1 Kerin 13:2 - KITAWO MALEŊ

² Luwo kwoŋ cik pa Rwoth jatuci wac Were okwedo migam ka waco ama: “A migam, migam, me a gima Rwoth waco; nyathi ma nyinge ibino lwoŋo ni Yosia ibino nywolo i peco pa Daudi. Go bino thumo kwoŋin jocway ri Were i wi migam ma jotiyo i migam manyakafir ma jomiyo cowirok i wiyin, aka go bino waŋo cokin ji i wiyin.

KITAWO MALEŊ Catholic

² Luwo kwoŋ cik pa Rwoth jatuci wac Were okwedo migam ka waco ama: “A migam, migam, me a gima Rwoth waco; nyathi ma nyinge ibino lwoŋo ni Yosia ibino nywolo i peco pa Daudi. Go bino thumo kwoŋin jocway ri Were i wi migam ma jotiyo i migam manyakafir ma jomiyo cowirok i wiyin, aka go bino waŋo cokin ji i wiyin.

1 Kerin 13:2 ပူးပေါင်းရင်းမြစ်များ

1 Kerin 13:32

Wac ma go owaco luwo i cik pa Rwoth kwoŋ migam ma Bethel gi kalamo je i tindin ma Samaria adieri bino tundo i kare.”

2 Kigana kwoŋ Kerin 34:1

Yosia obedo kere ma Yuda munyo jaoro aboro, aka odhumo ma oro piero adek g'acel i Yerusalem.

2 Kigana kwoŋ Kerin 34:3

I oro mar'aboro ma dhum pa Yosia, munyo go fodi thin, ocako lamo Were pa kwari mere Daudi. Rumacen munyo oro aŋwen okadho, to cako reyo woko kabedo ma lamo manyakafir i Yuda kodi cal pa were madhako Asere gi cal megi je.

Isaya 1:2

Winji, awi polo, ciki ithin, awi piny, kole Rwoth otieko luwo. Nyithindho m'apidho t'adongo, jogwenyere kwoŋan.

Isaya 42:9

Neni, gigipiny ma cango jotieko tundo i kare, aka onyo pama awodho kamaler gigipiny manyen, mafodi jok'otimere, awaco riwin kwoŋ jo.

Isaya 46:10

Atuco gike wok i cakirok, aka wok cene atuco gima fodi k'otimere. Awaco ni, atoŋa paran latundo i kare, aka alatimo gim'amito.

Isaya 58:1

Koki malo, ikir'iliŋ! Tiŋi dwondin malo paka gwara, tuci ri ji paran reco pajo, ri ot pa Yakobo reco pajo.

Yeremia 1:2

Rwoth oluwo gi Yeremia i oro mar'apar g'adek ma dhum pa Yosia wod pa Amon, kere ma Yuda.

Yeremia 22:29

Awi piny, piny, piny, winji wac pa Rwoth!

Ezekiel 36:1

Rwoth owaco ama: Wod dhano, luw kodi gote ma Isiraili aka waco rijo jowowinji wac pa Rwoth.

Ezekiel 36:4

Riameno, awi gote ma Isiraili, winji win wac pa Rwoth Were. Rwoth Were waco ama ri gote kodi tenderin, jwombe kodi milelin, gundin kodi tindin m'ojwangi, ma jolokere kama kinyaga caker'iye kodi ginyero ri nonin m'odoŋ je thoko.

Ezekiel 38:4

Alatimin awira awira t'aketho siragetere i pom lakin, t'afudhin woko gi jolweny perin je, kayinin kodi joma gweyo, kareno joje joruko ruk ma lweny, kitipa madwoŋ, joje gi kwot aka jotiŋo abor.

Luka 19:40

Yesu odwoko ni, “Ka joliŋ, awaco riwin, telin ama jobino koko.”

Kitawo mar'abic mapa Musa m'ilwoŋo ni Cik 32:1

Cik ithin, awi polo aka alaluwo, winji awi piny, wac ma wok i dhokan.