1 Timothe 4:12 - KITAWO MALEŊ

¹² Ikir'iyey moro wocayin ro thino perin, to bedi ranen ri jom'oyeyo, i luwo, i kula, i mar, i yeyo kodi i lonyo ma cuny jo.

KITAWO MALEŊ Catholic

¹² Ikir'iyey moro wocayin ro thino perin, to bedi ranen ri jom'oyeyo, i luwo, i kula, i mar, i yeyo kodi i lonyo ma cuny jo.

1 Timothe 4:12 ပူးပေါင်းရင်းမြစ်များ

Zekaria 2:4

aka owaco rigo ni, “Ŋweci, iluw gi jayac no, aka iwaci ni, ‘Yerusalem ladoŋ paka adec m'othangere, ro ji kodi ogwaŋe ma jonitie i iye.’

Matayo 18:10

“Neni ni wikicay nyaka jomathindho me; kole awaco riwin, i polo koro jomalaika pajo jonitie ruwaŋ Baba man polo hongo je.

1 Jokorintho 11:1

Tim win gima wineno kwoŋan paka abende atimo gim'aneno kwoŋ Kristo.

Jofilipi 4:8

Macowe, wutmera, poŋ win i paro mewin gigipiny mabeyo m'ipako me: Gigipiny mar'adieri, ma didwoŋ, m'otire, m'olony, maber amara, kodi maŋon.

1 Jothesalonika 1:6

Wilokere joma luwo wan kodi Rwoth; aka kada wicandere tektek, wijolo mikwenda gi kisangala ma wok bongi Cuny Maleŋ.

1 Jothesalonika 2:10

Wibedo jokony mawan, paka Were bende, ni kite ma wanyutho win ma wiyeyo Kristo oyido olony aka otire m'ongoye komo.

1 Timothe 1:14

Rwoth okonjo ran nema pere m'oasere to miyan yeyo gi mar manitie i Kristo Yesu.

2 Timothe 2:15

Tem paka inyalo kisangala Were, paka jatic ma wiye kikwoti gi tic pere, aka fonjo m'otire wac mar'adieri mapa Were.

2 Timothe 2:22

Am'omiyo, weyi awanya ma thino, aka lweny ri tiro, yeyo, mar, kodi siem, kanyacel gi joma kwayo Rwoth gi cuny gin m'olony.

2 Timothe 2:7

Pari kwoŋ gim'awaco, aka Rwoth bino miyin ŋeyo dwoŋ gigipiny me je.

Tito 2:15

Miy ji ŋeyo gigipiny me, aka or meni perin je munyo imiyo joma winjin miseni aka bwoki jo ma tiro jo. Neni ni wongoye moro kwoŋ jo ma wocayin.

Tito 2:7

Aka in won, i gimoro je, iripo bedo ranen rijo i tic mabeyo, i fonji perin, aka nyuthi jo m'iridho ni ifonjo gim'otire.

Yakobo 3:13

Ŋa kwoŋ win kenyo mariek kendo ma niaŋ? Ere wonyuthi rieko no gi kwo pere m'otire, gi tim pere ma nyutho bwonirok kodi rieko.

Yakobo 3:17

To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.

1 Petero 5:3

Wikiri widhum joma okethi i kur mewin gi mbaka, to bedi win ranen ri sidwol.