Zefania 3:4 - KITAWO MALEŊ Catholic

⁴ Jotuci wac Were pere jogayagaya, cwo ma jotimo akor, jocway ri Were i wi migam pere jokoco Kabedo Maleŋ, jotieko komo cik.

KITAWO MALEŊ

⁴ Jotuci wac Were pere jogayagaya, cwo ma jotimo akor, jocway ri Were i wi migam pere jokoco Kabedo Maleŋ, jotieko komo cik.

Zefania 3:4 ပူးပေါင်းရင်းမြစ်များ

Isaya 9:15

Ato jodongo gi ji m'iworo jo ama jobedo wic, aka jotuci wac Were ma jofonjo twodo jobedo yiwe.

Yeremia 23:32

Winji win, abedo jakwor pa jono ma joluwo twodo, Rwoth waco, ma joluwo to jorwenyo ji paran gi twodo pajo gi timo gigipiny kicar, m'akioro jo kosa aketho jo; ameno ongoye gimoro kad'acel ma jokonyo gine ji me, Rwoth waco.

Yeremia 34:19

Jotel ma Yuda, jotel ma Yerusalem, cwo ma jolur, jocway ri Were i wi migam kodi ji je ma piny ma joluwo i dier nyathi dhiaŋ m'oyaŋ diere dirio,

Yeremia 5:31

Jotuci wac Were jotuco wac ma twodo, aka jocway ri Were i wi migam joluwo gima jotuci wac Were jowaco rijo. Ji paran jomito wobedi ameno, to winotim nedi ka gike otundo?”

Yeremia 8:10

Riameno alamiyo mon pajo ri joman kodi ndelin pajo ri joma laloyo jo gi meni, rupiri wok i jomathindho tundo i jomadongo kisi dhano je jaworo ri magowa ma k'otire; wok kwoŋ jatuci wac Were tundo kwoŋ jacway ri Were i wi migam kisi dhano timo gikomo.

Ywakirok 2:14

Jotuci wac Were perin, jotieko neno rin menyirok ma twodo ma bukony. Jok'okedho reco perin, ma dwoko lim perin; to jotieko neno rin menyirok, ma twodo aka ma rwenyo jo.

Ezekiel 22:26

Jocway ri Were i wi migam mere joturo cik paran aka jokiwor gimaleŋ. Jokikethi pokirok i dier leŋo kodi gima kileŋ. Jokifonji pokirok i dier gim'olony kodi gimakoc, aka jokoco sabato paran, ŋey kiworan i dier jo.

Ezekiel 22:6

Jodhum ma Isiraili je jogeno meni pajo wegi aka joneko.

Ezekiel 44:23

Joripo fonjo ji paran pokirok i dier gimaleŋ kodi gima kileŋ, gimakoc kodi gim'olony.

Hoseya 9:7

Ndelin ma gir'acula otieko bino, ndelin ma gir'acula ripo wotundi; Isiraili ywak ni, “Jatuci wac Were obedo ŋatamiŋ, jal ma cuny olokere janeko!” Ro reco mewin madwoŋ, dakirok mewin dwoŋ.

Mika 2:11

Ka nyatoro ma waco koyo gi twodo, owaco ni, “Abino tito riwin vini gi math makec, dinyo go am'obedo jatiti ri ji me.”

Mika 3:11

Jotel mere jothumo banja ro nyewirok, jocway ri Were i wi migam jotiyo ma cul, jotuci wac Were ma pesa, kucel jogoŋere kwoŋ Were to jowaco ni, “Rwoth nitie gi wan, teko k'opodhi kwoŋ wan.”

Malaki 1:6

Rwoth pa lwak jolweny waco ama: Nyathi majayac miyo bamere dwoŋ, aka ŋeca miyo jadwoŋ pere dwoŋ. To k'inen abedo bawin, nikune dwoŋ paran? Aka k'abedo jadwoŋ mewin raŋo wikilworan? Win, jocway ri Were i wi migam, wibwono nyingan; aka kucel wipenjo ni, “Wabwono nyingin nedi?”

Malaki 2:7

Rupiri dhok jacway ri Were i wi migam ripo gwoko rieko, aka ji joripo rango rieko wok bonge, rupiri go obedo jamikwenda pa Rwoth pa lwak jolweny.”

Malaki 2:8

“To onyo wiweyo yo m'otire; aka witieko miyo ji kweth ceri gi fonji mewin. Wituro cikirok paran gi win, Rwoth pa lwak jolweny waco.

Matayo 7:15

Gwokere win kwoŋ jotuci wac Were ma twodo, ma jobino bongi win i cal pa rombo gi woko, to iy'adieri mere jobedo arara i cuny gin.

2 Jokorintho 11:13

Jono jok'obedo jomoor mar'adieri; jobedo jomoor ma twodo, ma jokethere ni jo bende jomoor pa Kristo.

1 Yohana 4:1

Jowotan ma kacunyan, wikiri wiyere gi kisi dhano ma kethere ni go nitie gi Cuny pa Were. Tem win jo ŋey winiaŋ k'adieri jowok bongi Were, rupiri jotuci wac ma twodo mathoth jotieko ywore i piny je.

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.

Jothum Banja 9:4

Jomiyo Gideon nusu ma feza ma both romo kilo wok i ot pa Bal Berith, aka Gideon ooro ma kipangisa cwo ma bukony ma joworo luwo go.

1 Samwiri 2:22

I hongo no Eli oyido oti. Oyido iwaco rigo wac kwoŋ gigipiny ma yac pere oyido jotimo ri Joisiraili paka oyido jobedo gi mon ma tiyo i waŋkac ma Wema pa Rwoth.