1 Samwiri 9:6 - KITAWO MALEŊ

⁶ Ŋeca no odwoko Saulo ni, “Neni, nitie nyatoro pa Were i tindi me, aka iworo go swa rupiri gima go waco je bedo adieri. Weyi wakidhi bonge, aka kono go nyalo waco riwan kama wanyalo nwaŋo iye punde no.”

KITAWO MALEŊ Catholic

⁶ Ŋeca no odwoko Saulo ni, “Neni, nitie nyatoro pa Were i tindi me, aka iworo go swa rupiri gima go waco je bedo adieri. Weyi wakidhi bonge, aka kono go nyalo waco riwan kama wanyalo nwaŋo iye punde no.”

1 Samwiri 9:6 ပူးပေါင်းရင်းမြစ်များ

Cakirok 24:42

Konon munyo atundo i waŋ pi, akwayo Rwoth, Were pa jadwoŋ paran ni, ‘Mondo konyan i gim'atimo.

2 Samwiri 15:27

Neni, kadhi gi wodin Ahimaz, kodi wod pa Abiatha Yonathan, aka wigik i tindi madwoŋ i siem.

1 Kerin 13:1

Panen, jacwo pa Were obino wok i Yuda luwo i cik pa Rwoth to kidho i Bethel. Yerobowam oyido ocungo cegin gi migam miyo cowirok.

2 Kerin 5:8

Munyo jatuci wac Were Elisa owinjo gim'otimere, odhiro wac ri kere ma Isiraili ni, “Raŋo irembo? Weyi go wobin bongan, ŋey woŋey nike jotuci wac Were jonitie i Isiraili.”

2 Kerin 6:6

Elisa openjo ni, “Opodho kune?” Munyo jalo onyutho go kama le opodh'iye, otoŋo luth to bolo i pi aka le omol wi pi.

Zabuli 25:12

Ŋa ma lworo Rwoth? Ŋato ama Rwoth bino fonjo yo ma go ripo luwo.

Isaya 44:26

Go ma ridho wac pa ŋeca pere, to ketho i kare gima ŋecin pere jowaco. Go ma waco kwoŋ Yerusalem ni, “Ilabed'iye.” Go waco kwoŋ tindin ma Yuda ni, “Ilageto jo kendo, aka alacewo gundin pajo.”

Matayo 24:35

Polo gi piny bino rere woko, to wac paran k'orere woko.

Kitawo mar'abic mapa Musa m'ilwoŋo ni Cik 33:1

Me silwany ma Musa, dhano pa Were omiyo Joisiraili mafodi go k'otho.

1 Jothesalonika 2:10

Wibedo jokony mawan, paka Were bende, ni kite ma wanyutho win ma wiyeyo Kristo oyido olony aka otire m'ongoye komo.

1 Jothesalonika 5:13

Ter win jo gi dwoŋ m'oasere kodi mar, ro tic ma jotimo riwin. Bedi win i siem gi jowoti win.

1 Timothe 6:11

To in, dhano pa Were, eye kwoŋ gigipiny no je. Lweny ri tiro, lworo Were, yeyo, mar, ciro teko, kodi mwolo.

1 Samwiri 2:27

Jatuci wac Were moro obino bongi Eli gi wac me wok bongi Rwoth, “Anyuthere ri kwarin Aron gi peco pere munyo oyido jobedo ŋecin pa kere ma piny Misir.

1 Samwiri 9:8

Ŋeca no odwoko Saulo ni, “Anitie gi nyaka penzi moro ka; alamiyo go to waco riwan kama wanyalo nwaŋ'iye punde.”