1 Samwiri 30:4 - KITAWO MALEŊ

⁴ Daudi gi cwo pere jotiŋo dwondi gin malo to jogoyo ndur, aka joywak cuka meni oloyo jo ma ywak.

KITAWO MALEŊ Catholic

⁴ Daudi gi cwo pere jotiŋo dwondi gin malo to jogoyo ndur, aka joywak cuka meni oloyo jo ma ywak.

1 Samwiri 30:4 ပူးပေါင်းရင်းမြစ်များ

Ezira 10:1

Korin munyo Ezira oyido okule kwayo ruwaŋ Ot pa Were, kareno ywak aka tuco reco pa Joisiraili, lwak Joisiraili madwoŋ, cwo, mon gi nyithindho jocokere bonge, aka bende joywak gi litho.

Kwan 14:1

Kweth je jobaro dwondi gin gi ywak, to ji je jobiyo pigi waŋ gin wor no.

Kwan 14:39

Munyo Musa otieko waco wac me ri Joisiraili je, ji joywak tektek.

Jothum Banja 2:4

Munyo malaika pa Rwoth otieko luwo wac me ri Joisiraili, ji jotiŋo dwondi gin malo to joywak.

Jothum Banja 21:2

Aka ji jobino i Bethel, to jobedo kenyo tundo othieno ruwaŋ Were, to jotiŋo dwondi gin malo to joywak tektek.

1 Samwiri 11:4

Munyo jomikwenda jotundo Gibeya, kama Saulo oyido bed'iye, jowaco ri ji gime; aka ji je jogoyo ndur to joywak.

1 Samwiri 30:3

Munyo Daudi gi cwo pere jotundo, jonwaŋo ni tindi pajo owaŋ aka mon pajo, gi nyithindho pajo je okadhi gi jo.

1 Samwiri 4:13

Eli onwaŋo obedo i kom pere i thengi royo ŋiyo, aka cunye oyido rembo ri Kakan ma Cikirok pa Were. Aka munyo jalo oywoyo wac me i tindi gipi paka rom, kisi nyatoro oywaki i lworo.