Zekaria 2:8 - KITAWO MALEŊ Catholic

⁸ Kole Rwoth pa lwak jolweny waco ama; ri dwoŋ ma go ooran bongi nonin ma jonyaga win, kole ŋat'ogeyin, meno ogeyo tongi waŋan.

KITAWO MALEŊ

⁸ Kole Rwoth pa lwak jolweny waco ama; ri dwoŋ ma go ooran bongi nonin ma jonyaga win, kole ŋat'ogeyin, meno ogeyo tongi waŋan.

Zekaria 2:8 ပူးပေါင်းရင်းမြစ်များ

Cakirok 20:6

Kenyo Were odwoko ni, “Ey, aŋeyo ni itimo gime i lonyo mar'adundo perin, aka aŋat'ageŋin timo reco kwoŋan; riameno akiyeyin geyo go.

2 Kerin 24:2

Rwoth ooro jolweny ma Babilon, Siria, Mowab, kodi Amon monjo Yehoyakim joworey woko Yuda paka Rwoth oyido owaco luwo kwoŋ ŋecin pere jotuci wac Were.

Zabuli 17:8

Kwonga an paka nyangil waŋin, kanan i tipo ma bwombin,

Agecin 7:2

Kuri or paran aka ilakwo, kuri fonji paran paka ikuro nyangil waŋin.

Isaya 49:19

Adieri piny perin m'oyido orere aka odoŋ gunda, onyo pama labedo madiny, ri jono ma jobedi kenyo. Aka jono m'oyido jomwonyo win woko jolabedo bor koro.

Yeremia 12:14

Me apaka Rwoth waco mako kwoŋ joger pa Joisiraili ma jogeyo gir'alunja ma go otieko miyo ji pere Isiraili lunjo: Acegin muko jo woko wok i lowo pajo, aka alamuko woko Joyuda wok i dier jo.

Yeremia 27:7

Nonin je jolatic rigo, ri wote kodi nyikwaye cuka hongo ma ker pere won opodh'iye, nyaka to nonin man kodi kerin madongo joloko go ŋeca pajo.

Ezekiel 25:12

Rwoth Were waco ama: Rupiri Edom otimo tim ma culo kwor kwoŋ Joyuda aka jotieko lokirok jobanja ma kiwacere ro culo kwor,

Ezekiel 25:15

Rwoth Were waco ama: Kwoŋbedo Jofilistia jotieko timo tim ma culo kwor, aka gi ŋol pier joreyo woko jokwor pajo;

Ezekiel 26:2

Wod dhano, rupiri ji ma Tire joluwo kwoŋ Yerusalem ni, “Aha, waŋkac pa ji otur, oyengere to yawere ran, alalokere mabup, paka onyo otieko nyekere.”

Ezekiel 26:20

aladhiro win yupiny gi jono ma jotieko loro piny i bur, bongi ji macene. Alamiyo wibedi i pendi piny, paka piny m'ojwangi wok cene, kanyacel gi jono ma jokidho i bur, ŋey wokiri wobedi i in, t'atero ŋono perin i piny pa jomakwo.

Ezekiel 35:5

Rupiri wibedo mere pa jakwor macene, to wimiyo ineko ji ma Isiraili i hongo ma teko, i hongo ma thumo banja pajo macowe.

Ezekiel 36:11

Alamiyo ji kodi ogwaŋe jowonyay. Jolanyay to jonywol. Alamiyo wobedi i in paka i hongo perin macon, aka alatimo rin bero nger ma fodi akitimo. Kenyo nyaka wilaŋeyo ni Abedo Rwoth.

Ezekiel 38:11

Ilawaco ni, “Alakidho lweny gi calin ma k'ogoy'iye cel; alapodho kwoŋ ji ma joliŋ ma jobedo kam'ongoye teko, joje ma jobedo kama k'ogoy'iye cel, aka jongoye gi nyweny kosa waŋkace.”

Ezekiel 38:14

Riameno, wod dhano, tuci wac paran, aka iwaci ri Gog ni: Rwoth Were waco ama: I ndelo no ka ji paran Isiraili jobedo kam'okwe, ilaay

Amos 1:11

Me apaka Rwoth waco: Ji ma Edom jomedere timo reco kendo, aka ro gime akibino wiro gir'acula pajo, rupiri joredho piny wade pajo Joisiraili gi toŋ, aka jok'onyutho jo wor. Nge pajo kidhumere aka jokiwey otho.

Amos 1:13

Me apaka Rwoth waco: Joamon jomedere timo reco kendo, aka ro gime akibino wiro gir'acula pajo, rupiri munyo joyawo adec pajo, joreyo woko mon ma yac i lowo ma Giliad.

Amos 1:9

Me apaka Rwoth waco: Ji ma Tire jomedere timo reco kendo, aka ro gime akibino wiro gir'acula pajo, rupiri jomiyo piny gibe ri Edom, to wiy gin wil gi cikirok ma wutmere.

Mika 4:11

Onyo pama piny kweth, jocokere monjin, jowaco ni, “Weyi warey Yerusalem, aka wanen ni go orere.”

Mika 5:6

Jobino dhumo piny Asiria g'abor, lowo pa Nimrod. Jobino botho wan kwoŋ Joasiria ka jomonji piny mawan, to joturo kew mawan.

Mika 7:10

Kenyo jakwor paran bino neno, aka wickwot bino umo ŋat'openjan ni, “Nikune Rwoth Were perin?” Waŋan bino neno jakwor paran, onyo ibino nyono go piny, pa cwodho ma ngudo.

Habakuk 2:17

Kole akaka m'otimi ri Lebanon lamiyin dhier; rerok p'ogwaŋe ladwoko jo, ro remo pa ji m'ooy kodi akaka ri piny, kodi ri tindi madwoŋ kodi jono je ma jobed'iye.

Habakuk 2:8

Rupiri itieko kinyaga nonin kweth, jono je ma jodoŋ jolakinyaga in, ro remo pa ji m'ooy, kodi akaka m'itimo ri piny, ri tindi madwoŋ kodi jono je ma jobed'iye.

Zefania 2:8

Atieko winjo yet pa Mowab, kodi aŋala pa Amon, nger ma jotieko yeto ji paran, to jodele kwoŋ adec pajo.

Zekaria 2:11

Nonin kweth jolariwere gi Rwoth i ndelo no, aka jolabedo ji paran, aka alabedo i dier in, aka ilaŋeyo nike Rwoth pa lwak jolweny ooran bongin.

Zekaria 2:9

Kole ee acegin yengo cingan kwoŋ jo, aka ŋecin pajo jolakinyaga jo, aka wilaŋeyo nike Rwoth pa lwak jolweny ooran.

Zekaria 8:5

Aka yac kodi nyir jolapoŋ tuko kam'othangere ma tindi madwoŋ.

Malaki 3:1

Neni, adhiro jamikwenda paran yiko ran yo, aka Rwoth ma widwaro labino abwap i ot pere ma lamo. Go ma wimito neno labino tito cikirok paran.

Matayo 25:40

Kere bino dwoko jo ni, ‘Adieri awaco riwin, munyo witimo gino kada ri acel m'oasa thin kwoŋ jowotan me, meno witimo ran.’

Matayo 25:45

Gikenyo go bino dwoko jo ni, ‘Adieri awaco riwin, munyo wikitimo gino ri kad'acel m'oasa thin kwoŋ jowotan me, meno wikitimo ran.’

Yohana 14:26

To Jamiy rieko, Cuny Maleŋ ma Baba bino dhiro i nyingan, bino fonjo win gimoro je aka bino poyo win gimoro je m'atieko waco riwin.”

Yohana 17:18

Onyo aoro jo i piny paka cango in bende ioran i piny.

Tim pa Jomoor 9:4

Go ogore piny to winjo dwondi jo ma waco rigo ni, “Saulo Saulo! Raŋo m'ilwenyo kodan?”

Kitawo mar'abic mapa Musa m'ilwoŋo ni Cik 32:10

Go onwaŋo go i lowo abar, i thim ma nyekere m'othangere, okwonga go, aka odewo kwoŋe, ogwoko go paka nyangil waŋe.

2 Jothesalonika 1:6

Kole bedo gim'otire ka Were okelo candirok ri joma miyo wicandere,

1 Yohana 4:14

Aka wawegi waneno aka onyo wawaco ri joman nike Bawan odhiro Wode bedo Jaboth ri piny.