1 Samwiri 18:5 - KITAWO MALEŊ

⁵ Kisi tic ma Saulo ooro go je, Daudi otimo maber aka Saulo oyero go bedo jasirikale madwoŋ. Gime osangala ji je kodi jolweny man madongo.

KITAWO MALEŊ Catholic

⁵ Kisi tic ma Saulo ooro go je, Daudi otimo maber aka Saulo oyero go bedo jasirikale madwoŋ. Gime osangala ji je kodi jolweny man madongo.

1 Samwiri 18:5 ပူးပေါင်းရင်းမြစ်များ

Cakirok 39:23

Jakur jiera doko k'okuro gimoro je ma Yozefu oyido kuro rupiri Rwoth oyido nitie gi go, aka kisi gima go otimo, Rwoth omiyo kidho maber.

2 Samwiri 5:10

Daudi omedo lokirok matek, kole Rwoth oyido nitie gi go.

2 Samwiri 5:2

Cango munyo Saulo oyido fodi kere mawan, oyido itelo Joisiraili i lweny aka Rwoth ocikin nike ibino telo ji pere to ibedo jadhum pajo.”

2 Kigana kwoŋ Kerin 17:3

Rwoth oyido nitie gi Yehosafat, rupiri oluwo tim pa bamere macon, aka go k'olamo Bal,

Zabuli 1:3

Ŋato cale yath m'opidhi i waŋ pi ma mol ma nyak i ndir pere, aka boke mere kithwo. Kisi gima go timo yindira.

Zabuli 101:2

Alaluwo yo ma bu apuse. Inobin bongan keraŋo? Alabedo gi cuny m'olony,

Matayo 10:16

“Neni win! Onyo adhiro win paka rombo i dier arara. Wiripo bedo mariek pa thwol odoko mamwol p'akuru.

Tim pa Jomoor 7:10

to wodho go maber i teko pere je. Munyo Yozefu otundo ruwaŋ Farawo, kere pa Jomisir, Were omiyo go kite maber swa kodi rieko m'omiyo go oywayo cuny Farawo. Farawo oloko Yozefu jadhum (gavana) ma piny kodi ma ot pere.

Joefeso 5:17

Wikiri wibedi ma miŋmiŋ, to niaŋ win gima Were mito.

Jokolosia 4:5

Bedi win mariek i kite ma witero gine joma fodi jok'oyeyo, munyo wioro hongo ma winigine maber.

Jothum Banja 1:19

Rwoth oyido nitie gi Yuda, go omako piny matendere, to k'onyalo riemo woko ji m'oyido jobedo i milelo kwoŋbedo oyido jonitie gi cawilin ma nyweny.

1 Samwiri 13:2

Saulo oyero cwo 3,000 aka odhiro ma jodoŋ dok peco; aka cwo 2,000 kwoŋ jono jodoŋ gi go Mikmas kodi i piny matendere tendere Bethel, to oro cwo 1,000 gi Wode Yonathan kidho Gibeya, iy'adec pa Benyamin.

1 Samwiri 14:52

I hongo je ma Saulo odhumo Joisiraili, olwenyo gi Jofilistia noknok. Aka kisi ka Saulo oneno jacwo ma jamisen aka jameni, orwako go bedo jalweny pere.

1 Samwiri 18:16

To kisi nyatoro i Yuda gi Isiraili omaro Daudi rupiri go am'oyido telo jo kidho i lweny.

1 Samwiri 18:30

Jomituka jolweny pa Jofilistia oyido jobino lweny gi Joisiraili, aka i kisi lweny Daudi oyido timo maber loyo jolweny pa Saulo madongo je. I cowe mere omiyo nyingi go dwoŋ.

1 Samwiri 18:4

Yonathan olunyo woko law m'oyido oruko to miyo Daudi, gi lweny pere, kiri toŋ, kwot, gi thol ma piere to miyo Daudi.

1 Samwiri 18:6

Munyo Daudi dwoko, munyo otieko neko Goliath, mon jowok i kisi tindi pa Joisiraili bino romo gi kere Saulo; aka oyido jowero gi kisangala, jomielo, jogoyo tongol, aka joyengo seke.

1 Samwiri 3:19

Munyo Samwiri dongo, Rwoth oyido nigi go aka omiyo gimoro je ma go owaco tundo i kare.