1 Petero 1:5 - KITAWO MALEŊ

⁵ Ato ro yeyo mewin am'omiyo meni pa Were kuro win cuka tundo ndelo ma both m'oyik nyutho ka ndir otundo.

KITAWO MALEŊ Catholic

⁵ Ato ro yeyo mewin am'omiyo meni pa Were kuro win cuka tundo ndelo ma both m'oyik nyutho ka ndir otundo.

1 Petero 1:5 ပူးပေါင်းရင်းမြစ်များ

Yobu 19:25

Kole aŋeyo ni Jaboth paran kwo, aka ni rumacen go lacungo ran i piny.

Zabuli 37:28

Kole Rwoth omaro tiro, aka go kilajwango ji pere ma jotimo adieri, go kwonga joma timo gim'otire, t'ilareyo woko nyikway jokidakana.

Agecin 2:8

Go kuro jono ma jotimo bero ri wadi gin, aka lithi gi jono ma jomaro go.

Isaya 45:17

To Rwoth botho Isiraili, aka loyo pere bedo cil gi cil, jokilanywowere, kosa bedo i wickwot hongo je.

Isaya 51:6

Tiŋi waŋ win malo i polo, aka wiŋiy pendi piny. Kole polo larere paka yiro, piny lati paka nanga, aka jono ma jobed'iye jolatho paka lwaŋino. To both paran bedo cil gi cil aka loyo paran langoye gi gike.

Isaya 54:17

Ongoye gilweny m'ilathedho ma lweny kodin ma lakiyindira, aka ilawiro woko lew je m'oay kwoŋin i thumo banja. Me alunja pa ŋecin pa Rwoth, gi gwok pajo wok bongan.” Rwoth waco.

Isaya 66:22

Rwoth waco ni, Paka polo manyen, gi piny manyen, m'abino timo, joladoŋ ruwaŋan, ameno apaka nyikway win gi nyingi win ladoŋ.

Yeremia 23:4

Alaketho jokwath ma kikwonga. Ji paran jok'obedi malwor kendo, kosa jok'obwok, kosa ongoye m'orweny, Rwoth waco.”

Yeremia 32:40

Alatimo gi jo cikirok ma cil gi cil, ma akilaweyo timo rijo bero kendo. Alaketho lworo Were i cuny jo, ŋey jokiri jowowire kwoŋan kendo.

Yohana 12:48

Nitie ŋata bino thumo banja ri nyatoro je ma kweran aka kijol fonji paran; wac m'atieko luwo ama bino bedo jathum rigo banja i ndelo ma rumacen,

Yohana 17:15

Akikway ni ikwany jo woko i piny, to nike ikuri jo maber kwoŋ meni pa ŋatarac.

Yohana 4:14

to ŋat'omadhi pi m'abino miyo go odoko kilawinjo riyo kendo. Aka pi m'anomiy go bino lokere i go waŋ pi ma mol to miyo go kwo makirum.”

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Joroma 11:20

Meno otire, ojwer woko jo rupiri jok'oyeyo, to wikiri wibedi gi paro ma pakirok kwoŋ gime; kucel, bedi win gi lworo ayino.

Joroma 8:18

Atero ni candirok ma pama kirom gi dwoŋ m'ibino nyutho wan be.

1 Jokorintho 1:21

Kole Were i rieko pere omito ni ji kiri jowoŋey go gi rieko pajo wegi. Kucel Were oridho botho joma yeyo, gi mikwenda ma wafonjo ma wiŋoyo ni miŋo.

2 Jokorintho 1:24

Onyo wakitem cuko win gi gima wiripo yeyo, rupiri wicungo matek i yeyo. Kucel, watiyo gi win ri kisangala mewin won.

Jogalasia 2:20

pama onyo aŋat'akikwo, to Kristo ama kwo i an. Aka kwo ma pama an gine, nitie i yeyo Wod Were m'omaran to miyo kwo pere ran.

Joefeso 2:8

Kole ro nema am'omiyo wiboth cungo kwoŋ yeyo; aka me k'obedo tim mewin wiwegi, t'obedo mic pa Were.

Joefeso 3:17

Odoko ni Kristo wolimi kabedo i cuny win ro yeyo mewin, aka kwo mewin wocungi m'oridhere i mar,

Jofilipi 1:6

Am'omiyo aŋeyo gime nike: Were m'ocako tic maber i win, bino medere gine cuka orum i Ndelo pa Kristo Yesu.

Jofilipi 4:7

Aka siem pa Were ma kalo kama dhano oŋey'iye je, bino kuro paro mewin gi cuny win maber, i Kristo Yesu.

2 Timothe 3:15

gi paka wok i thino oyido iŋeyo Ndiko Maleŋ, manyalo miyin rieko ma limo both kwoŋ yeyo Yesu Kristo.

Tito 2:13

munyo wakuro geno ma disilwany, gi menyirok madwoŋ mapa Were mawan madwoŋ m'oasere ma Jaboth,

Joebulaniya 6:12

Wakimiti nike wilokere manyap, to bedi win paka joma joyeyo ma jodiyo cuny jo cuka jolimo gima Were otieko ciko.

Joebulaniya 9:28

apaka Kristo bende ocway go dicel paka cowirok ma kwanyo woko reco pa ji kweth; aka go odoko bino nenirok mar'ario, ki ma tiŋo reco kendo, to ma botho joma jokuro go ayin.

1 Petero 1:13

Am'omiyo yik win paro mewin ma tic; bedi ma widhumo cuny win, aka kethi win geno mewin je kwoŋ nema ma bino riwin k'onyuthi Yesu Kristo kamaler.

1 Petero 4:13

Kucel sangala win nike wiriwere gi Kristo i candirok pere, ŋey rumacen kisangala wopoŋ i cuny win ka onyuthi dwoŋ pere.

1 Petero 5:1

Onyo paka abende abedo jadwoŋ i kitipa pa jom'oyeyo, kendo paka ŋat'oneno candirok m'obedo ri Kristo, odoko paka ŋata bende ibino poko ye go dwoŋ m'ilanyutho, agoyo koko ri jotel ma kitipin pa jom'oyeyo ma jo ni dier win,

2 Petero 1:3

Meni pa Were omiyo wan gimoro je ma wayenyo ma bedo i kwo ma lworo Were, rupiri waŋeyo ŋat'olwoŋo wan gi dwoŋ kodi bero pere won.

1 Yohana 3:2

Jowotan, pama onyo wabedo nyithindho pa Were, aka fodi kiŋeyere gima wabino bedo. To waŋeyo ni ka Kristo onenere wabino bedo paka go, rupiri wabino neno go paka go nitie won.

Yuda 1:1

An Yuda, jatic pa Yesu Kristo, kendo omin Yakobo, andiko balwa me ri joma Were olwoŋo ma jonitie i mar pa Were Bawan kodi kur pa Yesu Kristo.

Yuda 1:24

Ri ŋata nyalo thielin m'ikipodho, to kethin ma bu raco i kisangala ma didwoŋ pere,

1 Samwiri 2:9

Go kwonga kwo pa ji pere ma genere, to jokidakana jobino rere i colo kole nyatoro won kikwo ro meni pere.