1 Timothe 3:2 - KITAWO MALEŊ

² Jatel ripo bedo dhano m'ongoye gi komo; go ripo bedo jadhako acel, m'oŋeyo kuro nge, ma niaŋ maber, ma timo gi dwoŋ, m'oŋeyo jolo ji peco pere; go ripo bedo ni nyalo fonjo maber.

KITAWO MALEŊ Catholic

² Jatel ripo bedo dhano m'ongoye gi komo; go ripo bedo jadhako acel, m'oŋeyo kuro nge, ma niaŋ maber, ma timo gi dwoŋ, m'oŋeyo jolo ji peco pere; go ripo bedo ni nyalo fonjo maber.

1 Timothe 3:2 ပူးပေါင်းရင်းမြစ်များ

Isaya 56:10

Jokur pa Isiraili waŋin otho joje jongoye gi ŋeyo; joje jobedo gwokere m'obadha, ma jokinyal gwe, jomaro swa rierok piny gi lek, jomaro swa nur.

Luka 1:6

Joje oyido ji mabeyo ruwaŋ Were, ma jokuro Cik je gi Or je mapa Rwoth m'ongoye apuse.

Luka 2:36

Kenyo onwaŋo nitie dhakodwoŋ moro ma jatuci wac Were ma nyinge Ana, nyar Fanuel, ma janono pa Aser. Go oyido oti swa aka otieko oro abirio i nywomirok pere to cwore tho,

Joroma 12:13

Pok win ye lim mewin gi wutmin win ma jocando, odoko weyi win pecin mewin thwolo ri wendo.

Jofilipi 2:15

ŋey wibedi ma wingoye g'apuse, ma witire paka nyithindho pa Were ma jongoye gi raco i dier luse ji m'okom kendo mareco, ma wiripo liel i dier jo paka micalin ma menyo piny.

1 Timothe 3:12

Jakony ma kitipa pa jom'oyeyo ripo bedo jadhako acel kende, aka jo kodi cege joripo kuro nyithindho kodi peco pajo maber.

1 Timothe 3:8

Jokony ma kitipa pa jom'oyeyo bende joripo bedo joma kiti jo otire, ma ki jotwodo, jokiri jowobedi jomero kosa joma wor i lim;

1 Timothe 4:3

Joma pameno jofonjo ni nywom rac, aka jocero ji camo cemo moro. To Were ocweyo cemo me acama, ma jom'oyeyo aka joŋeyo adieri jooro munyo jofoyo Were.

1 Timothe 5:10

Kendo go ripo bedo ni oŋeyere ri tic mabeyo: Dhako m'okuro nyithindho pere maber, ojolo ji maber i ot pere, okonyo ji pa Were, okonyo joma ni teko, aka omiyere ri tic je mabeyo.

1 Timothe 5:22

Ikir'ikwakere ketho cingin i wiy nyatoro ri tic pa Were. Odoko ikir'iriwere gimoro i tim pere mareco; bedi m'ilony.

1 Timothe 5:9

Ikir'indiki nyingi citho moro ni wokwan go i kweth pa mon ma cwogi jo otho ka go fodi kikal oro piero aucel. Kendo citho m'indiko ripo bedo ni oyido k'onywomere ma kalo ka dicel.

2 Timothe 2:24

Jatic pa Rwoth kiripi bedo jadhawirok, to ripo bedo jawor ri ji je. Ripo bende bedo manyalo fonji kendo ma diyo cunye,

Tito 2:2

Waci ri jodongo jowobedi joma dhumo cuny gin, joma nigi kinen, jomariek; jowobedi jom'ocwiny i yeyo pajo, i mar, kodi iciro teko.

Joebulaniya 13:2

Wiy win wokiri wowili gi jolo jowiloka i pecin mewin; kole nitie jomoro ma jotieko timo ameno to jojolo jomalaika ma jok'oŋeyo.

Joebulaniya 3:14

Kole wajoje wabedo jowoti Kristo, ka wacwire matek i yeyo tundo i gike.

1 Petero 4:7

Gik gimoro je orikere ocore cegin, am'omiyo bedi win milengela kendo ma widhumo kwo mewin aka winyal kwayo.

1 Petero 4:9

Joli win jowoti win i pecin mewin m'ongoye kigeŋisa.

1 Petero 5:8

Bedi win ma wiŋeyo dhumo kwo mewin ma wineno. Kole jakwor mewin, jwogi, riwo piny pa simbwor ma hola, munyo rango nyatoro m'omwony.