1 Petero 3:21 - KITAWO MALEŊ

²¹ aka pi no obedo ranyuth ma cimo batisimo ma pama botho win, ki paka gima lwoko woko cilo ma del t'obedo cikirok m'itimo ri Were gi cuny maber. Gino bothin luwo kwoŋ cerino pa Kristo Yesu,

KITAWO MALEŊ Catholic

²¹ aka pi no obedo ranyuth ma cimo batisimo ma pama botho win, ki paka gima lwoko woko cilo ma del t'obedo cikirok m'itimo ri Were gi cuny maber. Gino bothin luwo kwoŋ cerino pa Kristo Yesu,

1 Petero 3:21 ပူးပေါင်းရင်းမြစ်များ

Zekaria 13:1

I ndelo no labedo waŋ pi m'ilayawo ri ot pa Daudi kodi ji ma jobedo i Yerusalem lonyo jo kwoŋ reco kodi koco.

Matayo 28:19

Am'omiyo kidhi win wiloki nonin je jofonjirok paran; wibatisa jo i nyingi Baba gi Wode gi Cuny Maleŋ.

Mariko 16:16

Ŋat'oyey t'ibatisa go bino both; ŋat'okwer yeyo ilathumo banja rigo.

Yohana 13:9

Simon Petero odwoko ni, “Rwoth onyo ikir'ilwok nyaka tiendan kende, to lwoki ran kiri cingan gi wiyan bende!”

Tim pa Jomoor 16:33

I hongo ma wor no won, jakur od twec otero jo lwoko adholin pajo; aka go kodi joot pere je obatisa jo mayot.

Tim pa Jomoor 2:38

Petero odwoko jo ni, “Ŋuti win reco mewin, obatisa win i nyingi Yesu Kristo, wocwaki reco mewin, aka wibino limo mic ma Cuny Maleŋ.

Tim pa Jomoor 22:16

To onyo aŋo m'idoko ikuro? Ay malo obatisa in, aka reco perin wolwoki woko munyo ilwoŋo nyingi go.’ ”

Tim pa Jomoor 8:36

Munyo fodi jowotho i royo, jotundo kama dipi, to jasirikale waco ni, “Kole pi moro ee. Aŋo ma geŋan limo batisimo?”

Tim pa Jomoor 8:37

[Filipo owaco rigo ni, “Inyalo kibatisa in k'iyeyo gi cunyin je.” Ana go ni, “Ayeyo ni Yesu Kristo obedo Wod Were”].

Joroma 5:14

To wok i ndir pa Adam tundo i ndir pa Musa, tho odhumo ji je, kada jom'oyido jok'otimo reco paka Adam munyo okwero mako cik pa Were. Adam obedo cal pa ŋat'oyido kidho bino rumacen.

1 Jokorintho 12:13

Kole wajoje, kada bedi Joyuda kodi Jopath, kosa joma ni siem kodi ŋecin, je Cuny acel am'omiyo wan batisimo i del acel, aka omiy wajoje limo Cuny Maleŋ acel.

1 Jokorintho 4:6

Wutmera, ma konyo win, aluwo kwoŋ Apolo kodan paka ranen, ŋey winiaŋ dwoŋ wac m'ondiki ni, “Maki cik m'otire.” Meno aka bino ngoye kwoŋ win ŋata pakere gi dhano acel to cayo ŋatiman.

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

2 Jokorintho 7:1

Paka wan gi cikirok me, jowotan m'amaro, walonyi win kwoŋ gimoro je ma koco delkwoŋ wan, kosa cuny wan, aka warangi lokirok maleŋ makicutho, ka walworo Were i kwo mawan.

Jogalasia 3:27

Ato wijoje ma wilimo batisimo i Kristo, onyo wiruko kwoŋ win Kristo won gipi.

Joefeso 5:26

nike woloki go maleŋ kareno lonyo go gi pi kodi wac ma kwo,

Jokolosia 2:12

Kole munyo wilimo batisimo, meno kareno oyiki win gi Kristo, aka bende wicerino gi go ro yeyo mewin i meni pa Were ma tic, m'ocerino go kwoŋ jom'otho.

1 Timothe 1:5

Atoŋa ma or me obedo mar, aka wok i cuny m'olony, kodi i paro m'otire, kodi i yeyo mar'adieri.

1 Timothe 6:12

Tem paka inyalo lwenyo lweny maber ma yeyo, aka inolimi kwo makirum, kole me a kwo ma Were olwoŋin'iye munyo ituco maber yeyo perin ruwaŋ jom'oneno mathoth.

Joebulaniya 10:22

onyo weyi wacore cegin gi Were, gi cuny wan je, gi yeyo m'ocowere, gi cuny m'otiek lonyo m'odoko kiwinji banja, gi del m'olwok gi pi m'olony.

Joebulaniya 11:19

Abraham oparo nike Were nyalo cerino dhano kwoŋ jom'otho. Am'omiyo i kite ma luwo, cal pa Abraham ojolo Isaka munyo wok bongi jom'otho.

Joebulaniya 13:18

Kway win riwan ma wikikeŋ. Waŋeyo ni paro ma cuny wan otire, aka wamito timo gim'otire hongo je.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

Joebulaniya 9:24

Ato Kristo k'odonjo i Kabedo Maleŋ ma ji ama jotimo, m'obedo nyaka cal pa kabedo mar'adieri mere. Go odonjo i polo won kama go pama ocung'iye riwan ruwaŋ Were.

1 Petero 1:3

Weyi wapaki Were Ba Rwodhiwan Yesu Kristo. Ro ŋono pere m'oasere, go omiyo wanywole i kwo manyen munyo ocerino Yesu Kristo kwoŋ jom'otho to miyo wan geno ma kwo i cuny wan,

1 Petero 3:16

To tim win ameno gi mwolo ka wimiyo jo dwoŋ. Kendo kuri win paro ma cuny win maber, aka ŋey joma joluwo marac kwoŋ kiti win maber i Kristo, wiy jo bino kwot kwoŋ gima jowaco.