1 Petero 2:9 - KITAWO MALEŊ

⁹ To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

KITAWO MALEŊ Catholic

⁹ To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Petero 2:9 ပူးပေါင်းရင်းမြစ်များ

Zabuli 106:5

Weyi anen bero pa ji perin, aka afore i kisangala pa piny perin, gi dwoŋ pa ji perin.

Zabuli 118:27

Rwoth obedo Were, go omiyo wan lero. Gi jangi yen i cingi win, cak win kalima aka wiŋanji thoko migam.

Zabuli 135:4

Kole Rwoth otieko yero Yakobo rigo won, Isiraili paka lim pere won.

Zabuli 22:30

Luse ma yuwaŋe jobino tiyo rigo, jobino waco ri luse ma yuwaŋe kwoŋ Rwoth.

Zabuli 33:12

Josilwany a nono ma Were pajo obedo Rwoth, ji ma go oyero paka ji pere won.

Zabuli 73:15

Bedi oyido aluw paka jokidakana, dinyo abedo ma kigenere ri luse pa ji pa Were.

Isaya 26:2

Yaw waŋkace, ŋey piny ma timo gim'otire, aka kuro adieri wodonji.

Isaya 41:8

To in, Isiraili, ŋeca paran, Yakobo, m'atieko yero, kodhi pa Abraham, mere paran,

Isaya 42:16

Alatelo ji ma waŋ jo otho, gi royo ma jokuya, g'iger ma fodi jokuya, alatelo jo. Alawiro mudho ma ruwaŋ jo wobedi lero, kabedo m'onyany onyany wobedi lowo m'obipere. Me a gigipiny m'alatimo, aka ak'ojwangi jo.

Isaya 44:1

T'onyo pama winji, awi Yakobo ŋeca paran, Isiraili m'atieko yero!

Isaya 61:6

To win, ilalwoŋo win ni jocway ri Were i wi migam pa Rwoth, ilalwoŋo win ni ŋecin pa Were mawan, wilawinjo cwe ma lim pa nonin man, aka wilakwoto i ŋaŋo pajo.

Isaya 62:12

Aka ilalwoŋo jo ni ji maleŋ mapa Were, ji ma Rwoth obotho, aka ilalwoŋin ni m'odwar, tindi madwoŋ ma k'ojwangi.

Isaya 66:21

Megi kwoŋ jo alatero loko jocway ri Were i wi migam aka joman loko Jolevi, Rwoth waco.

Isaya 9:2

Ji m'oyido jowotho i mudho, jotieko neno lero madwoŋ, oyido jobedo i piny ma mudho, to lero omenyo jo.

Malaki 3:17

Rwoth pa lwak jolweny owaco ni, “Jobino bedo ji paran won, i ndelo m'anotimi gimoro, aka abino koyo jo paka ba nyathi nyutho wor ri wode ma tiyo rigo.

Matayo 4:16

Ji m'oyido jonitie i mudho joneno lero madwoŋ; Aka ri jom'oyido jonitie i piny ma mudho ma tho, lero otieko menyere.”

Matayo 5:16

Riameno lero mewin bende ripo menyo iye je ŋey ji jowoneni gima beyo ma witimo to jopako Bawin man polo.

Luka 1:79

ma bino kelo lero ri joma ni mudho, kodi i tho ma mito umo jo, to tiro tiendi wan i royo ma siem.”

Yohana 17:19

Aka ri bero pajo onyo amiyere rin ŋey jo bende jowonyal miyirok iy'adieri.”

Tim pa Jomoor 20:28

Kure win wiwegi kodi sidwol rombo je, ma Cuny Maleŋ oketho i cingi win, ni wibedi jotel mere, ma konyo kitipa pa jom'oyeyo pa Were, ma go oloko apere gi remo pa Wode won.

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

Tim pa Jomoor 26:28

Gikenyo Agripa owaco ri Paulo ni, “I hongo macek won me iparo ni inyalo lokan Jakristo?”

Joroma 9:24

Kole meno mako kwoŋ wan ma go olwoŋo, ki nyaka wok kwoŋ Joyuda kende, to kwoŋ Jopath bende.

1 Jokorintho 3:17

Ŋata nyeko Ot pa Were, Were bino reyo go woko, rupiri Ot pa Were leŋ aka wiŋati wibedo Ot ago.

Joefeso 1:14

Cuny Maleŋ obedo ma ridho ni wabino limo gima Were otieko ciko wan, cuka ji pere jolimi both, ŋey dwoŋ pere wofoy.

Joefeso 1:6

Meno aka wopak dwoŋ ma nema pere, mic pere riwan, ma go omiyo wan ma nono i Wode ma migos.

Joefeso 3:21

Weyi dwoŋ wobedi rigo, i kitipa pa jom'oyeyo go, kodi i Kristo Yesu, ri luse je cil gi cil. Ameno.

Kitawo mar'abic mapa Musa m'ilwoŋo ni Cik 10:15

kucel Rwoth oketho cunye i maro kendo to yero kwarere mewin, nyikway jo, kwoŋ ji je, paka nitie konon.

Kitawo mar'abic mapa Musa m'ilwoŋo ni Cik 14:2

Kole wibedo ji maleŋ ri Rwoth Were mewin, obedo win ama Rwoth otieko yero kwoŋ nonin je i piny bedo ji pere, aka lim pere ma welo.

Kitawo mar'abic mapa Musa m'ilwoŋo ni Cik 18:2

Riameno jongoye g'alunja i dier wutmin jo; Rwoth am'obedo gir'alunja pajo, paka go ociko jo.

Kitawo mar'abic mapa Musa m'ilwoŋo ni Cik 4:20

To Rwoth okwanyo win to wodho win wok i mac m'okur, wok i Misir, bedo ji pere won, paka wibedo pama.

Kitawo mar'abic mapa Musa m'ilwoŋo ni Cik 7:6

Kole wibedo ji maleŋ ri Rwoth Were mewin. Rwoth Were mewin otieko yero win kwoŋ nonin je i piny bedo ji pere, lim pere ma welo.

Jofilipi 3:14

Am'omiyo aringo m'adiyo cunyan, kareno acomere kodi gike, ŋey alimi kemba ma Were olwoŋan rigo, i polo malo i Kristo Yesu.

Jokolosia 1:13

Kole go otieko botho wan kwoŋ meni ma mudho to kelo wan i Ker pa Wode ma migos m'omaro,

2 Timothe 1:9

go m'obotho wan to lwoŋo wan bedo ji pere won, ki ro gima watieko timo, to r'atoŋa pere won kodi nema. Go omiyo wan nema no i Kristo Yesu mafodi ndir k'ocakere,

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

1 Petero 1:2

Oyer win r'atoŋa ma Were Baba won oŋeyo kicutho, nike Cuny Maleŋ woloki win maleŋ, ŋey wiwinji Yesu Kristo to lonyo win gi remo pere. Weyi nema gi siem wobedi mewin i thotho.

1 Petero 2:5

Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.

Menyirok ri Yohana 1:6

to loko wan bedo ker, kendo joma cwayo wi migam pa Were kendo Bamere. Dwoŋ kodi meni wobedi rigo cil gi cil. Ameno.

Menyirok ri Yohana 20:6

Ji je ma jokwanere i cerino marapena me, meno josilwany odoko joleŋ! Ato tho mar'ario kilabedo gi meni kwoŋ jo, to jobino bedo jocway ri Were i wi migam ma jotiyo ri Were gi Kristo munyo jodhumo gine cowo oro gana acel.

Menyirok ri Yohana 5:10

Iloko jo ker pa jocway ri Were i wi migam; aka jobino dhumo piny.”

1 Samwiri 12:22

Rwoth kilabolo ji pere woko, ma miyo nyingi go dwoŋ, rupiri osangala Rwoth loko win ji pere.