1 Timothe 1:4 - KITAWO MALEŊ

⁴ Wac rijo jowowey kigana ma kiniaŋere kodi bol m'oruwo ma nyingi kwarere pajo, rupiri gino kelo piem kendekende, jokikony can pa Were, ma ŋeyere i yeyo.

KITAWO MALEŊ Catholic

⁴ Wac rijo jowowey kigana ma kiniaŋere kodi bol m'oruwo ma nyingi kwarere pajo, rupiri gino kelo piem kendekende, jokikony can pa Were, ma ŋeyere i yeyo.

1 Timothe 1:4 ပူးပေါင်းရင်းမြစ်များ

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

Joefeso 3:2

kono witieko winjo paka Were gi nema pere omiyan timo tic riwin:

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

1 Timothe 4:7

To weyi woko kigana ma Were ongoy'iye, ma kiripi awaca. Bedi munyo ifonjere kwo ma sangala Were.

1 Timothe 6:11

To in, dhano pa Were, eye kwoŋ gigipiny no je. Lweny ri tiro, lworo Were, yeyo, mar, ciro teko, kodi mwolo.

1 Timothe 6:20

Timothe, kuri maber gim'okethi i cingin kuro. Eye i luwo ma kimakere gi Were kodi piem kwoŋ “Ŋeyo wac.” Gimoro ma miŋo paka jomoro jolwoŋo ameno ma twodo,

2 Timothe 2:14

Bedi munyo ipoyo jo gigipiny me, aka waci rijo nyatirtir ruwaŋ Were ni kiri jowodhawere kwoŋ wac rupiri meno kikel bero moro, to nyeko ji ma jowinjo ayino.

2 Timothe 2:22

Am'omiyo, weyi awanya ma thino, aka lweny ri tiro, yeyo, mar, kodi siem, kanyacel gi joma kwayo Rwoth gi cuny gin m'olony.

2 Timothe 2:23

To eye kwoŋ piem ma miŋo kodi paro masisiri; at'iŋeyo nike gigipiny no kelo dhaw.

2 Timothe 4:4

Jobino weyo winjo adieri to joketho paro pajo kwoŋ kigana makicar.

Tito 1:1

Balwa m'owok bongi Paulo, jatic pa Were kendo jamoor pa Yesu Kristo. Oyeran aka ooran konyo yeyo pa ji pa Were m'oyer, gi telo jo jowoŋey adieri ma kelo lworo Were,

Tito 1:14

aka odoko jokiri jowocwire kwoŋ kigana macon mapa Joyuda kodi or pa ji ma jotieko cayo adieri.

Tito 3:9

To weyi donjo i piem ma miŋo, gi tito tiendi wat kwoŋ bol maboyo ma nyingi kwarere pajo, tiakirok gi dhawirok kwoŋ Cik. Gigipiny me ongoy'iye cwe odoko ongoye kony.

Joebulaniya 13:9

Wikiri wiyey fonji m'opokere ma k'otire woyway win wok i royo m'otire. Ber ka cuny wan onwaŋo meni wok i nema pa Were, makiweno i kuro cik ma mako kwoŋ cemo, ma kikony kada joma kuro cik ago.

2 Petero 1:16

Wakicungo kwoŋ kigana acwoga munyo watito riwin bino pa Rwoth Yesu Kristo gi meni, to waneno dwoŋ pere gi waŋ wan.