Zekaria 2:6 - KITAWO MALEŊ Catholic

⁶ Awi, awi, ringi woko i lowo ma yumalo, Rwoth waco, kole paka koyin aŋwen ma polo, atieko kedhin woko, Rwoth waco.

KITAWO MALEŊ

⁶ Awi, awi, ringi woko i lowo ma yumalo, Rwoth waco, kole paka koyin aŋwen ma polo, atieko kedhin woko, Rwoth waco.

Zekaria 2:6 ပူးပေါင်းရင်းမြစ်များ

Cakirok 19:17

Kenyo Malaika acel okoko ni, “Ŋwec win ri kwo mewin, wikiri wiŋiy cen, kosa wicungi milelo; ŋwec win i wi tendere, ŋey wikiri witho.”

Zabuli 44:2

Nger ma in won igweyo woko nonin gi cingin, t'iketho ji perin i piny pajo, nger m'imiyo nonin man gir'acula, t'igonyo ji perin.

Isaya 48:20

Wok win i Babilon, ngoye win kwoŋ Jokaldin! Koki win gi wac ma kisangala, tuci win, dhiri win wac kiri witum ma piny, wac win ni, “Rwoth otieko botho Yakobo ŋeca pere!”

Isaya 55:1

Rwoth waco ni, Biye, ŋata riyo neko je, biye i pi! Biye, ŋat'ongoye gi pesa, biye nyewere t'icemo! Biye, nyew vini gi cak, m'ongoye pesa kosa cul.

Yeremia 1:14

To Rwoth waco ran ni, “Rerok kidho walo wok yumalo kwoŋ ji je ma jobedo i lowo me,

Yeremia 15:4

Alaloko jo gilworo ri kerin je ma piny kwoŋbedo gima kere Manase wod Hezekia ma Yuda otimo i Yerusalem.

Yeremia 3:18

I hongo no Joyuda jolariwere kodi Joisiraili, aka kanyacel jolabino wok i piny ma yumalo i lowo ma cango amiyo kwarere mewin mar'alunja.

Yeremia 31:10

Winji win wac pa Rwoth, awi nonin, aka tuci win bor i kigodin. Waci win ni, “Ŋat'okedho Isiraili lacoko go, aka lakuro go paka jakwath rombo kuro mwendi.”

Yeremia 31:38

Ndelo bino adieri, Rwoth waco, m'ilageto kendo tindi madwoŋ ri Rwoth wok iy'acurcur ma Hananel tundo i Waŋkac ma Sonda.

Yeremia 31:8

Neni, akidho kelo jo wok i lowo ma yumalo, t'acoko jo wok iy'adec mabor ma piny. Jo waŋtho kodi jor'aŋolo jolabino gi jo, mon ma minyur kodi ma ŋedi ramo jo, kanyacel, lwak madwoŋ ladwoko ka.

Yeremia 50:8

Ringi win woko i Babilon, aka bedi win paka wot diegi ma jotelo mwendi.

Yeremia 51:45

Ji ma Isiraili, ringi wingoye woko kenyo! Ringi wiboth kwo mewin kwoŋ nge pa Rwoth!

Yeremia 51:50

Rwoth waco ri ji pere i Babilon ni: “Witieko kwale kwoŋ tho! Pama kadhi win! Wikiri wikuri! Kada wibor gi peco, par win kwoŋan, an Rwoth mewin, aka wipoy Yerusalem.

Yeremia 51:6

Ngoye win woko i Babilon, kisi dhano wobothi kwo pere! Wikiri wirere ro reco pere, kwoŋbedo me hongo ma Rwoth cul'iye kwor kwoŋ Babilon, aka miyo go gir'acula ma ripo gine.

Ezekiel 11:16

Riameno, Rwoth Were waco ama: Makada nende atero jo bor swa i dier nonin, makada nende akedho jo i dier piny kweth, kucel abedo rijo Kabedo Maleŋ i piny ma jokadh'iye.”

Ezekiel 17:21

Jolweny pere ma jobeyo jolatho g'abor, aka ma joboth jolakedhere i thenge je. Kenyo wilaŋeyo nike an, Rwoth, atieko luwo.

Ezekiel 5:10

Riameno jonywol jolacamo nyithindho pajo i dier win, aka nyithindho jolacamo jonywol pajo; alathumo banja kwoŋ win, aka joma jodoŋ alakedho jo i kisi thenge je.

Ezekiel 5:12

Adec acel kwoŋ win jolatho two nundu aka jolarere gi kec i dier win, adec acel jolapodho g'abor; aka alakedho adec acel i kisi thenge je t'acelo abor yuŋey jo.

Amos 9:9

Abino miyo cik t'acunga Joisiraili, paka ŋano manitie i kicungwo. Abino kicunga jo kwoŋ piny je, t'ayeko woko ji ma bukony.

Zekaria 1:16

Riameno Rwoth pa lwak jolweny waco, atieko dwoko i Yerusalem gi wor m'oasere, ot paran ilaget'iye, Rwoth pa lwak jolweny waco, aka ilacero bol ma kipima i Yerusalem.

Zekaria 2:7

Awi, awi, Zayon kwale, in m'ibedo gi nyar Babilon.

Matayo 24:31

gikenyo go bino oro jomalaika pere kudho gwara ma ywak malo, aka jobino coko jom'oyer pere wok i tum aŋwen ma koyo, wok i tielo acel ma polo tundo i man.

Mariko 13:27

Go bino dhiro jomalaika coko jom'oyer pa Were wok i thenge aŋwen ma koyo, wok i thengi piny je tundo i thengi polo je.”

Kitawo mar'abic mapa Musa m'ilwoŋo ni Cik 28:64

Rwoth lakedho win i dier nonin je, wok i gike ma piny acel tundo i meca, aka koro ama wilatic ri werin man, ma mbawin kodi telin, ma win kosa kwarere mewin fodi wikuya.

Menyirok ri Yohana 18:4

Gikenyo awinjo dwondi ŋatiman i polo, m'owaco ni, “Woki win kwoŋ dheno ji paran! Ŋey wikiri widonji i reco pere. Ŋey wibende wikiri wilimi giracula m'ikidho miyo go!

Ruth 4:1

Bowaz okidho i waŋkac to bedo piny kenyo; to wat pere m'oyido go otieko luwo kwoŋe bende bino. Bowaz olwoŋo go ka waco ama: “Biye bedi kome jawodhan”.