Zabuli 85:8 - KITAWO MALEŊ Catholic

⁸ Weyi awinji gima Rwoth Were bino waco, kole go ciko siem ri ji pere won, ka jok'ogik i yo pajo ma miŋo.

KITAWO MALEŊ

⁸ Weyi awinji gima Rwoth Were bino waco, kole go ciko siem ri ji pere won, ka jok'ogik i yo pajo ma miŋo.

Zabuli 85:8 ပူးပေါင်းရင်းမြစ်များ

Cakirok 34:7

Wot Yakobo jodwoko wok i sa munyo jowinjo kwoŋe; aka jobwok to nge mako jo swa, rupiri Sekem oyido okelo amien i Isiraili munyo go onindo gi nyar Yakobo. Kole nger gino oyido kiripi timirok.

Zabuli 130:4

T'icwako reco, aka am'omiyo wolworin.

Zabuli 29:11

Weyi Rwoth womiy ji pere meni! Weyi Rwoth womiy ji pere silwany gi siem!

Zabuli 50:5

Go waco ni, “Coki ran ji paran ma jotimo adieri, ma jotimo kodan cikirok gi cowirok!”

Agecin 25:11

Wac ma luwere i kare, cale kicin ma zahabu i gim'othedhi gi feza.

Agecin 27:22

Inyalo odo jamiŋo gi ŋano i pany gi loki, t'ikinyal wodho woko miŋo pere.

Isaya 57:19

Rwoth waco, siem, siem, ri joma nitie bor gi cegin, aka alacango jo.

Habakuk 2:1

Alaidho wi kakur paran, t'acungo wi cel paran; alabedo waŋan neno gima Rwoth lawaco ran, kodi aŋo ma go odwoki ri kigeŋisa paran.

Hagay 2:9

Dwoŋ ma ot me labedo madwoŋ loyo ot macon, Rwoth pa lwak jolweny waco; aka siem labedo i kabedo me, Rwoth pa lwak jolweny waco.

Zekaria 9:10

Alakwanyo woko cawilin wok i Efrayim, kodi kayinin ma lweny wok i Yerusalem, kodi aserin ma lweny. Aka go laluwo siem ri nonin, dhum pere labedo wok i nam tundo i nam, wok i jwom kiri i gike je ma piny.

Yohana 14:27

“Siem am'onyo aweyo riwin; amiyo win siem paran; aka akimiy win paka piny miyo. Wikiri wirembi i cuny win; odoko wikiri wibedi gi lworo.

Yohana 20:19

Munyo piny oumere i ndelo ma Sabiti no, jofonjirok oyido jocokere kanyacel kareno jocego thigin, rupiri oyido jolworo Joyuda. Gikenyo Yesu obino to cungo i dier jo to waco ni, “Siem wobedi kodi win.”

Yohana 20:26

Munyo ndelo abirio okadho, jofonjirok oyido jonitie kanyacel kendo, aka Toma oyido nigi jo. Thigin je oyido ocegi, to Yesu obino to cungo i dier jo to waco rijo ni, “Siem wobedi gi win.”

Yohana 5:14

Rumacen, Yesu onwaŋo go i Ot pa Were to waco rigo ni, “Neni, pama onyo itieko bedo maber! Onyo ikiri doko igiki timo reco, kosa giman nyalo timin marac maloyo meno.”

Yohana 8:11

Go odwoko ni, “Ongoye, jadwoŋ.” Yesu odwoko ni, “Onyo abende ak'othum rin banja. Onyo kadhi rin, to ikiri doko itimi reco.”]

Tim pa Jomoor 10:36

Wiŋeyo fonji ma go odhiro ri ji ma Isiraili, ma tito Wac Manyen Maber ma kelo siem i Yesu Kristo, m'obedo Rwoth pa ji je.

Tim pa Jomoor 3:26

Am'omiyo Were oyero aka okutho open dhiro jatic pere bongi win won, womiy win silwany munyo wiro wijoje ni wieye woko i yo mewin mareco.”

Jogalasia 4:9

To paka pama onyo witieko ŋeyo Were; kosa weyi awaci ni paka pama onyo Were oŋeyo win, winyalo nedi gik kendo bongi cuny manyap masisiri no? Raŋo ma wimito lokirok ŋecin pajo kendo?

Joefeso 2:17

Ameno Kristo obino to tito Wac Manyen Maber riwin m'oyido wibor gi Were, gi kelo siem ri jom'oyido jo nicegin gi Were.

2 Jothesalonika 3:16

Weyi Rwoth won, ma poko siem, womiy win siem hongo je kodi i royo je. Rwoth wobedi kodi dhano je kwoŋ win.

2 Timothe 2:19

To tiendi geto m'ocwiny ma Were otieko ketho kiyengere, aka me a wac m'ondiki kwoŋe: “Rwoth oŋeyo joma jobedo apere.” Odoko ni, “Nyatoro je m'obedo apa Rwoth ripo eye woko kwoŋ tim mareco.”

Joebulaniya 12:25

Am'omiyo, gwokere win aka wikiri wikwer winjo ŋata luwo. K'inen joma jokwero winjo ŋat'oluwo munyo fonjo jo kwoŋ gwokirok i piny ka jok'oboth, onyo waŋati wanobothi nedi ka wawiro ŋey wan ri ŋata luwo m'owok i polo ma mito ni wagwokere!

Menyirok ri Yohana 3:19

Joma amaro, apusa jo odoko atwenyo jo. Am'omiyo bedi g'adieri kendo ŋuti kwoŋ reco perin.

1 Samwiri 25:25

Mondo ikir'ipar kwoŋ jal ma kula pere rac no. Go miŋamiŋa paka nyinge nyutho. Oyido angoye munyo cwo perin jobino.