1 Timothe 6:4 - KITAWO MALEŊ

⁴ meno opoŋ gi pakirok kende, aka ongoye gim'oŋeyo. Go nitie g'awanya ma kiber ma piem gi dhaw kwoŋ wac, aka me kelo nyeko, tiakirok, nyeko nyingi jo, kodi ŋico kicar,

KITAWO MALEŊ Catholic

⁴ meno opoŋ gi pakirok kende, aka ongoye gim'oŋeyo. Go nitie g'awanya ma kiber ma piem gi dhaw kwoŋ wac, aka me kelo nyeko, tiakirok, nyeko nyingi jo, kodi ŋico kicar,

1 Timothe 6:4 ပူးပေါင်းရင်းမြစ်များ

Agecin 13:7

Jomegi jotere ni joŋaŋ, kucel jongoye gi gimoro; joman jotere ni jocandi, kucel jonigi lim kweth.

Agecin 25:14

Ŋata pakere gi ciko mic ma kimiy, cale pondeponde gi koyo ma kikel koth.

Agecin 26:12

Dhano mariek ruwaŋe, kiri jamiŋo nitie gi geno loyo go.

Isaya 58:4

Neni, wiriyo to wicako dhaw gi gorok, gi gorok g'adonde ma kidakana. Nger riyo kec paka mewin i ndelo me, k'omiy dwondi win winjirok malo.

Tim pa Jomoor 15:2

Paulo kodi Barinaba jobedo gi piem mager tektek gi jo kwoŋ gime; gikenyo oridhi ni Paulo kodi Barinaba kodi joman ma Antiok jowokidhi Yerusalem jowoneni jomoor kodi jotel ma kitipin kwoŋ wac me.

Tim pa Jomoor 18:15

to paka me obedo piem kwoŋ wac kodi nyingi ji kodi cik mewin, wiwegi wiripo cowo teko no. Akibino ran bedo jathum banja i gigipiny ma pameno!”

Tim pa Jomoor 8:9

I tindi no oyido nitie nyatoro m'ilwoŋo ni Simon, ma yado miyo Josamaria dhier gi thieth pere. Go oyido waco nike go ŋatadwoŋ swa,

Joroma 12:16

Nyuthi win dhano je cuny maber marom. Wikiri wibedi jokwoto, to joli win tic kada ma piny. Wikiri wibedi gi paro ni wiriek.

Joroma 13:13

Wabedi win i kwo m'otire paka ji ma jonitie i lero m'odieceŋ, m'ongoye woro kosa mero, cot kosa kidakana, gorok kosa nyeko.

Joroma 14:1

Joli win i dier win ŋata nyap i yeyo; to wikiri wipiem gine kwoŋ paro pere.

Joroma 2:8

Ji man joparo kwoŋ bero pajo wegi to jokwero gim'otire, aka jotimo gima k'otire. Jono Were bino konjo kwoŋ jo keme pere gi jok swa.

1 Jokorintho 11:16

To ka moro mito piem kwoŋ gime, awaco nyaka ni wangoye gi kite man aluwa, kada i kitipa pa jom'oyeyo Were je.

1 Jokorintho 11:18

Marapena, awinjo nike nitie pokirok moro i cokirok mewin, to fodi akiyey odoco ni timere ameno.

1 Jokorintho 3:18

Moro wokiri wowondere. Ka moro kwoŋ win paro nike go riek i hongo ma pama me, go ripo bedo pa ŋatamiŋ, ŋey wolokere ŋatariek.

1 Jokorintho 3:3

kwoŋbedo fodi kwo mewin obedo manyadel. Ka witimo nyeko wiwegi aka widhawere, meno kinyuthi paka fodi wibedo ji ma kisi ndelo munyo wioro kula mere?

2 Jokorintho 11:20

Aka wiyere gimoro je ma bino miyo win or ma nger je, kosa loko win ŋecin, kosa cemo kwoŋ win, kosa limo ŋaŋo i nyapo mewin, kosa cayo win, kosa goyo lembi win adhoŋ.

Jogalasia 5:15

To ka cale pa wikayere aka wicamere p'ogwaŋe meno kere kure win; ameno winyalo rere woko kicutho.

Jogalasia 5:26

Wakiri wabedi ma waparo ni wawegi wacowere, kosa watim kisinye kosa watim nyeko gi joman.

Jogalasia 6:3

Ka moro paro ni go gimoro, ma to go ongoye gi dwoŋ moro meno won miŋere.

Jofilipi 1:15

Iy'adieri jomoro kwoŋ jo jofonjo wac pa Kristo gi nyeko kodi dhawirok, to joman jofonjo gi paro maber.

Jofilipi 2:14

Tim win gimoro je m'ongoye kiŋunyaŋunya kosa piem,

Jofilipi 2:3

Wikiri witim gimoro munyo wilaro dwoŋ, kosa wiyumere kicar; to bedi win gi bwonirok i waŋ jowoti win, munyo witero jo paŋini joloyo win gi dwoŋ.

Jokolosia 2:18

Wikiri wiyeyi moro womayi win kemba mewin munyo ŋoyo ni loyo win gi dwoŋ ro lek ma go nwaŋo, kareno nyutho bwonirok ma rendirok aka lamo jomalaika. Dhano ma pameno pakirok ama opoŋ kwoŋe, aka paro pere obedo ma nyadhano.

2 Jothesalonika 2:4

Go bino piemo gi gimoro je ma ji jolamo kosa jotero paka were, to won tiŋere malo to jengere i Ot pa Were munyo ŋoyo ni go a Were!

1 Timothe 1:4

Wac rijo jowowey kigana ma kiniaŋere kodi bol m'oruwo ma nyingi kwarere pajo, rupiri gino kelo piem kendekende, jokikony can pa Were, ma ŋeyere i yeyo.

1 Timothe 1:7

Jorodo bedo jofonji ma cik pa Were, to jokuya kiri dwoŋ wac pajo wegi, kosa gigipiny ma joluwo kwoŋe gi miseni.

1 Timothe 3:6

Go wokiri wobedi dhano ma nyaka owire manyen i yeyo, ameno go nyalo kwoto gi pakirok t'ithumo rigo banja, paka othum ri Jwogi.

2 Timothe 2:14

Bedi munyo ipoyo jo gigipiny me, aka waci rijo nyatirtir ruwaŋ Were ni kiri jowodhawere kwoŋ wac rupiri meno kikel bero moro, to nyeko ji ma jowinjo ayino.

2 Timothe 2:23

To eye kwoŋ piem ma miŋo kodi paro masisiri; at'iŋeyo nike gigipiny no kelo dhaw.

2 Timothe 3:4

Jobino bedo jokwedirok, joma kidew gimoro, joma kwot gi pakirok, jobino maro kisangala ma piny loyo Were.

Tito 3:9

To weyi donjo i piem ma miŋo, gi tito tiendi wat kwoŋ bol maboyo ma nyingi kwarere pajo, tiakirok gi dhawirok kwoŋ Cik. Gigipiny me ongoy'iye cwe odoko ongoye kony.

Yakobo 1:19

Maki win wac me, wutmera. Dhano je ripo bedo mayil i winjo, ma kikwakere gi luwo, aka kimaki nge piyo.

2 Petero 2:12

To jome joluwere kicar kwoŋ gima jokuya odoco. Jocale g'ogwaŋe madudi ma jongoye gi paro, m'imako t'ineko jo, ilareyo jo woko paka ogwaŋe madudi;

2 Petero 2:18

Joluwo wac ma miŋo gi pakirok, aka jooro awanya ma delkwoŋ gin ma ciko joma nyaka joeye kwoŋ joma nitie i royo ma kelo rwenyo.

Yuda 1:10

To jome joyeto gima jokuya dwoŋ mere, aka gima joŋeyo timo pa le m'ongoye gi paro, a gigipiny ma bino reyo jo woko.

Yuda 1:16

Ji me noknok jogesa aka jopusa jowot jo. Jotiyo g'awanya pajo mareco, wegi joyumere aka jodwoŋo wadi gin, ŋey jowotimi gima wegi joyenyo.”

Menyirok ri Yohana 3:17

Ato iwaco ni, “Aŋaŋ kendo anitie maber.” Iwaco kendo ni, “Anitie gi gimoro je m'ayenyo.” T'ikuya paka icandere. Kole yenyere womaki kodin wor ayino, ijacandi, initie kinyoro, aka waŋin je otho.