1 Samwiri 20:3 - KITAWO MALEŊ

³ Daudi odwoko ni, “Benin oŋeyo maber swa ni imaran swa, aka go okwero waco rin gima go ocano timo ran, rupiri bino ramo cunyin. To akwoŋere rin i nyingi Rwoth makwo ni anitie cegin gi tho!”

KITAWO MALEŊ Catholic

³ Daudi odwoko ni, “Benin oŋeyo maber swa ni imaran swa, aka go okwero waco rin gima go ocano timo ran, rupiri bino ramo cunyin. To akwoŋere rin i nyingi Rwoth makwo ni anitie cegin gi tho!”

1 Samwiri 20:3 ပူးပေါင်းရင်းမြစ်များ

2 Samwiri 15:21

Itay odwoko kere ni, “Jadwoŋ, akwoŋere rin i nyingi Rwoth ni abino kadho kodin kamoro je m'inokadh'iye, makada nende bedi tho.”

2 Kerin 2:2

Aka Elia owaco ri Elisa ni, “Onyo mondo bedi ka, kole Rwoth ooran denge Bethel.” To Elisa odwoko ni, “Akwoŋere i nyingi Rwoth makwo kodi rin nike akibino weyin.” Ameno jokadho i Bethel.

2 Kerin 2:4

Kenyo Elia owaco ri Elisa ni, “Bedi ka, kole Rwoth ooran i Yeriko.” Elisa odwoko ni, “Akwoŋere i nyingi Rwoth makwo kodi rin nike akibino weyin.” Ameno jokadho i Yeriko.

2 Kerin 2:6

Kenyo Elia owaco ri Elisa ni, “Bedi ka Rwoth ooran i Malawa Yordan.” Elisa odwoko ni, “Akwoŋere i nyingi Rwoth makwo kodi rin nike akibino weyin.” Ameno jomedere woth.

Zabuli 116:3

Bwo ma tho oyido othokan, lworo ma tho oyido ouman; oyido apoŋ gi lworo gi bwok.

Yeremia 38:16

Ameno Zedekia okwoŋere ri Yeremia manyaliŋliŋ ka waco ni, “Paka Rwoth kwo, go m'omiyo wan kwo, akilanekin, aka akilakethin i cingi jono ma jodwaro kwo perin.”

Yeremia 4:2

to wikwoŋere ni, “Paka Rwoth kwo!” Iy'adieri, i tiro, kodi i genirok, nyaka nonin jobino limo silwany i go, aka jobino noro i go.

Kitawo mar'abic mapa Musa m'ilwoŋo ni Cik 28:66

Kwo mewin laliero i kiganagana, wor g'odieceŋ wilapoŋ gi lworo, aka wilangoye gi geno i kwo mewin.

Kitawo mar'abic mapa Musa m'ilwoŋo ni Cik 6:13

Wiripo lworo Rwoth Were mewin, go ama wiripo tiyo rigo, aka wiripo kwoŋere i nyingi go kende.

Joebulaniya 6:16

Kole dhano ka kwoŋere oro nyingi nyatoro maloyo go gi dwoŋ, aka kiti kwoŋirok no cowo piem je i dier ji.

1 Samwiri 1:26

Hana owaco rigo ni, “Mondo jadwoŋ ipoyan? Aŋat'abedo dhako ma ndelo no ocungo ka, munyo kwayo Rwoth.

1 Samwiri 17:55

Con mere munyo Daudi wotho kidho lweny gi Goliath, Saulo openjo Abuner jamituka pa jolweny pere ni, “Jayac no wok kune?” Abuner odwoko ni, “Akuya jadwoŋ.”

1 Samwiri 20:2

Yonathan odwoko ni, “Meno gima kimitere n'ilatho! Baba waco ran kisi gima go kidho timo kada bedi mathin nedi; aka go di k'onyalo kano kwoŋan gime. K'obedo adieri!”

1 Samwiri 20:4

Yonathan odwoko ni, “Alatimo gimoro je ma imito ni atim rin.”

1 Samwiri 25:26

Rwoth ama ogeŋin culo kwor t'ineko jokwor perin; t'onyo weyi jokwor perin je jowocale Nabal.

1 Samwiri 27:1

Daudi obedo gi paro ni ndelo acel Saulo bino neko go. Ameno go owaco ni gimaber atima a kwalok kidho piny pa Jofilistia; nyaka Saulo laweyo rangan aka alabedo kam'opanere.