1 Jothesalonika 4:3 - KITAWO MALEŊ

³ Me a gima Were mito riwin. Ni wibedi maleŋ aka wiwey kicutho kwo ma kidakana.

KITAWO MALEŊ Catholic

³ Me a gima Were mito riwin. Ni wibedi maleŋ aka wiwey kicutho kwo ma kidakana.

1 Jothesalonika 4:3 ပူးပေါင်းရင်းမြစ်များ

1 Petero 4:2

Riameno, wok gunyo ni, mito pa Were ama dhumo kwo pere gipi i piny ka makiweno awanya mareco ma del.

1 Jothesalonika 5:23

Weyi Were ma japok siem wolonyi win kicutho; kendo wokur cuny win, paro mewin, gi delkwoŋ win, ma bu raco moro je, i ndir ma bino pa Rwodhiwan Yesu Kristo.

Joroma 12:2

Wikiri wiluw kula ma piny me, to bedi win ma wiwire i paro mewin, aka nyaka wibino ŋeyo mito pa Were; gimaber ma sangala go, odoko m'olony kicutho.

Joebulaniya 13:4

Ji je joripo miyo nywomirok dwoŋ, aka jacwo gi dhako joripo kurok i nywomirok pajo i leŋo, rupiri Were bino thumo banja ri jocot kodi joma turo cik ma nywomirok.

Joefeso 5:17

Wikiri wibedi ma miŋmiŋ, to niaŋ win gima Were mito.

Jokolosia 3:5

Am'omiyo, wiripo neko woko awanya ma delkwoŋ win paka cot, kidakana, timo giwickwot, awanya mareco, gi woro (m'obedo lamo cal makicar).

1 Jothesalonika 4:4

Kisi jacwo je kwoŋ win ripo ŋeyo royo ma bedo gi cege i leŋo gi dwoŋ,

Jogalasia 5:19

Gima kula pa del timo neno kamaler: Neno i kidakana, koc, kodi i tim ma kiripi;

1 Yohana 2:17

Piny kodi kisangala mere je rumo; to joma timo gima Were mito jobino kwo cil gi cil.

Matayo 7:21

Ki dhano je ma lwoŋan ni, Rwoth, Rwoth, ma bino donjo i Ker ma polo, kende ŋata timo gima Baba man polo yenyo.

Menyirok ri Yohana 21:8

To joma lwor, joma jok'oyeyo, joreco, jonek, jocot, jothieth gi yido, joma lamo cal makicar, kodi jotwodo je, kabedo pajo bino bedo wakawaka mac ma waŋ gi telin ma wodho mac kibiriti, m'obedo tho mar'ario.”

2 Jothesalonika 2:13

Waripo foyo Were riwin hongo je, wutmera ma Rwoth omaro, rupiri Were oyero win wok i cakirok ni wilimi both gi meni pa Cuny Maleŋ ma lonyo win, ro yeyo adieri mewin.

Joebulaniya 10:36

Wiripo ciro candirok, ŋey witim gima Were yenyo to wilimo gima go ociko.

Joefeso 6:6

Winji win jo, ki nyaka ni jowofoy win ka joneno win, to tiyi win paka jotic pa Kristo, ma jotimo gima Were yenyo.

1 Jokorintho 7:2

to paka timo giwickwot oasere, jacwo je ripo bedo gi cege; aka dhako je ripo bedo gi cwore.

Tim pa Jomoor 15:29

Wikiri wicam gim'ocow gine jwogi; wikiri wicam remo; wikiri wicam le m'odey; aka kure win kwoŋ kite ma kidakana. Wibino timo maber ka wikure kwoŋ gigipiny me. Kutho win.”

Zabuli 143:10

Fonjan timo gim'iyenyo, kole iŋat'ibedo Were paran! Weyi cunyin maber wotelan i royo ma bu teko.

Zabuli 40:8

Amaro swa timo mito perin, Awi Were paran! Cik perin nitie i cunyan.”

1 Jothesalonika 5:18

foy win Were i gimoro je ma timere; kole meno a mito pa Were riwin i Kristo Yesu.

Mariko 3:35

Dhano je ma timo gima Were mito, ŋato am'obedo omera, kodi nyamera kodi mama.”

1 Petero 1:2

Oyer win r'atoŋa ma Were Baba won oŋeyo kicutho, nike Cuny Maleŋ woloki win maleŋ, ŋey wiwinji Yesu Kristo to lonyo win gi remo pere. Weyi nema gi siem wobedi mewin i thotho.

Joebulaniya 13:21

womiy win gimaber ma wiyenyo ŋey witim gima go mito. Weyi go wotim i wan gima sangala go i Yesu Kristo, aka dwoŋ wobedi rigo cil gi cil. Ameno.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Jokolosia 1:9

Riameno, fodi wakikeŋ kwayo riwin, wok cuka wawinji kwoŋ win. Wakwayo Were wopoŋ win gi rieko ma ŋeyo gima go yenyo, gi rieko je kodi niaŋ ma Cuny miyo.

2 Jokorintho 12:21

Alworo nike ruman k'abino, Were paran bino miyan anwaŋo wickwot t'aywak ro jomathoth ma jotimo reco i ndir m'okadho aka fodi jok'oŋuto timo gigipiny makoc, cot kodi timo giwickwot.

1 Jokorintho 1:30

Were am'okelo win i riwirok gi Kristo Yesu, to loko Kristo bedo rieko mawan, tiro mawan gi leŋo mawan, kodi cul mareco mawan to walimo siem.

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

Yohana 4:34

Yesu owaco rijo ni, “Cemo paran obedo timo gima ŋat'ooran yenyo gi cowo tic pere.”

Matayo 15:19

Ato i adundo ama wok'iye paro mareco ma rwako go i nek, timo cot, kodi kidakana, kwo, roro, gi nyeko nyingi joman.

Matayo 12:50

Kole ŋata timo gima Baba manitie i polo yenyo ni wotim, meno am'obedo omera, nyamera, gi yokan.”

Jokolosia 4:12

Epafra, ma bende obedo acel kwoŋ win, kendo jatic pa Kristo Yesu bende m'otho win. Ndiri je go kwayo riwin gi maro madwoŋ, munyo kwayo Were womiy wicungi matek, ma witegino kareno wiridho paro ma timo gima Were yenyo.

Joroma 6:22

To paka onyo otiek theko win gi gimarac to wibedo ŋecin pa Were, bero ma winigine onyo obedo lonyo, ma i gike bino miyo wilimo kwo makirum.

Tim pa Jomoor 20:32

“To pama onyo aketho win i cingi Were kodi i wac ma nema pere manyalo dongo win to miyo win silwany ma go okano ri ji pere je.

Tim pa Jomoor 15:20

kucel waripo ndiko balwa ma cero jo lamo cal makicar kosa timo kidakana kosa camo gim'odey kosa remo moro je kosa cemo moro je ma k'olony ayin.

Yohana 7:17

Ŋata yeyo timo gima Were yenyo bino ŋeyo k'agima afonjo wok bongi Were kosa ka aluwo gi meni paran won.

Joebulaniya 12:16

Gwokere win ŋey moro wokiri wolokere jacot kosa ŋata kigen Were paka cango Esau, m'otana woko silwany pere ma lunjo lim paka nyathi makayo nyaka ro cemo dicel.

Joroma 1:29

Jopoŋ gi kidakana ma nger je: Raco, woro, kodi camo tiendi ji gi piny. Jopoŋ gi nyeko, neki, gorok, twodo, gi paro marac. Jonyeko nyingi wadi gin,

Menyirok ri Yohana 22:15

To woko koro nitie gwokere kodi jothieth, jocot kodi jonek, joma lamo cal makicar, kodi jotwodo je, i wac kodi i kwo pajo

Matayo 5:32

To pama awaco riwin ni: Nyatoro je m'oriem cege ri wac moro je ma k'obedo wac ma kidakana, meno go miyo cege donjo i cot. Aka ŋata nywomo dhako ma pameno, meno bende timo gine cot.

1 Jothesalonika 4:2

Kole wiŋeyo or ma wamiyo win, gi meni pa Rwoth Yesu.

Jolevi 15:18

Ka jacwo onindo gi dhako to jayo, joje joripo lwoki gi pi, aka jolabedo makoc tundo othieno.”