Zekaria 7:11 - KITAWO MALEŊ Catholic

¹¹ To jokwero winjo, aka joyengo badi gin gi wictek, aka ithi gin obedo mapek ma jok'onyalo winjo.

KITAWO MALEŊ

¹¹ To jokwero winjo, aka joyengo badi gin gi wictek, aka ithi gin obedo mapek ma jok'onyalo winjo.

Zekaria 7:11 ပူးပေါင်းရင်းမြစ်များ

2 Kigana kwoŋ Kerin 33:10

Rwoth oluwo gi Manase kodi ji pere to jok'owinjo.

Nehemia 9:17

Jokwero winjo, wi jo owil gi gim'imito je, gi gir'aura m'oyido itieko timo. I noro pajo joyero jatel dwoko jo i twec i Misir. To ibedo Were ma cwako; inyutho wor, ipoŋ gi mar makiwire, aka ikimaki nge piyo. Inyutho wor madwoŋ, aka ikijwango jo.

Nehemia 9:26

“To ji perin jogwenyere aka jok'owinjin, jowiro dieŋey jo ri Cik perin. Joneko jotuci wac Were ma jogwoko jo, ma jowaco rijo gik bongin. Jocayin swa.

Nehemia 9:29

Igwoko jo wirok winjo cik perin, to i noro jokwero cik perin, makada nende kuro Cik perin obedo yo ma kwo. Jotimo gi cay gi wictek, jokwero winjo.

Kitawo mar'ario mapa Musa m'ilwoŋo ni Wok 10:3

Ameno Musa gi Aron jokidho bongi Farawo, aka jowaco rigo ni, “Rwoth, Were pa Joebulaniya waco ni, ‘Inomedere kwero kiri keraŋo mwolok ruwaŋan? Weyi ji paran jokadhi ŋey jowonyal laman.

Isaya 28:12

m'otieko waco rijo ni, “Me kabedo ma ywomirok miy ywomirok ri jom'olacere me kabedo ma ywomirok, kucel jok'onyalo winjo.

Isaya 46:12

Winjan win, win jowictek, win ma wibor gi both:

Isaya 6:10

“Loki paro pa ji mamiŋ, cul ithi gin, neki waŋ gin, ŋey jokiri jowoneni gi waŋ gin, jokiri jowowinji gi ithi gin, aka jokiri jowoniaŋ gi paro pajo, aka jowire wobothi jo.”

Isaya 65:12

Silwany maber mewin labedo, tho malith g'abor, kwoŋbedo munyo alwoŋo, wikidwoko, munyo aluwo, wikiwinjo, to witimo gimarac ruwaŋan, wiyero gima kisangala an.

Yeremia 11:10

Jogik i reco pa kwarere pajo macon, ma jokwero winjo wac paran; jokadho ri werin man to jolamo jo; Joisiraili kodi Joyuda jotieko turo woko cikirok m'atimo gi kwarere pajo.

Yeremia 13:10

Ji mareco me, ma jokwero winjo wac paran, ma gi wictek jotimo gima wegi jomito aka onyo jotieko kidho ri werin man tiyo rijo gi lamo jo, jolacale gi pale me m'ongoye kony.

Yeremia 17:23

Kucel jok'owinjo kosa ciko ithi jo; wiy jo olokere matek to jokwero winjo kosa jolo fonji.

Yeremia 17:27

To ka wik'owinjan, ma kuro ndelo ma sabato paka gimaleŋ, gi tiŋo bieto gi waŋkace ma Yerusalem i ndelo ma sabato, nyaka alamoko mac i waŋkace mere; bino waŋo woko cel ma Yerusalem aka ongoye ŋat'onyal neko.

Yeremia 19:15

Rwoth pa lwak jolweny, Were pa Isiraili waco ama: “Pama onyo akelo kwoŋ tindi madwoŋ me kodi kwoŋ tindin mere je kidamba m'atieko tuco kwoŋe, rupiri wiy jo tek, jokwero winjo wac paran.”

Yeremia 35:15

Atieko oro riwin ŋecin paran jotuci wac Were mar'amen k'awaco ni, “Wire win kisi dhano kwoŋ yo pere marac, yik win tim mewin, aka wikiri wikwoŋ werin man ka witiyo rijo, ŋey wibedi i piny m'amiyo win kodi kwarere mewin.” To wikiciko ithi win winjan.

Yeremia 36:31

Alamiyo go, nyithindho pere kanyacel gi ŋecin pere gir'acula ro reco pajo. Alakelo kwoŋ jo kodi kwoŋ ji ma jobedo i Yerusalem kodi kwoŋ ji ma Yuda, teko je m'atieko kitisa gine jo; to jokwero winjo.”

Yeremia 42:21

Riameno atieko waco riwin konon, to wikiwinjo dwondi Rwoth Were mewin i gimoro je ma go ooran waco riwin.

Yeremia 44:16

“Wac no je m'iwaco riwan i nyingi Rwoth, wakilawinjo.

Yeremia 5:21

Mondo winji win gime, awi jomamiŋ ma jokiniaŋ, winitie gi waŋ win, to wikinen, winitie gi ithi win, to wikiwinji wac.

Yeremia 5:3

Awi Rwoth, waŋin kinen adieri? Itieko rwadho piny jo, to jok'owinjo litho; itieko neko jo, to jok'owinjo fonji. Jotieko loko waŋ jo matek loyo tele; jokwero ŋuto.

Yeremia 7:24

Kucel jok'owinjo kosa jok'ociko ithi jo, to i wictek ma cuny jo marac, jotimo gima wegi jomito, to joŋiyo yucen makiweno yumalo.

Yeremia 7:26

kucel jok'owinjan, kosa ciko ithi jo, to wiy jo medo lokirok matek. Jotimo gimarac loyo kwarere pajo.

Yeremia 8:5

Raŋo onyo ji me jowire woko rwenyo cil gi cil. Jotieko timo riyo kec ma twodo, jotieko jokwero dwoko.

Ezekiel 14:5

ŋey anyal mako t'awiro cuny Joisiraili je, ma jowire woko kwoŋan gi lamo cal pajo.”

Ezekiel 3:7

To ot pa Isiraili jokilawinjin, kole jokwero winjan; kwoŋbedo jobedo jowictek aka jonitie gi cuny matek.

Ezekiel 5:6

To go ogwenyere kwoŋ cik paran to jotimo kidakana loyo nonin, kodi kwoŋ fonji paran loyo lowo je m'othoko go. Jokwero cik paran, aka jok'owotho i fonji paran.

Hoseya 4:16

Paka roya dhiaŋ ma wiye tek, Isiraili wiye tek. Rwoth nyalo pidho jo pama paka rombo i lum malac?

Zefania 3:2

Go k'owinjo dwondi Rwoth, go k'oyeyo wotir go, go k'oketho geno pere i Rwoth, go k'ocore cegin gi Were pere.

Zekaria 1:4

Wikiri wibedi paka kwarere mewin ma jotuci wac Were ma cango joywak rijo ka jowaco ama: Me apaka Rwoth pa lwak jolweny waco, mondo wire win wok i yo mewin marac, kodi tim mewin marac, to jok'owinjo, aka jok'odewo, Rwoth waco.

Matayo 13:15

“Rupiri cuny jome olokere manwaŋ, ithi gin onyo kiwinji, aka waŋ gin jomiyo woko. Kole waŋ gin d'onyalo neno, odoko ithi gin d'onyalo winjo, kendo paro pajo d'onyalo niaŋ dwoŋ wac, to jogik bongan, aka ameno d'abotho jo.”

Tim pa Jomoor 7:51

“Wiy win tek swa! Dwoŋ thumirok ongoye i cuny win kodi i ithi win. Wicale kwarere mewin; wibende noknok wipiemo gi Cuny Maleŋ!

Tim pa Jomoor 7:57

Cungo kwoŋ wac me jom'ocokere kenyo jowoy aka joculo ithi gin; gikenyo joje jomwomere kwoŋe,

Joebulaniya 12:25

Am'omiyo, gwokere win aka wikiri wikwer winjo ŋata luwo. K'inen joma jokwero winjo ŋat'oluwo munyo fonjo jo kwoŋ gwokirok i piny ka jok'oboth, onyo waŋati wanobothi nedi ka wawiro ŋey wan ri ŋata luwo m'owok i polo ma mito ni wagwokere!