Zekaria 1:6 - KITAWO MALEŊ Catholic

⁶ To wac paran kodi cik paran, m'amiyo or kwoŋe ri ŋecin paran jotuci wac Were, jok'onyalo kwarere mewin? Ameno wegi joŋuto to jowaco ama: Paka Rwoth pa lwak jolweny oyido ocano timo riwan, luwo kwoŋ yo mawan kodi tim mawan, ameno apaka go otiyo gi wan.

KITAWO MALEŊ

⁶ To wac paran kodi cik paran, m'amiyo or kwoŋe ri ŋecin paran jotuci wac Were, jok'onyalo kwarere mewin? Ameno wegi joŋuto to jowaco ama: Paka Rwoth pa lwak jolweny oyido ocano timo riwan, luwo kwoŋ yo mawan kodi tim mawan, ameno apaka go otiyo gi wan.

Zekaria 1:6 ပူးပေါင်းရင်းမြစ်များ

2 Kerin 15:12

Ameno cikirok ma Rwoth omiyo kere Yehu nike nyikwaye jobino dhumo kiri i luse mar'aŋwen jobino bedo kere i Isiraili to tundo i kare.

Yobu 6:29

Mondo wire aka Ikir'itim komo, kole fodi atimo gim'otire.

Isaya 21:17

aka jolweny g'atum abor ma joboth, cwo matek ma Kedar lanoko; kole Rwoth, Were pa Isiraili, otieko luwo.”

Isaya 44:26

Go ma ridho wac pa ŋeca pere, to ketho i kare gima ŋecin pere jowaco. Go ma waco kwoŋ Yerusalem ni, “Ilabed'iye.” Go waco kwoŋ tindin ma Yuda ni, “Ilageto jo kendo, aka alacewo gundin pajo.”

Isaya 55:1

Rwoth waco ni, Biye, ŋata riyo neko je, biye i pi! Biye, ŋat'ongoye gi pesa, biye nyewere t'icemo! Biye, nyew vini gi cak, m'ongoye pesa kosa cul.

Isaya 55:11

Ameno apaka wac ma wok i dhokan labedo, k'ogiki bongan nono, to lamiyo atoŋa mere wotundi i kare, latimo kisi gim'adhiro ni wotim.

Yeremia 23:20

Nge pa Rwoth k'owire aŋey cuka ocow to ketho i kare atoŋa ma paro pere. I hongo ma rumacen wilaniaŋ gino maber.”

Yeremia 26:15

Ŋey win nyaka gimoro acel adieri ni, ka winonekan, win kodi ji ma tindi madwoŋ me wilabedo gi banja ma neko dhano m'ongoye gi banja, rupiri obedo Rwoth am'ooran kelo wac me je riwin ni wiwinji.”

Yeremia 28:17

I oro no won, i dwe mar'abirio, to jatuci wac Were Hanania tho.

Yeremia 32:24

“Neni, Jobabilon jogeto cel kwoŋ tindi madwoŋ ma mako, tindi madwoŋ ocomere g'abor kodi kec kodi two nundu. Itieko miyo i cingi Jobabilon ma jolwenyo gine. Gima cango iluwo otieko timere, aka in won inyalo neno.

Yeremia 36:28

Kwany papila man, indik'iye wac ca je m'oyido nitie i papila marapena, ma kere Yehoyakim owaŋo.

Yeremia 39:16

Kidhi iwaci ri Ebed Melek Jaethopiya ni: Me apaka Rwoth pa lwak jolweny, Were pa Isiraili waco ama: “Akidho ketho i kare wac paran m'awaco kwoŋ tindi madwoŋ me ri raco makiweno bero, aka latundo i kare kareno in ineno gi waŋin i ndelo no.

Yeremia 4:4

Kuri win cikirok mewin kodan, Rwoth mewin, aka wimiyere ran, win ji ma Yuda gi Yerusalem. Kakameno, keme paran bino icere paka mac, to liel m'ongoye ŋat'oneki, kwoŋbedo tim mareco mewin.”

Yeremia 44:2

Rwoth pa lwak jolweny, Were pa Isiraili waco ama: Wiwegi witieko neno teko m'atieko kelo kwoŋ Yerusalem kodi tindin je ma Yuda. Ŋiy win jo, konon jodoŋ gundin m'ongoye ŋata bedo i jo,

Yeremia 44:28

Jono ma joboth abor joladok wok i piny Misir kidho i piny Yuda, manok i welo, aka ji ma jodoŋ i Yuda ma jobino bedo i piny Misir jolaŋeyo nike wac pa ŋa maloyo, aparan kosa apajo!

Yeremia 44:29

Me labedo ranyuth riwin, Rwoth waco, nike akidho miyo win gir'acula i kabedo me, ŋey winyal ŋeyo nike wac paran riwin latundo i kare adieri.

Yeremia 44:6

Ameno nge paran kodi keme paran oliel kwoŋ tindin ma Yuda kodi i royin ma Yerusalem, aka jolokere gundin ma kiber anena paka fodi jonitie kiri konon.

Yeremia 5:14

Riameno Rwoth Were pa lwak jolweny waco ama: Rupiri jotieko luwo wac me, onyo akidho loko wac ma dhokin wocale mac, t'aloko ji me paka yen, aka mac lareyo woko jo.

Ywakirok 1:18

Rwoth otire, kwoŋbedo agwenyere kwoŋ wac pere, to mondo winji win, nonin je, neni kwoŋbedo litho paran, yac paran kodi nyir paran, jokadho i twec.

Ywakirok 2:17

Rwoth otieko timo atoŋa pere, go otieko ketho i kare wac pere ma go owodho or. Paka wok i hongo macon, go oturo piny kicutho. Go omiyo jakwor siemirok kwoŋ win, aka otiŋo malo wic jokwor mewin.

Ywakirok 3:42

Watieko timo reco to wagwenyere, to ikicwako.

Ezekiel 20:43

Gi koro wilapoyo yo mewin kodi tim mewin je ma wikocere gine, aka wiladakere kwoŋbedo gimarac ma witieko timo.

Ezekiel 37:11

Kenyo to Were waco ran ni, “Wod dhano, cokin me obedo Joisiraili gibe. Jowaco ni, ‘Cokin mawan jothwo woko, aka wangoye gi geno; warwenyo kicutho.’

Hoseya 5:9

Efrayim lalokere kam'ojwangi, i ndelo ma gir'acula. I dier nonin ma Isiraili, atuco kamaler gir'adieri.

Hoseya 9:15

Kidakana pajo je ocako i Gilgal; acako dak jo kenyo, kwoŋbedo kidakana ma tim pajo, alariemo jo woko i ot paran. Ak'omiti jo kendo, wot kerin pajo jobedo jodudi.

Amos 9:10

Joreco ma jonitie i dier ji paran, ibino neko jo i lweny. Jono je ma jowaco ni, “Were kilayeyo teko wopodhi kwoŋ wan.”

Zekaria 1:7

Ka piero ario g'aŋwen ma dwe mar'apar g'acel, dwe ma Sebat, i oro mar'ario ma dhum pa Dario, wac pa Rwoth obino ri jatuci wac Were Zekaria, wod Berekia, nyakwar Ido. Zekaria owaco ama:

Malaki 3:18

Kenyo wibino poko kwoŋ jom'otire gi jokidakana, ji ma jotiyo ri Were gi joma kitiy rigo.”

Kwan 23:19

Were k'obedo dhano, ma go nyalo twodo, kosa wod dhano, ma go owir paro pere. Ka go otieko waco, kilatimo? Ka go otieko luwo, kilaketho i kare?

Kwan 32:23

To ka wikitimo gime, meno witieko timo reco kwoŋ Rwoth, aka ŋey win nike reco mewin laromo gi win.

Kwan 33:56

Kenyo alatimo riwin paka aparo timo rijo.”

Matayo 24:35

Polo gi piny bino rere woko, to wac paran k'orere woko.

Kitawo mar'abic mapa Musa m'ilwoŋo ni Cik 28:15

To ka winokwer winjo Rwoth Were mewin gi kinen, kuro or pere je kodi cik, paka amiyo win or konon, lam me je laluwo win.

Kitawo mar'abic mapa Musa m'ilwoŋo ni Cik 28:2

Silwany me je labedo mewin, ka winowinji dwondi Rwoth Were mewin.

Kitawo mar'abic mapa Musa m'ilwoŋo ni Cik 28:20

Rwoth ladhiro kwoŋ win kwoŋ, nywowirok, kodi dhierok i gima winotem timo je, cuka wirere piyo, ro tim mewin marac, rupiri wijwangan.

Kitawo mar'abic mapa Musa m'ilwoŋo ni Cik 28:45

Lam me je labino kwoŋ win, laluwo win to laco win, cuka wirere woko, kwoŋbedo wikiwinjo dwondi Rwoth Were mewin, gi kuro or pere kodi cik pere paka omiyo win or.

1 Jothesalonika 5:4

To win, wutmera, wikinitie i mudho, ma Ndelo no nyalo coro win pa jakwo.