Ji joŋeyo Were, to jokimiy go dwoŋ pere, kendo kada temo foyo go ni walwa. Kucel, paro pajo olokere masisiri aka paro pajo ma kitiy m'odoŋ mudho otieko poŋ'iye.
Makada nende con oyido aluwo kicar kwoŋe, kareno oyido alwenyo gi ji pere munyo aluwo kicar kwoŋe. To Were otimo kodan wor, rupiri oyido angoye gi yeyo aka oyido akuya kiri gim'atimo.
Kole wan wegi onwaŋo yado wamiŋ, wajocay, aka oyido orweny wan woko. Wan oyido wabedo ŋecin pa awanya kodi kisangala ma piny; oyido waoro kwo mawan ma timo ri ji raco kodi nyeko; oyido wadakere gi ji.
Kula mewin i dier joma bu Were wobedi maber ma ka jotemi kelo kwoŋ win wac ni wireco, jobino neno tim mewin mabeyo, to jopako Were i Ndelo ma bino pere.
To tim win ameno gi mwolo ka wimiyo jo dwoŋ. Kendo kuri win paro ma cuny win maber, aka ŋey joma joluwo marac kwoŋ kiti win maber i Kristo, wiy jo bino kwot kwoŋ gima jowaco.