1 Petero 3:18 - KITAWO MALEŊ

¹⁸ Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

KITAWO MALEŊ Catholic

¹⁸ Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Petero 3:18 ပူးပေါင်းရင်းမြစ်များ

Daniel 9:26

Rumacen ma oro dipiero aucel g'ario no, ilakwanyo woko ŋat'owir gi mo aka go langoye gi gimoro, to ji pere jolabino reyo woko tindi madwoŋ kodi Ot pa Were. Gike mere labino paka mikula pi, kelo lweny, rerok ma kiwacere.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Kwan 7:15

Rwath acel, wod rombo acel, nyathi rombo acel ma jaoro acel, ma mic awaŋa.

Matayo 27:19

Munyo Pilato oyido obedo i ot wothum banja, cege odhiro rigo mikwenda, ni “Ikir'itim gimoro kwoŋ dhano ma bu raco no, rupiri nende wor acandere swa i lek ma mako kwoŋe.”

Matayo 27:24

Gikenyo munyo Pilato onwaŋo ni ongoye kony medirok gi penji aka kucel ji oyido jomedo ameda woy ayino, okwanyo pi to logo cinge ruwaŋ ji, munyo waco ni, “Tho pa ŋatin kimaki kwoŋan; me obedo tim mewin wiwegi!”

Yohana 16:10

kwoŋ tiro, rupiri akidho bongi Baba aka odoko wik'onenan;

Tim pa Jomoor 22:14

Gikenyo go owaco ran ni, ‘Were pa kwarere mawan oyerin ni iŋey gima go mito, ni inyal neno Ŋat'otire pere gi winjo go munyo iwinjo dwonde won;

Tim pa Jomoor 3:14

Kole go oyido leŋ aka ber, to wikwero go, kucel wikwayo Pilato ni wogonyi riwin janek ayino.

Joroma 1:4

t'inyutho ji ni go obedo Wod Were gi meni madwoŋ mapa Cuny ma kelo leŋo, munyo ocerino go kwoŋ jom'otho.

Joroma 4:25

Ojala Yesu ri tho ro reco mawan, aka ocerino go i kwo ŋey wokwan wan i tiro gi Were.

Joroma 5:2

Go am'okelo wan i nema pa Were ma pama wacung'iye. Am'omiyo wasangala i geno ma wanitie gine ma limo dwoŋ pa Were!

Joroma 8:11

Ka Cuny Maleŋ pa Were m'ocerino Yesu kwoŋ jom'otho nitie i win, meno ŋat'ocerino Kristo kwoŋ jom'otho bende bino miyo delkwoŋ win ma tho no kwo ro Cuny Maleŋ ma bedo i win.

Joroma 8:3

Gima Cik k'onyalo timo ro nyapo ma del pa dhano, Were onyalo timo. Othumo banja loyo gimarac ma del, munyo ooro Wode won, m'obino i cal ma del pa dhano ma jagimarac, aka wonyali reyo woko gimarac.

2 Jokorintho 1:24

Onyo wakitem cuko win gi gima wiripo yeyo, rupiri wicungo matek i yeyo. Kucel, watiyo gi win ri kisangala mewin won.

2 Jokorintho 13:4

Kole ogur go wi musalaba i nyapo, to gi meni pa Were go odoko kwo. Wabende wanyap i go; to gi meni pa Were wabino kwo ka watiyere gi win.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Jogalasia 1:4

Kristo omiyo kwo pere ro reco mawan, ŋey wobothi wan kwoŋ ndir marac ma pama, i mito pa Were mawan ma Bawan.

Jogalasia 3:13

Munyo Kristo olokere ŋat'okwoŋ ka waŋ wan, ogonyo wan woko kwoŋ ma Cik kelo, rupiri ndiko waco ni, “Nyatoro je m'olier wi yath meno ŋat'okwoŋ.”

Joefeso 3:12

I go, kendo gi yeyo mawan i go, wanitie gi thwolo ma donjo bongi Were gi siem ma cuny wan odile.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 10:10

Aka Yesu Kristo otieko timo gima Were omito ni go wotim, am'omiyo wajoje onyo oloki wan m'olony kwoŋ reco i cowirok ma go otimo ma delkwoŋe won, dicel kende to kicutho.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

Joebulaniya 9:26

Kole di go ocandere dikweth wok cuka cwey piny. To, go onenere dicel makicutho, i gik ndir ma rumacen, ma kwanyo woko reco cungo kwoŋ cowirok ma kwo pere won.

Joebulaniya 9:28

apaka Kristo bende ocway go dicel paka cowirok ma kwanyo woko reco pa ji kweth; aka go odoko bino nenirok mar'ario, ki ma tiŋo reco kendo, to ma botho joma jokuro go ayin.

Yakobo 5:6

Witieko thumo banjin ni oloyo ji m'oyido jongoye gi raco moro to wineko jo, kad'oyido jokipiem gi win.

1 Petero 3:19

aka i kwo ma cuny no, go okidho to tito wac kamaler ri cuny m'oketh i twec.

1 Petero 4:1

Am'omiyo, paka Kristo ocandere i delkwoŋe, wibende wiripo miyirok miseni gi kiti paro ma go obedo gine, rupiri ŋat'ocandere i delkwoŋe meno otieko thekirok gi gimarac.

1 Petero 4:6

Me am'omiyo otiti Wac Manyen Maber ri joma pama jotieko tho bende, ŋey wothum rijo banja i del paka ji je, to jobedo makwo paka Were i cuny.

1 Yohana 1:9

To ka watuco reco mawan ri Were, go genere kendo otire aka bino cwako reco mawan, to lonyo wan kwoŋ tim mawan mareco je.