1 Samwiri 6:5 - KITAWO MALEŊ

⁵ Ameno wiripo yiko cal ma two akwota kwoŋ, kodi cal ma fuko ma kunyo piny mewin, aka wimiy Were pa Joisiraili dwoŋ, poyo nyaka miti go owey miyo win, gi werin mewin, gi piny mewin gir'acula.

KITAWO MALEŊ Catholic

⁵ Ameno wiripo yiko cal ma two akwota kwoŋ, kodi cal ma fuko ma kunyo piny mewin, aka wimiy Were pa Joisiraili dwoŋ, poyo nyaka miti go owey miyo win, gi werin mewin, gi piny mewin gir'acula.

1 Samwiri 6:5 ပူးပေါင်းရင်းမြစ်များ

1 Kigana kwoŋ Kerin 16:28

Pak win Rwoth ji je ma i piny, pak win dwoŋ pere kodi meni pere.

1 Kigana kwoŋ Kerin 16:29

Miy win Rwoth dwoŋ ma ripo gi nyingi go, keli win mic aka wibin i Ot pere. Kule win piny ruwaŋ Were Madwoŋ Loyo ka go onenere,

Zabuli 18:44

Jopath jobino bwonirok ruwaŋan aka tekin jowinjo kwoŋan, joluwo cik paran.

Zabuli 32:4

Imiyan gir'acula wor g'odieceŋ, Rwoth, meni paran je orumo, paka ŋico thwo gi lietho i ndir ma ceŋ.

Zabuli 39:10

Ikir'imedi miyan gir'acula, acegin tho gi goco ma wok i cingin.

Zabuli 66:3

Waci ri Were ni, “Nga tim perin obedo ma gir'aura! Ro meni perin madwoŋ, jokwor perin joriewere piny gi lworo ruwaŋin.

Kitawo mar'ario mapa Musa m'ilwoŋo ni Wok 12:12

“Wor no abino wotho i lowo ma Misir, neko kisi okayo, ji g'ogwaŋe, kodi miyo werin ma Misir gir'acula. An abedo Rwoth.

Kitawo mar'ario mapa Musa m'ilwoŋo ni Wok 8:17

Ameno Aron ogoyo piny gi luth pere, aka fukefuke je i Misir olokere kikun, m'oumo ji kiri g'ogwaŋe.

Kitawo mar'ario mapa Musa m'ilwoŋo ni Wok 8:24

Rwoth odhiro tome lwaŋin i cel pa kere pa Farawo kodi i udi pa jodhum pere. Lowo ma Misir je osika gi lwaŋin.

Kitawo mar'ario mapa Musa m'ilwoŋo ni Wok 8:5

Rwoth owaco ri Musa ni, “Waci ri Aron woriey luth pere i wi malawin, waŋ pi, kodi kidiwin, aka womiy ogwale jowobin i lowo ma Misir gibe.”

Isaya 19:1

Me mikwenda ma teko ma mako kwoŋ Misir. Neni, Rwoth gweco i pondeponde masew, aka bino i Misir; cal je ma Misir jolakirin ruwaŋ go, aka cuny Jomisir lapodho i jo.

Isaya 42:12

Weyi jowomiy Rwoth dwoŋ, to jowodho kamaler pak pere i piny ma yuthengi nam.

Yeremia 13:16

Miy win Rwoth Were mewin dwoŋ, ka go fodi k'okelo mudho, kendo ka tiendi win fodi k'orwombere, wi gote ka ŋamba riedo; ka wirango lero, go wiro gino i mudho madwoŋ to timo gino mudho m'opoto.

Yeremia 3:13

Yey banja perin kende, ni igwenyere kwoŋ Rwoth Were perin, t'ikedho silwany perin i dier jokicar i tiendi yath moro je manyaboke pendi, t'ikwero winjo dwondan. Rwoth waco.

Yowel 2:25

Alaculo win cemo ma oro je, ma tome bonyo otieko camo, jolweny paran madwoŋ, m'adhiro kwoŋ win.

Yona 3:9

Ŋa m'oŋeyo ŋa! Kono miti Were nyalo wiro paro pere to weyo mako nge, to weyo ma k'oneko wan.”

Malaki 2:2

Ka wik'owinji, ka wik'okethi i cuny win miyo nyingan dwoŋ, kenyo abino kwoŋo win kiri gi nyithindho mewin; adieri atieko kwoŋo jo, rupiri wikikethi i cuny win.

Kwan 33:4

kareno Jomisir joyiko okayin pajo je, ma Rwoth oyido oneko i dier jo. Rwoth othumo banja kiri ri werin pajo.

Yohana 9:24

Gikenyo jodoko jolwoŋo ŋati m'onywol ma waŋ'otho no mar'ario to jowaco rigo ni, “Miy Were dwoŋ. Waŋeyo nike jalo jagimarac.”

Yosuwa 7:19

Kenyo to Yosuwa waco ri Acan ni, “Wodan, miy dwoŋ ri Were pa Isiraili aka iŋuti reco perin. Onyo pama wac ran gim'itieko timo; ikir'ipan kwoŋan.”

Menyirok ri Yohana 11:13

I hongo no won, yengirok madwoŋ ma piny otimere. Acel kwoŋ apar ma tindi oŋinyere woko, aka ji ma romo gana abirio jotho i yengirok ma piny no. Ji m'odoŋ jobwok to jopako dwoŋ pa Were ma polo.

Menyirok ri Yohana 14:7

Go owaco gi dwonde ma malo ni, “Lwor win Were, aka paki win dwoŋ pere! Kole ndir otundo rigo ma thumo banja ri ji. Am'omiyo, lami win Were m'ocweyo polo, piny, nam, kodi waŋ pi!”

Menyirok ri Yohana 16:9

Ji jowaŋ gi lietho mager no, to jokwoŋo nyingi Were manitie gi meni kwoŋ thoyamo me je, to jokwero ŋuto kwoŋ reco pajo kosa miyo Were dwoŋ.

1 Samwiri 5:11

Doko to jolwoŋo rwodhe pa Jofilistia kanyacel to jowaco rijo ni, “Dwoki win Kakan ma Cikirok pa Were pa Joisiraili kama ripo ni wobed'iye, wokiri woneki wan gi ji mawan.” Kirin obedo i tindi gipi rupiri Were oyido miyo jo gir'acula mapek.

1 Samwiri 5:9

To munyo Kakan ma Cikirok otundo kenyo, Rwoth omiyo tindi no gir'acula to kelo kirin swa. Omiyo ji ma tindi no gir'acula ma two akwota kwoŋ, nyithindho gi jodongo parom.

1 Samwiri 6:8

Wikwany Kakan ma Cikirok pa Rwoth to wiketho i magal; aka wikethi sanduku m'otiŋo mic ma cal m'otimi gi zahabu ma widhiro rigo ma kwanyo woko reco mewin i thengi Kakan ma Cikirok. Widhir magal, to wiweyo won wokadhi yo pere.