1 Timothe 4:7 - KITAWO MALEŊ

⁷ To weyi woko kigana ma Were ongoy'iye, ma kiripi awaca. Bedi munyo ifonjere kwo ma sangala Were.

KITAWO MALEŊ Catholic

⁷ To weyi woko kigana ma Were ongoy'iye, ma kiripi awaca. Bedi munyo ifonjere kwo ma sangala Were.

1 Timothe 4:7 ပူးပေါင်းရင်းမြစ်များ

Tim pa Jomoor 24:16

Am'omiyo atemo paka anyalo ndelo je bedo gi paro m'otire ruwaŋ Were kodi ji.”

1 Timothe 1:4

Wac rijo jowowey kigana ma kiniaŋere kodi bol m'oruwo ma nyingi kwarere pajo, rupiri gino kelo piem kendekende, jokikony can pa Were, ma ŋeyere i yeyo.

1 Timothe 1:9

Aka waŋeyo, nike cik k'otimi ri ji mabeyo, to ri joma turo cik kodi jowictek, ri joma kilwor Were kodi joreco, ri joma kileŋ kodi joma kidew kwoŋ Were, ri joma neko bacere pajo kodi megi jo, ri joma neko jowoti gin.

1 Timothe 2:10

To jowobedi gi tim mabeyo paka ripo gi mon ma jowaco ni jolworo Were.

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

1 Timothe 4:8

Kada fonjo del wobedi m'ocwiny nitie gi kony moro, to bedo gi kwo ma sangala Were ama nitie gi kony i royo je, rupiri nitie i iye cikirok ma kwo ma pama kodi ma bino.

1 Timothe 6:11

To in, dhano pa Were, eye kwoŋ gigipiny no je. Lweny ri tiro, lworo Were, yeyo, mar, ciro teko, kodi mwolo.

1 Timothe 6:20

Timothe, kuri maber gim'okethi i cingin kuro. Eye i luwo ma kimakere gi Were kodi piem kwoŋ “Ŋeyo wac.” Gimoro ma miŋo paka jomoro jolwoŋo ameno ma twodo,

1 Timothe 6:3

Ŋata fonjo fonji m'opokere aka kiyere gi wac m'otire mapa Rwodhiwan Yesu Kristo kodi fonji kwoŋ lworo Were,

1 Timothe 6:5

gi laro gigipiny i dier ji ma paro pajo kitiy aka jongoye kodi adieri. Joparo ni tic pa Were obedo royo ma limo ŋaŋo.

2 Timothe 2:16

Eye i piem ma Were ongoy'iye, rupiri meno bino miyo ji jomedere kwero lworo Were.

2 Timothe 2:23

To eye kwoŋ piem ma miŋo kodi paro masisiri; at'iŋeyo nike gigipiny no kelo dhaw.

2 Timothe 3:12

Iy'adieri dhano je ma mito bedo gi kwo i Kristo Yesu, ji bino lwenyo gine.

2 Timothe 3:5

Jobino moko kwoŋ gima wiyewiye i yeyo Were, to jokwero meni mere. Gwokere kwoŋ joma pameno.

2 Timothe 4:4

Jobino weyo winjo adieri to joketho paro pajo kwoŋ kigana makicar.

Tito 1:14

aka odoko jokiri jowocwire kwoŋ kigana macon mapa Joyuda kodi or pa ji ma jotieko cayo adieri.

Tito 2:12

Ŋono no fonjo wan weyo kwo ma kilwor Were kodi awanya ma piny, bedo gi dhumirok i kwo, bedo gi tiro, gi kwo m'olworo Were i piny ka,

Tito 3:9

To weyi donjo i piem ma miŋo, gi tito tiendi wat kwoŋ bol maboyo ma nyingi kwarere pajo, tiakirok gi dhawirok kwoŋ Cik. Gigipiny me ongoy'iye cwe odoko ongoye kony.

Joebulaniya 5:14

To cemo manwaŋ, obedo apa jom'otegino ma jotieko ŋeyo poko gima beyo gi reco.