1 Samwiri 17:34 - KITAWO MALEŊ

³⁴ Daudi owaco ni, “Jadwoŋ, an, akwayo rombo pa baba. To kisi ka simbwor kosa arara omako nyathi rombo,

KITAWO MALEŊ Catholic

³⁴ Daudi owaco ni, “Jadwoŋ, an, akwayo rombo pa baba. To kisi ka simbwor kosa arara omako nyathi rombo,

1 Samwiri 17:34 ပူးပေါင်းရင်းမြစ်များ

Cakirok 31:39

Kiri m'ogwaŋe madudi joyeco je akikelo rin, t'atero keŋ mere an won. Ibanja an m'okwal odieceŋ kosa wor.

2 Samwiri 17:8

Iŋeyo paka benin Daudi gi cwo pere jobedo jolweny matek, aka joger pa arara m'okwal nyithindhe. Benin otieko bedo jalweny ma hongo malac, aka kibedi gi cwo pere wor.

2 Samwiri 23:20

Benaya wod pa Yehoyada ma wok Kabizel bende oyido obedo jacwo ma jamaker; otimo gigipiny madongo kweth, to neko kiri jolweny madongo ario ma Jomowab. Ndelo moro go odonjo i bur munyo tor cwe to neko simbwor.

1 Kigana kwoŋ Kerin 11:22

Benaya wod pa Yehoyada ma wok Kabizel bende oyido obedo jacwo ma jamaker; otimo gigipiny madongo kweth, to neko kiri jolweny madongo ario ma Jomowab. Ndelo moro go odonjo i bur munyo pe cwe to neko simbwor.

Zabuli 143:5

Apoyo hongo macon, aparo kwoŋ gim'itieko timo, aparo kwoŋ gima cingin otieko timo.

Ezekiel 34:12

Paka jakwath dwaro mwendi pere ka jonitie i dier mwendi pajo m'okedhere, ameno apaka aladwaro rombo paran. Alabotho jo i kabedo je m'okedh'iye jo i ndelo ma pondeponde kodi ma mudho m'opoto.

Amos 3:12

Me apaka Rwoth waco, paka jakwath rombo mayo simbwor tiendi rombo ario, kosa ithe, wok i dhoke, ameno apaka ji manok ma Samaria ibino bothio jo g'adec ma kitandin pajo ma kilaza.

Zekaria 11:16

Kole ee, acegin tiŋo malo jakwath rombo i piny, ma kidew kwoŋ m'ireyo woko, k'orangi ma jokedhere, k'ocangi ma jotur, kosa k'opidhi ma joboth. To go lacamo woko riŋo pa ma jocwe, aka layeco woko lwet jo.”

Zekaria 9:7

Alakwanyo woko remo mere wok i dhoke, kodi amien mere wok i lake, aka labedo paka gim'oboth ri Were mawan; go labedo paka kwari nono i Yuda, aka Ekiron labedo paka Joyebus.

Luka 2:8

Cegin kenyo onwaŋo nitie jokwath moro m'oyido jo ni sa jokuro mwendi pajo wor gi weso.

Yohana 10:11

“Aŋat'abedo jakwath maber. Jakwath maber yeyo tho ri rombo pere.

Joroma 5:4

ciro miyo Were foyo wan, aka foyo pere kelo riwan geno.

Joebulaniya 11:33

Yeyo omiyo jolwenyo gi piny pa jowiloka m'omore to joloyo lweny. Jotimo gim'otire to jolimo gima Were ociko jo; joculo kiri dhok simbwor,

Menyirok ri Yohana 13:2

Ogwaŋ m'aneno no ocale kwac, tiende ocale tiendi arara, aka dhoke ocale dhok simbwor. Bulir omiyo ogwaŋ no meni pere won, gi kom pere ma dhum, kodi meni m'oasere ma dhum.

Jothum Banja 14:6

Cuny pa Rwoth okwakere kwoŋe, to go yeco simbwor kadirio gi cinge nono paka nyatoro nyalo yeco nyathi diel. To go k'owaco ri bamere kosa min gima go oyido otimo.

1 Samwiri 17:15

Daudi oyido riwin kisi hongo dok Bethelehem, kwayo rombo pa bamere.

1 Samwiri 17:33

Saulo odwoko ni, “Be, inyalo nedi lwenyo gi go? In nyaka jayac, aka go otieko bedo i lweny kwo pere je.”

1 Samwiri 17:35

aluwo simbwor kosa arara no, t'amonjo go botho nyathi rombo. Aka ka simbwor kosa arara no owire ran, amako gi yer ma dwonde aka afodo piny to aneko.