1 Petero 4:16 - KITAWO MALEŊ

¹⁶ To ka moro kwoŋ win candere kwoŋbedo go jakristo, wiye wokiri wokwoti, to wofoy Were ayino ni go ilwoŋo go gi nyingi Kristo.

KITAWO MALEŊ Catholic

¹⁶ To ka moro kwoŋ win candere kwoŋbedo go jakristo, wiye wokiri wokwoti, to wofoy Were ayino ni go ilwoŋo go gi nyingi Kristo.

1 Petero 4:16 ပူးပေါင်းရင်းမြစ်များ

Isaya 24:15

Riameno ji ma yuwok ceŋ miy win Rwoth dwoŋ, ji ma jobedo i thengi nam, pak win nyingi Rwoth, Were pa Isiraili.

Isaya 50:7

Rwoth Were konyan, riameno wickwot k'omakan, aketho waŋan paka cuk mac ma cot, aka aŋeyo ni wickwot k'omakan.

Isaya 54:4

Ikir'ibedi gi lworo, kole wickwot kilamakin; Ikir'ilacere, wickwot kilamakin. Wiyin lawil gi wickwot ma soye perin, aka ikilawinjo wickwot ro bedo citho.

Tim pa Jomoor 11:26

Munyo onwaŋo go, okelo go Antiok. I hongo ma romo oro gipi jario me joromo gi kitipa pa jom'oyeyo, to jofonjo ji madit swa. I Antiok me ama open lwoŋ'iye jofonjirok ni Jokristo.

Tim pa Jomoor 26:28

Gikenyo Agripa owaco ri Paulo ni, “I hongo macek won me iparo ni inyalo lokan Jakristo?”

Tim pa Jomoor 28:22

To wamito winjo gim'iwaco rupiri kamoro je ji joluwo marac kwoŋ kweth me m'initie iye.”

Tim pa Jomoor 5:41

Jomoor joeye i kapido gi kisangala madwoŋ ni Were oparo kwoŋ jo ni joripo limo acanda ma kite no i nyingi Yesu.

Jofilipi 1:20

Kole anitie g'awanya madwoŋ kodi geno nike wiyan k'okwoti i tic paran, to ni hongo je, makada pama won, abino bedo gi miseni madwoŋ ma kelo dwoŋ ri Kristo i del paran, kad'akwo kosa atho.

Jofilipi 1:29

Kole go otieko miyo win silwany, ki nyaka ma yeyo Kristo kende, to ma candirok rigo bende.

2 Timothe 1:12

meno am'omiyo acandere ama. To kad'ameno wiyan kikwoti, rupiri aŋeyo ŋat'ayeyo kwoŋe, aka aridho ni go nyalo kuro gim'atieko miyo go cuka Ndelo no tundo.

Yakobo 2:7

Ki jono ama joluwo marac kwoŋ nyingi ŋataber m'ilwoŋo win gine no?

1 Petero 2:12

Kula mewin i dier joma bu Were wobedi maber ma ka jotemi kelo kwoŋ win wac ni wireco, jobino neno tim mewin mabeyo, to jopako Were i Ndelo ma bino pere.

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.

1 Petero 4:14

Wijosilwany k'oyeti win ro oro nyingi Kristo; dwoŋ mere ni Cuny ma nigi dwoŋ aka apa Were, nitie i win.

1 Petero 4:19

Am'omiyo, joma candere rupiri obedo mito pa Were rijo, joripo medo miyirok ri jacwec pajo ma genere gi medo timo gima beyo.