jotuci wac Were jowaco rijo. Ji paran jomito wobedi ameno, to winotim nedi ka gike otundo?”

Mariko 13:21

Gikenyo, ka moro owaci riwin ni, ‘Panen Kristo ee ni ka.’ Kosa ni, ‘Panen go ni kaca.’ Wikiri wiyeyi.

Luka 12:57

To raŋo ma wiwegi wikinyal neno gim'otire ma ripo atima?

Luka 21:8

Yesu owaco ni, “Kure win moro wokiri wowondi win; kwoŋbedo ji mathoth jolabino i nyingan ka jowaco ni, ‘An ago!’ Kendo ni, ‘Ndiri ago otundo!’ Wikiri wiluw jo.

Tim pa Jomoor 17:11

Joyuda ma kenyo oyido joneno bor loyo ma Thesalonika. Jociko ithi gin winjo fonji gi maro madwoŋ, aka ndelo je bin jofonjere Ndiko Maleŋ jowoneni k'agima Paulo ofonjo jo oyido obedo adieri.

Tim pa Jomoor 20:29

Kole aŋeyo ni k'atieko eye, arara mager bino donjo bongi win, aka jok'owor sidwol rombo.

1 Jokorintho 12:10

Cuny no miyo ŋat'acel meni ma timo gir'aura, ŋatiman mic ma luwo mikwenda ma wok bongi Were; aka ŋatiman, meni ma poko i dier ranyuth ma wok bongi Cuny Maleŋ kodi man ma kiwoki bonge. Ŋat'acel go miyo meni ma luwo dhodhok m'opokere opokere, ŋatiman meni ma tito dwoŋ dhodhok no.

1 Jokorintho 14:29

Ripo j'ario kosa adek m'omiy jo mikwenda pa Were ama jowoluwi, kareno joman jokaŋasa wac m'oluw k'otire.

1 Jothesalonika 5:20

Wikiri wicay mikwenda ma wok i dhok jotuci wac pere,

1 Jothesalonika 5:21

to kaŋasa win gimoro je wiŋey adieri mere; cwire win kwoŋ gimaber,

2 Jothesalonika 2:2

wikiri wikwaki bedo gi kiganagana i paro mewin, kosa limo bwok ro wac pa joma ŋoyo ni Ndelo pa Rwoth otieko tundo. Ato moro nyalo bino pa jatuci wac, kosa jafonji, kosa ma waco ni wandiko gino i balwa.

1 Timothe 4:1

Cuny waco kamaler ni ji megi jobino weyo yeyo i ndir ma bino, jobino winjo cuny ma jotwodo to joluwo fonji pa jwogi.

2 Timothe 3:13

Aka ji mareco kodi ma jor'aporapora jobino medirok gi reco, munyo jowondo jowoti gin kareno iwondo jo bende.

2 Petero 2:1

Jotuci wac ma twodo cango jobedo i dier ji pa Were, paka bende jolabino i dier win. Jobino rwako fonji ma kelo rerok, aka jobino kwedere kwoŋ Rwoth jadhum m'onyewo jo, to jokelo tho kwoŋ gin abwap.

1 Yohana 2:18

Nyithindho paran, kole me ndir ma gike; ato witieko winjo paka Jakwor pa Kristo bino; gunyo ni jokwor pa Kristo kweth jotieko nenere, aka meno apaka waŋeyo ni gike nicegin.

1 Yohana 2:7

Jowotan m'amaro, or ma andiko riwin me kinyen; obedo or macon, ma witieko bedo gine wok con. Or macon me obedo mikwenda ma witieko winjo.

2 Yohana 1:7

Jotwodo megi jotieko ywoyirok i piny gipi; ji ma jokiyey ni Yesu Kristo obino i del paka dhano. Ŋata pameno jatwodo, kendo a jakwor pa Kristo.

3 Yohana 1:11

Mere paran, ikir'iluw ranen marac no, to luw gimaber mere ayino. Nyatoro je ma timo gimaber bedo apa Were. Aka ŋata timo gimarac meno fodi k'oŋeyo Were.

Menyirok ri Yohana 2:2

Aŋeyo tim perin, paka itiyo matek aka iciro teko ma bino rin. Aŋeyo nike ikijol ji mareco, aka itieko kikaŋasa joma ŋoyo nike jobedo jomoor kere to be, aka inwaŋo ni jobedo jotwodo.