Zekaria 7:12 - KITAWO MALEŊ Catholic

¹² Jotweyo cuny jo ma jok'owinjo cik kodi wac ma Rwoth pa lwak jolweny odhiro gi cuny pere luwo i cingi jotuci wac Were ma cango. Riameno keme madwoŋ obino wok bongi Rwoth pa lwak jolweny.

KITAWO MALEŊ

¹² Jotweyo cuny jo ma jok'owinjo cik kodi wac ma Rwoth pa lwak jolweny odhiro gi cuny pere luwo i cingi jotuci wac Were ma cango. Riameno keme madwoŋ obino wok bongi Rwoth pa lwak jolweny.

Zekaria 7:12 ပူးပေါင်းရင်းမြစ်များ

2 Kigana kwoŋ Kerin 36:13

Zedekia ogwenyere kwoŋ Kere Nebukadineza, m'omiyo go kwoŋirok i nyingi Were nike lawinjo go. Go otimo wictek to tweyo cunye aka okwero gik bongi Rwoth Were pa Isiraili.

2 Kigana kwoŋ Kerin 36:16

to jomedo ŋalo jomikwenda pa Were, cayo wac pa Were, kodi nyero jotuci wac Were pere, tundo kama keme pa Rwoth olokere madwoŋ kwoŋ jo to m'ongoye both.

Yobu 9:4

Were riek i cunye, aka go tek i meni, ŋa m'otieko temo gwenyirok kwoŋ go to nyalo?

Zabuli 50:17

Kole ikweran tirin, aka ibolo wac paran yuŋeyin.

Kitawo mar'ario mapa Musa m'ilwoŋo ni Wok 7:13

To Farawo obedo gi wictek paka Rwoth oyido owaco, aka k'onyalo winjo Musa gi Aron.

Isaya 46:12

Winjan win, win jowictek, win ma wibor gi both:

Isaya 48:4

Rupiri oyido aŋeyo ni wijowictek, cuny win tek paka nyweny, aka wikitoy paka ywel.

Isaya 6:10

“Loki paro pa ji mamiŋ, cul ithi gin, neki waŋ gin, ŋey jokiri jowoneni gi waŋ gin, jokiri jowowinji gi ithi gin, aka jokiri jowoniaŋ gi paro pajo, aka jowire wobothi jo.”

Isaya 65:12

Silwany maber mewin labedo, tho malith g'abor, kwoŋbedo munyo alwoŋo, wikidwoko, munyo aluwo, wikiwinjo, to witimo gimarac ruwaŋan, wiyero gima kisangala an.

Yeremia 17:1

Me apaka Rwoth waco: Ji ma Yuda, reco mewin indiko gi bol pen ma nyweny; ogwor iy'adundin mewin gi tele ma cot mac t'idolo i kona ma migame mewin.

Yeremia 17:23

Kucel jok'owinjo kosa ciko ithi jo; wiy jo olokere matek to jokwero winjo kosa jolo fonji.

Yeremia 26:19

Kere Hezekia kodi ji ma Yuda jok'oneko Mika. Kucel, Hezekia omiyo Rwoth dwoŋ aka otemo mito ni Rwoth wonyuthi go ŋono. Rwoth owiro paro pere kwoŋ rerok m'oyido go ociko kelo kwoŋ jo. Onyo wan ee wacegin kelo rerok madwoŋ kwoŋ wan.

Yeremia 42:21

Riameno atieko waco riwin konon, to wikiwinjo dwondi Rwoth Were mewin i gimoro je ma go ooran waco riwin.

Yeremia 5:3

Awi Rwoth, waŋin kinen adieri? Itieko rwadho piny jo, to jok'owinjo litho; itieko neko jo, to jok'owinjo fonji. Jotieko loko waŋ jo matek loyo tele; jokwero ŋuto.

Yeremia 7:20

Riameno Rwoth Were waco ama: Nge paran kodi keme paran jobino konjere woko i kabedo me, kwoŋ ji kodi kwoŋ ogwaŋe, kwoŋ yen madudi kodi olemo ma lowo; laliel aka k'oneki.

Ezekiel 11:19

Alamiyo jo cuny acel, t'aketho adundo manyen i jo, alakwanyo woko cuny matek pa tele wok i delkwoŋ jo, t'amiyo jo cuny mayom;

Ezekiel 14:5

ŋey anyal mako t'awiro cuny Joisiraili je, ma jowire woko kwoŋan gi lamo cal pajo.”

Ezekiel 2:4

Jobedo nyithindho ma jowictek, aka cuny jo tek. Aorin bongi jo, aka iwaci rijo ni, ‘Rwoth Were waco ama.’

Ezekiel 36:26

Alamiyo win adundo manyen, t'aketho cuny manyen i win. Alakwanyo woko wok i delkwoŋ win adundo ma tele t'amiyo win adundo ma riŋo.

Zekaria 1:2

Rwoth oyido omako nge swa gi kwarere mewin.

Zekaria 7:7

K'obedo gi wac pa Rwoth m'oluwo luwo i cingi jotuci wac Were ma cango, ma Yerusalem obed'iye m'okwe, kodi tindi madongo m'othoko go, yupiny ma Kanan kodi Sefela?”

Matayo 13:15

“Rupiri cuny jome olokere manwaŋ, ithi gin onyo kiwinji, aka waŋ gin jomiyo woko. Kole waŋ gin d'onyalo neno, odoko ithi gin d'onyalo winjo, kendo paro pajo d'onyalo niaŋ dwoŋ wac, to jogik bongan, aka ameno d'abotho jo.”

Mariko 4:12

“Ŋey adieri, Jowoŋiy to jok'onyal neno, jowowinji to jok'onyal niaŋ, Ipoyo di jonyalo gik bongi Were, to cwako jo.”

Luka 8:12

Kodhi m'opodho i dier royo, meno a joma jowinjo, to jwogi bino to kwanyo woko wac i cuny jo, ŋey jokiri jowoyey to joboth.

Tim pa Jomoor 28:27

Kwoŋbedo paro pa jome olokere mafol. Jotieko culo ithi gin, to jomiyo waŋ gin. Bedi k'ameno, waŋ gin d'oneno gimoro, odoko ithi gin d'owinjo wac, aka cuny jo d'oniaŋ gimoro. Ameno di jonyalo wirok bongan to jolimo both.”

2 Petero 1:21

Ato ongoye mikwenda pa Were m'otuci m'owok i mito pa dhano, to ji jobedo i meni pa Cuny Maleŋ munyo jotuco mikwenda m'owok bongi Were.