1 Yohana 2:1 - KITAWO MALEŊ

¹ Andiko riwin gime, nyithindho paran, ŋey wikiri witim gimarac, to ka moro otimo gimarac, wanitie gi Yesu Kristo ŋat'otire, ma pido riwan bongi Bamere.

KITAWO MALEŊ Catholic

¹ Andiko riwin gime, nyithindho paran, ŋey wikiri witim gimarac, to ka moro otimo gimarac, wanitie gi Yesu Kristo ŋat'otire, ma pido riwan bongi Bamere.

1 Yohana 2:1 ပူးပေါင်းရင်းမြစ်များ

Zabuli 4:4

Maki win nge to wokiri womiy win timo reco, pari win kwoŋ wac me, ka wiriere liŋ i kanindo mewin.

Ezekiel 3:21

To k'igwoko ŋata timo gim'otire weyo ma k'otimo reco, aka jowey ma jok'otimo reco, jolakwo adieri, aka ri in, labedo nike ibotho kwo perin.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Luka 10:22

“Baba otieko miyan gimoro je; aka ongoye ŋat'oŋeyo Wode kwanyo woko Bamere, kendo ongoye ŋat'oŋeyo Baba kwanyo woko Wode kodi joma Wode oyero nyutho jo Bamere.”

Yohana 10:15

aka bende joŋeyan paka Baba oŋeyan, aka abende aŋeyo go, aka ayeyo tho ri rombo.

Yohana 13:33

Nyithindho paran, fodi abino bedo ye gi win hongo macek. Wibino rangan, aka bende awaco riwin gim'atieko waco ri Joyuda ni, ‘Wikinyal tundo kama akidh'iye.’

Yohana 14:16

Aka abino kwayo Baba to miyo win Jakony man ma wobedi gi win ndir je,

Yohana 14:6

Yesu odwoko ni, “An aya royo, abedo adieri, kodi kwo; ongoye ŋata bino bongi Baba, ka k'oluwo bongan.”

Yohana 21:5

Gikenyo go owaco rijo ni, “Yac me, witieko mako ye gimoro?” Jodwoko ni, “Ongoye gimoro.”

Yohana 5:14

Rumacen, Yesu onwaŋo go i Ot pa Were to waco rigo ni, “Neni, pama onyo itieko bedo maber! Onyo ikiri doko igiki timo reco, kosa giman nyalo timin marac maloyo meno.”

Yohana 5:36

To wac ma an awodh'iye kony dwoŋ loyo kiri ma Yohana omiyo: Ato tic ma an atimo obedo ma Baba am'omiyan timo, aka tic no nyutho kamaler ni Baba ama ooran.

Yohana 6:27

Wikiri witiy ri cemo ma nyekere piyo; to tiyi win ri cemo ma yindira to kelo kwo makirum. Me a cemo ma Wod Dhano bino miyo win, rupiri Were Baba won otieko ketho kwoŋ go ranyuth ma ridho wac no.”

Yohana 8:11

Go odwoko ni, “Ongoye, jadwoŋ.” Yesu odwoko ni, “Onyo abende ak'othum rin banja. Onyo kadhi rin, to ikiri doko itimi reco.”]

Tim pa Jomoor 7:52

Nitie jatuci wac Were kad'acel ma kwarere pajo k'olwenyo gine? Joneko kiri jomikwenda pa Were, ma cango con jotuco bino pa Ŋat'otire, ma witieko kiri camo rigo sereko to wineko go.

Joroma 5:10

Wan oyido wabedo jokwor pa Were, to Were odwoko wan i tiyirok gine kwoŋ remo pa Wode. Aka paka onyo watieko dwoko i tiyirok gi Were, kwo pa Wode onyo bino botho wan kicutho.

Joroma 6:15

Kere onyo aŋo m'odoŋ? Watim reco ni rupiri wakinitie i meni pa cik to i nema pa Were ayino? Be!

Joroma 8:34

To ŋa m'odoko othum rijo banja? Ki Kristo Yesu m'otho, kendo ma Were ocerino go kwoŋ jom'otho, aka onyo obedo yu cingi Were maracuc aka pido riwan bongi Were!

1 Jokorintho 15:34

Dwoki win i paro mewin m'otire wiwey timo reco. Awaco gime ma kwoto wiy win; ato jomegi kwoŋ win jokuya Were.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Jogalasia 4:19

Nyithindho paran m'amaro swa, kendo ma awinjo gi jo malith pa dhako ma nyathi ramo cuka kiti Kristo wowoki kwoŋ win!

Joefeso 2:18

I Kristo wajoje wan gi thwolo i Cuny Maleŋ acel ma kidho bongi Were Bawan.

Joefeso 4:26

Ka wimako nge, gino wokiri worwaki win i gimarac; aka wikiri wibedi gi nge ndelo gipi,

1 Timothe 2:5

Kole Were nitie acel, aka nitie ŋat'acel ma riwo Were gi ji, jal m'ilwoŋo ni Kristo Yesu,

1 Timothe 3:14

Paka andiko balwa me rin, ageno bino nenin mayot.

Joebulaniya 9:24

Ato Kristo k'odonjo i Kabedo Maleŋ ma ji ama jotimo, m'obedo nyaka cal pa kabedo mar'adieri mere. Go odonjo i polo won kama go pama ocung'iye riwan ruwaŋ Were.

Yakobo 1:27

Yeyo ma Were Bawan tero paka yeyo m'otire m'ongoye rendirok a me: Kuro nyithindho kic kodi mon ma cwogi jo otho i candirok pajo, gi kurok kwoŋ reco ma piny.

Yakobo 3:9

Waoro lew wan ma pako Rwoth gi Bawan odoko waoro lew wan acel no won ma kwoŋo dhano m'ocwey i cal pa Were.

1 Petero 2:22

Ndiko waco ni, “Go k'otimo gimarac moro, aka ongoye twodo m'owok i dhoke.”

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Yohana 3:18

Nyithindho paran, mar mawan wokiri wobedi nyaka adhok won kende; to ripo bedo mar'adieri, ma nyuthere i tim.

1 Yohana 3:5

Wiŋeyo ni Kristo omenyere ŋey wokwany woko reco mawan, aka go ongoye gi gimarac.

1 Yohana 3:7

Nyithindho paran, dhano moro je wokiri wowondi win. Nyatoro je ma timo gim'olony meno ŋat'otire paka Kristo otire.

1 Yohana 4:4

To win wibedo apa Were, nyithindho paran, aka witieko nyalo woko jotuci wac ma twodo, rupiri Ŋata nitie i win dwoŋ loyo ŋata nitie i piny.

1 Yohana 5:17

Tim je ma k'otire meno gimarac, to nitie reco megi ma kikel tho.

1 Yohana 5:21

Nyithindho paran, eye win kwoŋ werin ma twodo!

3 Yohana 1:4

Ongoye gima sangala an loyo ka awinjo ni nyithindho paran joluwo adieri.