Zekaria 13:2 - KITAWO MALEŊ Catholic

² I ndelo no, Rwoth pa lwak jolweny waco, alakwanyo woko nyingi calin wok i piny, aka kilapoyo jo kendo. Alamiyo jotuci wac were kodi cuny m'ocido ngoye woko i piny.

KITAWO MALEŊ

² I ndelo no, Rwoth pa lwak jolweny waco, alakwanyo woko nyingi calin wok i piny, aka kilapoyo jo kendo. Alamiyo jotuci wac were kodi cuny m'ocido ngoye woko i piny.

Zekaria 13:2 ပူးပေါင်းရင်းမြစ်များ

1 Kerin 22:22

Rwoth openjo ni, ‘Ibino wondo go nedi?’ Cuny pa Rwoth odwoko ni, ‘Abino kidho t'amiyo jotuci wac Were pa Ahab je waco twodo.’ Kenyo Rwoth owaco ni, ‘Kadhi iwondi go, ibino nyalo.’ ”

Zabuli 16:4

Jono ma joyero were man, jomedo rem pajo. Akibino kidho i cowirok pajo, kosa tuco nyingi jo gi dhokan.

Kitawo mar'ario mapa Musa m'ilwoŋo ni Wok 22:13

K'inen ogwaŋe madudi joneko, weyi go wokel m'odoŋ paka jakony, aka cul wokiri wobedi ri gim'ogwaŋe madudi joneko.”

Kitawo mar'ario mapa Musa m'ilwoŋo ni Wok 23:13

“Winji win kisi gim'atieko waco riwin. Wikiri wikway werin man, wikiri wituci kada nyingi gin.”

Isaya 2:18

Cal je jolarwenyo kicutho.

Isaya 2:20

I ndelo no ji jolabolo woko cal pajo ma feza, gi cal pajo ma zahabu, ma jotimo rijo wegi lamo, ri fuko gi kilafundo.

Yeremia 29:23

Kwoŋbedo jotimo gimiŋo i Isiraili to jotimo cot gi mon pa wadi gin, aka jotieko luwo wac ma twodo i nyingan m'akioro jo; aŋat'aŋeyo aka abedo jakony, Rwoth waco.

Ezekiel 12:24

“Kendo kilabedo menyirok ma bukony, kosa tuco wac twodo i ot pa Isiraili.

Ezekiel 13:23

Riameno wikilaneno twodo kendo aka wikilathiedho kendo. Alabotho ji paran wok i cingi win. Kenyo nyaka wilaŋeyo nike An abedo Rwoth.”

Ezekiel 14:9

“K'owondi jatuci wac Were to luwo wac, an Rwoth aŋat'awondo go. Alarieyo cingan kwoŋe, t'areyo woko go i dier ji paran Isiraili.

Ezekiel 30:13

Rwoth Were waco ama: Alareyo woko calin, t'acowo woko calin ma bukony i Memfis. Kendo kilabedo jadhum i lowo ma Misir, i nger no alaketho lworo i lowo ma Misir.

Ezekiel 36:25

Alakiro kwoŋ win pi m'olony, aka wilalony kwoŋ koco mewin je, kodi kwoŋ cal mewin je alalonyo win.

Ezekiel 36:29

Alabotho wok kwoŋ koco mewin je, aka alamiyo cemo wonyak to bedo kweth; aka ak'okethi kec kwoŋ win.

Ezekiel 37:23

Jok'okocere kendo gi cal pajo gi gigipiny pajo ma mijokere, kosa gikibenga pajo mogo je. Alabotho jo kwoŋ royin je ma jotimo gine reco to josegeya an. Alalonyo jo. Jolabedo ji paran, aka alabedo Were pajo.

Ezekiel 43:7

Go owaco ran ni, wod dhano, me kabedo ma kom ma dhum paran kodi kabedo ma par tiendan nyono, kam'alabed'iye i dier Joisiraili cil gi cil. Ot pa Isiraili kendo kilakoco nyingan maleŋ, jo kosa kerin pajo, lamo werin man kosa gi yiko kerin pajo ka.

Ezekiel 6:6

I kabedo mewin je, tindin madongo mewin labedo gundin, aka ilareyo woko udi ajwoka mewin to josika. Migame mewin ilaŋinyo woko aka calin mewin jolangoye, ilatoŋo piny migame mewin ma waŋo buban, t'iyweyo woko tic mewin.

Hoseya 14:8

Efrayim lapenjere ni, aŋo man kendo m'alatimo gi cal? An aŋat'adwokin t'akurin. Acalo yath ma boke mere kioy; silwany mewin wok bongan.

Hoseya 2:17

Kole alakwanyo woko nyingi Bal i dhoke, aka k'otuci nyingi jo kendo.

Hoseya 2:19

Alalokin dhako paran cil gi cil; alalokin dhako paran i tiro kodi iy'adieri, i mar makiwire, kodi i wor.

Mika 2:11

Ka nyatoro ma waco koyo gi twodo, owaco ni, “Abino tito riwin vini gi math makec, dinyo go am'obedo jatiti ri ji me.”

Zefania 2:11

Rwoth lakelo lworo kwoŋ jo. Go lasewo werin je ma piny kisi nono lalamo go, kisi acel i piny pere won.

Matayo 12:43

“Ka cuny m'ocido owok kwoŋ dhano, wotho i piny m'othwo ka rango kabedo ma ywomirok to kinwaŋ.

Matayo 7:15

Gwokere win kwoŋ jotuci wac Were ma twodo, ma jobino bongi win i cal pa rombo gi woko, to iy'adieri mere jobedo arara i cuny gin.

Luka 11:20

To k'inen ariemo jwogi gi lwet Were, kole meno Ker pa Were otieko tundo riwin.

Kitawo mar'abic mapa Musa m'ilwoŋo ni Cik 12:3

Tur win piny migame pajo, ŋiny win sirin pajo, waŋ win Asera pajo gi mac, aka witur piny cal ma jotimo ri werin pajo, to wirwenyo woko nyingi jo i kabedo pajo.

Kitawo mar'abic mapa Musa m'ilwoŋo ni Cik 18:20

To jatuci wac Were ma won okethere ma luwo wac moro i nyingan m'akioro go ni woluwi, kosa ŋata luwo i nyingi werin man, jatuci wac Were no latho.”

Yosuwa 23:7

ŋey wikiri wiruwere gi nonin me ma jodoŋ ka i dier win, kosa wituci nyingi werin pajo, kosa wikwoŋere gi jo, kosa witiy rijo, kosa wikule piny rijo,

Menyirok ri Yohana 18:2

Go okoko gi dwonde ma malo ni, “Go otieko podho. Babilon madwoŋ otieko podho! Go onyo otieko lokirok kabedo pa jwogi, kodi gunda ma cuny m'ocido joywomere i iye, winyin makoc ma nger je ma kicam jobed'iye.

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.