1 Kerin 3:7 - KITAWO MALEŊ

⁷ Aka onyo pama, A Rwoth Were paran, iweyan lunjo baba paka kere, makada nende fodi athin aka akuya nger ma dhum.

KITAWO MALEŊ Catholic

⁷ Aka onyo pama, A Rwoth Were paran, iweyan lunjo baba paka kere, makada nende fodi athin aka akuya nger ma dhum.

1 Kerin 3:7 ပူးပေါင်းရင်းမြစ်များ

2 Samwiri 5:2

Cango munyo Saulo oyido fodi kere mawan, oyido itelo Joisiraili i lweny aka Rwoth ocikin nike ibino telo ji pere to ibedo jadhum pajo.”

1 Kigana kwoŋ Kerin 22:5

Kole Daudi owaco ni, “Wodan fodi thin aka fodi ongoye gi nyalo, to ot ma go lageto ri Rwoth ripo bedo maŋon aka m'oŋeyere i piny. Riameno alatimo can mere.” Ameno Daudi onwaŋo gigipiny ma mitere ma geto je kweth mafodi go k'otho.

1 Kigana kwoŋ Kerin 22:9

Neni, ilabedo gi wodin, go labedo jacwo ma siem. Alamiyo go siem i thenge pa jokwor pere, kole ilalwoŋo go nike Solomon kwoŋbedo i hongo pere ma dhum alamiyo Isiraili siem t'akwonga jo.

1 Kigana kwoŋ Kerin 29:1

Kere Daudi owaco ri ji je ni, “Wodan Solomon ama Were otieko yero, to go fodi thin aka ongoye gi ŋeyo ma tic. Tic m'iripo timo dwoŋ, kwoŋbedo me k'obedo peco pa ji to Ot pa Rwoth Were.

Zabuli 121:8

Rwoth bino kikwonga in k'iwok kodi k'idwoko, pama kodi cil gi cil.

Agecin 18:12

Rerok bino ro bedo gi noro ma cuny jo, to mwolok ama kelo dwoŋ.

Jafonji 10:16

Kidamba rin, awi piny, ma kere perin obedo soye, aka jodhum mewin jocemo odikin!

Yeremia 1:6

T'adwoko ni, “Awi Rwoth Were, kole akuya luwo fodi abedo soye.”

Yeremia 1:7

To Rwoth waco ran ni, “Ikir'iwaci ni fodi ibedo soye, to kadhi bongi ji m'aorin bongi jo, aka iwaci rijo kisi gimoro je m'aorin waco.

Daniel 2:21

Go wiro hongo kodi ndir, kwanyo woko kerin aka ketho man, miyo rieko ri jomariek, kodi ŋeyo ri joma niaŋ.

Daniel 4:25

Ilakwanyin woko i dier ji, aka ilakwo i dier ogwaŋe madudi. Ilamiyin camo lum paka megikwe, iladhiekere gi thoyo ma polo ma oro abirio cuka inoŋey nike Jamalo Swa dhumo ker pa ji aka nike go miyo dhum ri ŋata go yero.

Daniel 4:32

Ilakwanyin woko wok i dier ji aka ilabedo g'ogwaŋe madudi. Ilamiyin camo lum paka megikwe ma oro abirio cuka inoŋey nike Jamalo swa dhumo ker pa ji aka nike go miyo dhum ri ŋata go yero.”

Daniel 5:18

Awi kere, Were ma Jamalo Swa omiyo benin, Nebukadineza, ker, dhum, dwoŋ kodi wor:

Daniel 5:21

Okwany go woko wok i dier ji, t'iloko cunye paka cuny ogwaŋ. Go obedo g'ogwaŋe aka ocamo lum paka merikwa; delkwoŋe odhiek gi thoyo ma polo, cuka go ofonjere nike Were ma jamalo Swa dhumo kiri ker pa ji, aka miyo ŋata go oyero.

Kwan 27:17

Dhano ma latelo yuwaŋ jo, ma lawodho jo woko, ŋey ji pa Rwoth jokiri jowocale rombo ma bu jakwath.”

Yohana 10:9

Aŋat'abedo dhiot. Moro je ma donjo gi bongan bino both; go bino donjo to wok, to nwaŋo lum m'oloth.

Kitawo mar'abic mapa Musa m'ilwoŋo ni Cik 31:2

Aka owaco rijo ni, “Ajaoro miya acel gi piero ario konon me. Akinyali kendo medirok, aka Rwoth otieko waco ran ni, ‘Ak'okali Yordan me.’

1 Samwiri 18:16

To kisi nyatoro i Yuda gi Isiraili omaro Daudi rupiri go am'oyido telo jo kidho i lweny.