Zekaria 8:9 - KITAWO MALEŊ Catholic

⁹ Rwoth pa lwak jolweny waco ama: Weyi cingi win wobedi matek, win ma wiwinjo wac m'owok i dhok jotuci wac Were i ndelo me je, wok cuka i ndelo m'ocak'iye misingi ma Ot pa Rwoth pa lwak jolweny, ŋey wonyali geto kendo Ot pa Were.

KITAWO MALEŊ

⁹ Rwoth pa lwak jolweny waco ama: Weyi cingi win wobedi matek, win ma wiwinjo wac m'owok i dhok jotuci wac Were i ndelo me je, wok cuka i ndelo m'ocak'iye misingi ma Ot pa Rwoth pa lwak jolweny, ŋey wonyali geto kendo Ot pa Were.

Zekaria 8:9 ပူးပေါင်းရင်းမြစ်များ

1 Kigana kwoŋ Kerin 22:13

K'inoluwi cik je ma Rwoth omiyo Musa ri Isiraili, ilakiyindira. Miyere aka ŋey gim'itimo, ikir'iwey gimoro je wobwokin.

1 Kigana kwoŋ Kerin 28:20

Kere Daudi owaco ri wode Solomon ni, “Bedi matek aka jamisen. Cak tic aka wongoye gima wogeŋin, kole Rwoth Were, Were paran nitie kodin. Go kilaweyan, to labedo kodin cuka inocow tic je ma Ot pa Were.

2 Kigana kwoŋ Kerin 15:7

To win cwo ma Yuda, bedi win jomiseni! Wikiri wiyey cingin win wolokere manyap, rupiri ilamiyo win kemba i tic mewin.”

Ezira 6:14

Ameno jotel pa Joyuda jogeto aka jomedere maber kareno jotuci wac Were Hagay gi Zekaria jomedo jo meni. Jocowo geto Ot pa Were paka Were pa Isiraili oyido owodho or rijo, gi or pa Siras, Dario gi Aritakises kerin ma Pasia.

Isaya 35:3

Loki matek cingi joma nyap, aka loki m'ocwiny congi jo m'oregeya.

Isaya 35:4

Waci ri jono ma cuny jo lwor ni, “Bedi win jomeni, wikiri wilwor! Were mewin ee, go bino botho win, go bino miyo jokwor mewin gir'acula.”

Hagay 1:1

I oro mar'ario ma dhum pa Kere Dario, k'acel ma dwe mar'aucel, wac pa Rwoth obino luwo kwoŋ Hagay, jatuci wac Were, ri Zerubabel wod Salitiel gavana ma Yuda, kodi Yesuwa wod Yehozadak, jadwoŋ pa jocway ri Were i wi migam.

Hagay 1:12

Zerubabel wod Salitiel, Yesuwa wod Yehozadak, gi ji je m'oyido joboth, jowinjo dwondi Rwoth Were pajo, kodi wac pa Hagay jatuci wac Were, paka Rwoth Were pajo ooro go; aka ji jobedo gi lworo ruwaŋ Rwoth.

Hagay 2:18

Mondo kethi win adundo mewin i ndelo me kadho yuwaŋe, wok ka piero ario g'aŋwen ma dwe mar'abuŋwen, wok i ndelo m'ocak'iye misingi ma Ot pa Rwoth; kethi win iy'adundo mewin.

Hagay 2:21

Luw gi Zerubabel, gavana ma Yuda, iwaci ni: Acegin yengo polo kodi piny,

Zekaria 8:13

Aka paka oyido wibedo lam i dier nonin, Awi ot pa Yuda kodi ot pa Isiraili, ameno alabotho win aka wilabedo silwany. Wikiri wibwoki, to weyi cingi win wobedi matek.

Zekaria 8:18

Wac pa Rwoth pa lwak jolweny obino ran ka waco ama:

Joefeso 6:10

Macowe, bedi win ma wicwiny i Rwoth, kanyacel gi i meni pere m'oasere.

2 Timothe 2:1

To in, wodan, bedi gi meni kwoŋ nema manitie i Kristo Yesu.

Yosuwa 1:6

Bedi m'icwiny kendo jamisen; kole ilatelo ji me mako lowo m'akwoŋere ri kwarere pajo ni alamiyo jo.

Yosuwa 1:8

Kitawo ma cik me wokiri woeye i dhokin; ifonjere kwoŋe odieceŋ gi wor, ŋey inyal gwokirok timo paka ondiki kisi gimoro je manitie i iye. Nyaka kenyo ilaloko yo perin maber, aka lakadho kodin maber.