1 Petero 2:24 - KITAWO MALEŊ

²⁴ Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

KITAWO MALEŊ Catholic

²⁴ Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Petero 2:24 ပူးပေါင်းရင်းမြစ်များ

Cakirok 22:6

Abraham omiyo Isaka tiŋo yen ma waŋo mic, to go won tiŋo cuk mac gi pala i cinge. Ameno jario jonywako yo.

Zabuli 147:3

Go botho ji ma cuny gin otur, to tweyo adholin pajo.

Zabuli 38:4

Amunyere i mikula mareco paran, jobedo ran bieto ma ciro tek.

Kitawo mar'ario mapa Musa m'ilwoŋo ni Wok 28:38

Aron woruki i nyime, ŋey An Rwoth, abino jolo mic je ma Joisiraili jomiyan, makada nende ji jotimi raco ka jomiyan.”

Agecin 20:30

Goco ma kelo adhola lwoko woko raco, aka lonyo tim ma iye.

Isaya 53:11

Rumacen ma kwo ma candirok, go laneno kisangala; go laŋeyo ni k'ocandere ma nono. Ŋeca paran m'omiyere, aka ma sangala an, latiŋo gir'acula pa ji kweth, aka ro go alacwako rijo.

Jolevi 16:22

Diel no latiŋo reco pajo je i piny ma kakende; to weyo diel kadho i thim.

Jolevi 22:9

“Onyo riameno joripo kuro cik paran, kosa jolabedo gi reco, to jotho, ka jokoc. An abedo Rwoth, aketho jo gicen paka jomaleŋ.”

Malaki 4:2

To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

Kwan 18:22

Joisiraili man jokiripi corok cegin gi Wema ma romo aka i nger me jonyalo kelo kwoŋ jo raco ma tho.

Kwan 7:15

Rwath acel, wod rombo acel, nyathi rombo acel ma jaoro acel, ma mic awaŋa.

Matayo 27:26

Gikenyo Pilato ogonyo Baraba rijo; ooro jo cwado Yesu to cwayo go rijo ni wogur kwoŋ musalaba.

Matayo 5:20

Am'omiyo, awaco riwin ni wikibino nyalo donjo i Ker ma polo kwanyo woko ka wibedo gi leŋo ma kalo apa jondiko kodi Jofarisayo i timo gima Were yenyo.

Matayo 8:17

Go otimo ama ma miyo gima jatuci wac Were Isaya owaco otundi i kare ni, “Go won okwanyo woko nyapo mawan, to tiŋo two mawan.”

Mariko 15:15

Pilato omito kisangala lwak ji, am'omiyo ogonyo rijo Baraba. To oro jo cwado Yesu, to yeyo jo guro go kwoŋ musalaba.

Luka 4:18

“Cuny pa Rwoth opoŋ kwoŋan, rupiri owiran gi mo ma tito Wac Manyen Maber ri jocandi. Ooran waco ri jom'otwey ni otiek gonyo jo, kendo ri joma waŋ jo otho, ni otiek yawo waŋ jo, aka ri jom'onwaŋo odiy jo ni onyo owey jo i siem.

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 19:1

Gikenyo Pilato otero Yesu to oro jo cwado go.

Tim pa Jomoor 10:35

Nyatoro je ma lworo go aka timo gim'otire, go jolo m'ongoye tito nono pere.

Tim pa Jomoor 10:39

Wabedo jokony ma joŋeyo gimoro je ma go otimo i piny Yuda kodi i Yerusalem. Joneko go munyo joguro go kwoŋ musalaba.

Tim pa Jomoor 13:29

Aka munyo jotieko timo gimoro je ma Ndiko Maleŋ luwo kwoŋe, jogamo go kwoŋ musalaba to joketho go i kaliel.

Tim pa Jomoor 5:30

Were pa bacere wan ama ocerino Yesu ma wiguro kwoŋ yath to wineko.

Joroma 6:11

I royo acel wibende wiripo tere paka jom'otieko tho ma nyutho kwero gimarac aka onyo jokwo ri Were i Kristo Yesu.

Joroma 6:13

Odoko wikiri wimiy gimarac adec ma delkwoŋ win moro woor i timo kidakana, kucel miy win Were kwo mewin, paka ji m'okwany jo i tho t'ikelo jo i kwo, aka miy win go kwo mewin gipi woor i atoŋa m'otire.

Joroma 6:16

Wikuya nike ka wimiyere paka ŋecin ma winjo nyatoro, meno adieri wibedo ŋecin pa rwoth ma wiwinjo no, kosa apa gimarac ma kelo tho, kosa apa winjo Were ma kelo riwin tiro i waŋe?

Joroma 6:2

K'ameno be! K'inen watieko tho ma nyutho kwero gimarac, wanyalo nedi doko medirok gi timo gimarac?

Joroma 6:22

To paka onyo otiek theko win gi gimarac to wibedo ŋecin pa Were, bero ma winigine onyo obedo lonyo, ma i gike bino miyo wilimo kwo makirum.

Joroma 6:7

Kole ka dhano otho meno otiek gonyo go kwoŋ meni ma gimarac.

Joroma 7:6

To pama otiek gonyo wan woko kwoŋ Cik, rupiri watieko tho ma nyutho ni wakwero gima cango oyido otweyo wan. Pama onyo wakibedo jotic i cik macon m'ondiki, to wabedo jotic i kwo manyen ma Cuny ayino.

1 Jokorintho 15:3

Acwayo riwin gim'abende ajolo, aka meno a gimadwoŋ swa: Nike Kristo otho ri reco mawan paka Ndiko Maleŋ waco;

2 Jokorintho 6:17

Aka Rwoth waco ni, “Am'omiyo eye win bongi jo, aka wipokere gi jo. Wikiri wigeyi gima k'olony, aka nyaka abino jolo win.

Jogalasia 3:13

Munyo Kristo olokere ŋat'okwoŋ ka waŋ wan, ogonyo wan woko kwoŋ ma Cik kelo, rupiri ndiko waco ni, “Nyatoro je m'olier wi yath meno ŋat'okwoŋ.”

Joefeso 5:9

Kole gima kelo lero obedo gigipiny mabeyo, m'otire kodi mar'adieri.

Jofilipi 1:11

Kwo mewin bino nyak olemo ma kite mabeyo, ma Yesu Kristo won ama kelo, to miyo Were dwoŋ kodi pak.

Jokolosia 2:14

Were oreyo woko gim'onwaŋo ondiki kwoŋ wan marac, gi cik mere m'oyido yenyo kwoŋ wan gigipiny kweth, to kwanyo woko kicutho munyo oguro gino kwoŋ musalaba.

Jokolosia 2:20

K'inen onyo witieko tho gi Kristo aka okethi win i siem munyo wieye woko kwoŋ cuny ma dhumo polo gi piny, raŋo ma fodi kwo mewin bedo paka apa ji ma piny me? Raŋo ma wikuro cik masisiri paka ni,

Jokolosia 3:3

Ato witieko tho, aka kwo mewin onyo opan g'apa Kristo i Were.

Joebulaniya 10:10

Aka Yesu Kristo otieko timo gima Were omito ni go wotim, am'omiyo wajoje onyo oloki wan m'olony kwoŋ reco i cowirok ma go otimo ma delkwoŋe won, dicel kende to kicutho.

Joebulaniya 10:5

Ro wac me, munyo Kristo obino i piny, owaco ri Were ni, “Racow kodi mic ikiyeny, to del m'iyiko ran ayino.

Joebulaniya 12:13

Hongo je woth win i royo m'opiele maber ri tiendi win, ŋey kam'oŋol wokiri womedi ukirok, to wocangi ayino.

Joebulaniya 7:26

Jadwoŋ pa jocway ri Were i wi migam, ma kite no, ama nyalo konyo wan i gima wayenyo. Ato go leŋ, ongoye kodi kibenga kosa gimarac moro, olony, m'opok kwoŋ joreco, aka otiŋ go malo kalo polo.

Joebulaniya 9:28

apaka Kristo bende ocway go dicel paka cowirok ma kwanyo woko reco pa ji kweth; aka go odoko bino nenirok mar'ario, ki ma tiŋo reco kendo, to ma botho joma jokuro go ayin.

Yakobo 5:16

Am'omiyo, tuci win reco mewin ri jowoti win, odoko kway win ri jowoti win, ŋey wilimi both ma del. Kwayo pa ŋat'otire nitie gi meni madwoŋ aka tiyo.

1 Yohana 2:29

Wiŋeyo ni Kristo obedo tiro; riameno wiŋeyo ni moro je ma timo gim'otire meno go nyathi pa Were.

1 Yohana 3:7

Nyithindho paran, dhano moro je wokiri wowondi win. Nyatoro je ma timo gim'olony meno ŋat'otire paka Kristo otire.

Menyirok ri Yohana 22:2

aka mol i dier royo ma tindi. I thengi jwom korin gi korin oyido nitie yath ma kwo, ma nyak gim'opokere apar g'ario i oro, dicel kisi dwe, aka boke mere obedo ma botho nonin.