Zekaria 4:6 - KITAWO MALEŊ Catholic

⁶ Go odwoko to waco ran ni, “Me wac pa Rwoth ri Zerubabel: K'obedo gi nyalo kosa meni, to gi cuny paran, Rwoth pa lwak jolweny waco.

KITAWO MALEŊ

⁶ Go odwoko to waco ran ni, “Me wac pa Rwoth ri Zerubabel: K'obedo gi nyalo kosa meni, to gi cuny paran, Rwoth pa lwak jolweny waco.

Zekaria 4:6 ပူးပေါင်းရင်းမြစ်များ

Cakirok 41:16

Yozefu odwoko Farawo ni, “K'obedo an; Were bino miyo tito maber.”

1 Kerin 19:12

Rumacen ma musisi mac oliel, to Rwoth oyido ongoye i mac. Aka rumacen ma mac dwondi jo m'ofoth owinjere.

2 Kigana kwoŋ Kerin 14:11

Asa oywaki ri Rwoth Were pere ni, “Awi Rwoth, in ikipoki kwoŋ konyo jomeni kodi joma nyap. Kony wan, Awi Rwoth Were mawan, kole wagoŋere kwoŋin, aka i nyingin wabino lweny gi kweth jolweny me. Awi Rwoth, ibedo Were mawan; ongoye ŋata nyalo geno kikengila in.”

Ezira 2:2

Jodwoko gi Zerubabel, Yesuwa, Nehemia, Seraya, Relaya, Modekay, Bilsan, Mispar, Bigvay, Rehum, kodi Bana. Me welo pa Joisiraili ma jodwoko wok i kisi nono:

Ezira 3:10

Munyo jogeto jocako misingi ma Ot pa Rwoth, jocway ri Were i wi migam joruko law pajo aka jomako kabedo pajo gi gwara i cingi jo, Jolevi ma nono pa Asaf jocungo kenyo gi nyweny m'irudo. Jopako Rwoth cungo kwoŋ cik ma Kere Daudi oyido omiyo.

Ezira 5:2

Munyo Zerubabel wod Siltiel gi Yesuwa wod Yehozadak jowinjo mikwenda pajo, jocako geto kendo Ot pa Were i Yerusalem, aka jotuci wac Were ario no jokonyo jo.

Zabuli 33:16

Kere kibothi ro jolweny pere madwoŋ, jalweny kiloy lweny ro meni pere.

Jafonji 9:11

Awire t'aneno i pendi waŋceŋ ni, ŋwec kibedi ri joma dwir, kosa lweny kibedi ri jomatek, kosa cemo k'ibedi ri jomariek, kosa ŋaŋo ri joma niaŋ, kosa wor ri jondijo; to hongo gi silwany bedo ri joje.

Isaya 30:1

Kidamba ri nyithindho ma jogwenyere, Rwoth waco, ma jotimo can ma k'obedo aparan, ma jotimo cikirok, to k'owoki bongi cuny paran, medo reco i wi reco.

Isaya 32:15

Tunado kama okonji kwoŋ wan cuny wok malo, to thim lokere ndelo olemo, aka ndelo olemo lalokere lul.

Isaya 34:16

Rangi aka wisoma gima wok i kitawo pa Rwoth; ongoye kwoŋ cwec me ma kilabedo, je jolabedo ma jacwo gi madhako. Kole dhok Rwoth otieko wodho or, aka cuny pere otieko coko jo.

Isaya 59:19

Ameno ji ma yupodho ceŋ jolalworo nyingi Rwoth, aka ji ma yuwok ceŋ jolamiyo go dwoŋ, kole go labino paka malawa ma ule, ma koyo pa Rwoth ama gweyo.

Hoseya 1:7

To alamako wor gi ot pa Yuda, aka alabotho jo gi an Rwoth Were pajo; ak'obothi jo g'atum abor, kosa abor, kosa lweny, kosa gi kayinin, kosa gi cwo ma jogweyo kayinin.”

Hagay 1:1

I oro mar'ario ma dhum pa Kere Dario, k'acel ma dwe mar'aucel, wac pa Rwoth obino luwo kwoŋ Hagay, jatuci wac Were, ri Zerubabel wod Salitiel gavana ma Yuda, kodi Yesuwa wod Yehozadak, jadwoŋ pa jocway ri Were i wi migam.

Hagay 2:21

Luw gi Zerubabel, gavana ma Yuda, iwaci ni: Acegin yengo polo kodi piny,

Zekaria 6:12

Iwaci rigo ni, Rwoth pa lwak jolweny waco ni, ‘Neni, jal ma nyinge obedo Jangi yath; kole go ladongo i kabedo pere to geto Ot pa Rwoth.’

Kwan 27:16

“Weyi Rwoth, Were ma won kwo, woyeri dhano telo ji.

Joefeso 6:17

Kethi win both paka junga ma gwoko wiy win, aka wac pa Were paka abor ma Cuny Maleŋ miyo win.

1 Petero 1:12

Were onyutho jotuci wac me ni oyido jokitiy rijo wegi, to riwin, munyo joluwo kwoŋ adieri ma pama wiwinjo. Jomikwenda ma Wac Manyen Maber, ma joluwo i meni pa Cuny Maleŋ mor wok i polo, ama jotito riwin adieri me. Me adieri ma kiri jomalaika je jomito ŋeyo dwoŋ mere.

1 Samwiri 14:6

Yonathan owaco ri jago m'otiŋo gilweny pere ni, “Biye wakidhi i kambi pa Jofilistia ma jok'othumere me. Nyalo bedo ni Rwoth lakonyo wan; rupiri ongoye gima dhiero Rwoth botho wan kada waj'ario.”

1 Samwiri 17:47

Aka kisi ŋata nitie ka laŋeyo ni Rwoth kimiti gilweny paka abor kosa toŋ ma botho ji pere. Rwoth kisi ndelo loyo lweny pere, aka go laketho wijoje i cingi wan.”