1 Samwiri 2:2 - KITAWO MALEŊ

² Ongoye ŋataleŋ paka Rwoth; ongoye ŋatiman ma cale in, ongoye tele lwanda ma pimere gi Were mawan.

KITAWO MALEŊ Catholic

² Ongoye ŋataleŋ paka Rwoth; ongoye ŋatiman ma cale in, ongoye tele lwanda ma pimere gi Were mawan.

1 Samwiri 2:2 ပူးပေါင်းရင်းမြစ်များ

2 Samwiri 22:3

Were paran obedo tele paran, i go a kapondo paran. Kwot paran, aka meni paran ma bothi, kapondo paran, jaboth paran; ma bothan wok iy'akaka.

2 Samwiri 22:32

Rwoth kende a Were Were kende a tele mawan.

2 Samwiri 7:22

Riameno idwoŋ Rwoth Were; rupiri ongoye ŋata pimere kodin, aka ongoye Were man ma cale in, ro gima watieko winjo je gi ithi wan.

1 Kerin 8:23

to kwayo ni, “Awi Rwoth, Were pa Isiraili, ongoye Were ma cale in, i polo malo kosa i piny! Ikuro cikirok perin gi ji perin aka inyutho mar makiwire ka jowotho ruwaŋin gi cuny jo je.

Zabuli 111:9

Rwoth ogonyo ji pere; to timo cikirok ma cil gi cil gi jo. Nyinge leŋ aka nigi meni!

Zabuli 18:2

Rwoth obedo tele paran, kapondo paran aka jaboth paran. Were paran obedo tele paran, i go a kapondo paran. Kwot paran, aka meni paran ma both, kapondo paran.

Zabuli 18:31

Rwoth kende a Were Were kende a tele mawan.

Zabuli 71:19

gi tim perin m'otire, Awi Were tundo i polo, In m'itieko timo gigipiny madongo, Awi Were, ŋa ma cale in?

Zabuli 71:3

Bedi ran tele ma pondo, cel matek, ma bothan, kole iŋat'ibedo tele paran, aka kapondo paran.

Zabuli 73:25

Ŋa ma nitie gine i polo kwanyo woko in? Aka ongoye gim'agomba i piny kwanyo woko in.

Zabuli 86:8

Rwoth, ongoye were ma cale in, ongoye m'otieko timo gim'itieko timo.

Zabuli 89:6

Ongoye ŋata cale kodin i polo, ongoye cwec ma polo ma cal Rwoth.

Zabuli 89:8

Awi Rwoth pa lwak jolweny, ŋa ma jameni paka in, Awi Rwoth, itimo adieri i gimoro je.

Zabuli 99:3

Weyi jowopaki nyingi go madwoŋ ma kelo lworo. Go Leŋ!

Zabuli 99:5

Pak win Rwoth Were mawan, lam ruwaŋ kom pere ma dhum! Go Leŋ!

Zabuli 99:9

Pak win Rwoth Were mawan, aka lam wi got pere maleŋ! Kole Rwoth Were mawan leŋ.

Kitawo mar'ario mapa Musa m'ilwoŋo ni Wok 15:11

“Rwoth, ŋa ma calin, kwoŋ werin je? Ŋa ma calin, itek loyo joje? Ŋa manyalo timo gir'aura gi tim madongo paka aperin?

Isaya 40:18

Onyo inopima Were g'aŋo, kosa cal mene?

Isaya 44:6

Rwoth, Kere pa Isiraili waco, Jaboth pere, Rwoth pa lwak jolweny ni “Abedo marapena aka macowe, aka ongoye were man kwanyowoko an.

Isaya 44:8

Wikiri wikirin, kosa wibwok, fodi akiwaco riwin wok cene t'awodho kamaler? Wibedo jokony paran! Nitie were man je kwanyowoko an? Ongoye tele man, ongoye m'aŋeyo.”

Isaya 57:15

Kole Jamalo swa, ŋataleŋ waco, go makwo cil gi cil, ma nyinge Leŋ. Abedo kam'oŋawere, kamaleŋ, gi jono bende ma joŋuto aka jobwonere i cuny, dwoko cuny jomamwol, gi dwoko cuny joma ŋuto reco.

Isaya 6:3

Acel oyido lwoŋo nyawote to waco ni, “Maleŋ, Maleŋ, Maleŋ! Rwoth pa lwak jolweny! Dwoŋ pere opoŋ i piny gibe.”

Yeremia 10:6

Ongoye ŋata cale kodin, awi Rwoth; Idwoŋ, aka nyingin dwoŋ i meni.

Jolevi 11:44

Kole an, abedo Rwoth Were mewin, lokere win maleŋ, aka wibedi maleŋ, kole Aleŋ. Wikiripi kocirok gi cwec ma lak piny.

Jolevi 11:45

Kole An abedo Rwoth, m'awodho win wok i lowo ma Misir, bedo Were mewin, riameno bedi win maleŋ, kole Aleŋ.

Jolevi 19:2

Luw gi lwak pa Joisiraili aka iwaci rijo ni: Bedi win maleŋ rupiri An Rwoth Were mewin aleŋ.

Joroma 15:4

Kole gimoro je m'ondiki i kitawo maleŋ ondiki ma fonjo wan, ŋey walimi geno i diyo cuny kodi i meni ma Ndiko Maleŋ miyo wan.

Joroma 4:8

Jasilwany a ŋata Rwoth kilakwano kwoŋe reco pere!”

Kitawo mar'abic mapa Musa m'ilwoŋo ni Cik 3:24

“Awi Rwoth Were, nyaka icako nyutho ŋeca perin dwoŋ perin kodi meni perin; were mene i polo kosa i piny m'anyalo timo tim ma meni paka aperin!

Kitawo mar'abic mapa Musa m'ilwoŋo ni Cik 32:20

Go owaco ni: Alapano waŋan kwoŋ jo, Alaneno gima gike pajo obedi; kole jobedo luse m'orwenyo, nyithindho m'adieri kinwaŋere i jo.

Kitawo mar'abic mapa Musa m'ilwoŋo ni Cik 32:39

Neni win pama ni An, Abedo go, ongoye were man kwanyowoko an, Aneko, aka amiyo kwo, amiyo litho, aka acango, aka ongoye ŋata nyalo botho dhano wok i cingan.

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Kitawo mar'abic mapa Musa m'ilwoŋo ni Cik 4:35

To riwin, onyuthi win, ŋey wiyey nike Rwoth obedo Were, aka ongoye man kendo.

Kitawo mar'abic mapa Musa m'ilwoŋo ni Cik 4:39

Riameno yey win konon aka kethi win i cuny win, nike Rwoth obedo Were i polo malo kodi i piny ka, ongoye man kendo.

1 Petero 1:16

rupiri ndiko waco ni, “Wiripo bedo maleŋ, rupiri aleŋ.”