1 Timothe 4:10 - KITAWO MALEŊ

¹⁰ Meno am'omiyo watekere aka watiyo gi tekirok, rupiri waketho geno mawan i Were makwo m'obedo Jaboth pa ji je, to tektek mere apa jom'oyeyo.

KITAWO MALEŊ Catholic

¹⁰ Meno am'omiyo watekere aka watiyo gi tekirok, rupiri waketho geno mawan i Were makwo m'obedo Jaboth pa ji je, to tektek mere apa jom'oyeyo.

1 Timothe 4:10 ပူးပေါင်းရင်းမြစ်များ

1 Timothe 2:4

ma mito ni ji je jowobothi to jolimo ŋeyo adieri.

1 Yohana 2:2

Go won a cowirok ma miyo icwako reco mawan, to ki reco mawan kende, to reco pa ji je ma piny.

1 Timothe 2:6

m'omiyere ma botho ji je. Meno obedo gir'anena, i hongo m'otire, ni Were mito ji je jowobothi.

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

1 Yohana 4:14

Aka wawegi waneno aka onyo wawaco ri joman nike Bawan odhiro Wode bedo Jaboth ri piny.

Yohana 4:42

aka jowaco ri dhako no ni, “Pama onyo wayeyo go, ki kwoŋbedo gim'iwaco, to rupiri wawegi watieko winjo go, aka onyo waŋeyo adieri ni go a Jaboth pa piny.”

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Zabuli 84:12

Awi Rwoth pa lwak jolweny, josilwany a jono ma jogeno i in!

Joebulaniya 13:13

Am'omiyo, weyi wakidhi bonge woko ma kambi pa ji wabedi kanyacel gine i wickwot pere.

Isaya 12:2

Neni, Were obedo both paran, alageno go, aka akilabwok; kole Rwoth obedo meni paran gi wer paran, go otieko bedo both paran.

Zabuli 118:8

Ber pondo i Rwoth, loyo ketho geno i ji.

Zabuli 52:8

To acalo yath oliv, madongo i Ot pa Were, ageno mar pere makiwire cil gi cil.

1 Petero 1:21

I go wiyeyo Were, m'ocerino go kwoŋ jom'otho to miyo go dwoŋ, m'omiyo yeyo kodi geno mewin nitie kwoŋ Were.

Joebulaniya 11:26

Go oparo ni candirok yet ri Kristo onwaŋo ber loyo ŋaŋo ma Misir; rupiri go oyido oketho waŋe kwoŋ kemba ma bino.

1 Timothe 6:17

Or jom'oŋaŋ i kwo ma piny me ni kiri jowokwoti, kosa ketho geno pajo kwoŋ gigipiny ma kigenere paka ŋaŋo, to kwoŋ Were ayino, ma poko wan gimoro je ma kisangala mawan.

1 Timothe 3:15

To k'agalo, balwa me bino miyin iŋey kite ma waripo bedo gine i peco pa Were, m'obedo kitipa pa jom'oyeyo pa Were makwo, siro kendo cakirok p'adier.

Matayo 27:43

Kole go geno Were; aka owaco ni go Wod Were. Ere weyi wanen ka Were mito botho go pama!”

Nahum 1:7

Rwoth ber, go obedo kapondo i ndelo ma teko; go oŋeyo jono ma jorango kapondo i go.

Daniel 3:28

Nebukadineza owaco ni, “Were pa Sadirak, Misaki kodi Abedinego wopak, m'ooro malaika pere botho ŋecin pere ma jogeno i go. Jokwero luwo or pa kere to jojwango delkwoŋ jo makiweno lamo were man je kwanyo woko Were pajo won.”

Yeremia 17:7

Jasilwany a ŋata geno Rwoth, ma geno pere nitie i Rwoth.

Isaya 50:10

Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

Zabuli 107:2

Weyi jom'oyeyo i Rwoth jowowaci ameno, jono ma go obotho wok i teko,

Zabuli 37:40

Rwoth konyo jo aka botho jo, go botho jo kwoŋ jokidakana, kwoŋbedo jopondo i go.

Zabuli 36:6

Timo tiro perin cal gote, timo adieri perin cal lutho ma nam. Iŋat'idewo ri ji g'ogwaŋe.

Matayo 16:16

Simon Petero odwoko ni, “In ibedo Kristo Wod Were makwo.”

1 Jokorintho 15:10

To ro nema pa Were, abedo ŋat'abedo, aka nema ma go otimo ran k'obedo ma bukony. Kucel, atieko tiyo matek loyo jomoor man je, kada k'obedo tic paran won, to nema pa Were ma nikodan ama tiyo.

2 Jokorintho 1:10

Go obotho wan kwoŋ tho ma d'orac m'oasere, aka fodi go bino botho wan. Waketho geno mawan kwoŋ go nike go bino medere gi botho wan kendo;

1 Timothe 2:3

Gime ber aka sangala Were Jaboth mawan,