Zabuli 71:3 - KITAWO MALEŊ Catholic

³ Bedi ran tele ma pondo, cel matek, ma bothan, kole iŋat'ibedo tele paran, aka kapondo paran.

KITAWO MALEŊ

³ Bedi ran tele ma pondo, cel matek, ma bothan, kole iŋat'ibedo tele paran, aka kapondo paran.

Zabuli 71:3 ပူးပေါင်းရင်းမြစ်များ

Zabuli 144:2

Go obedo tele paran gi kapondo paran, kapondo paran gi jaboth paran, kwot paran, m'apondo bonge, go ketho nonin i dhum pere.

Zabuli 18:2

Rwoth obedo tele paran, kapondo paran aka jaboth paran. Were paran obedo tele paran, i go a kapondo paran. Kwot paran, aka meni paran ma both, kapondo paran.

Zabuli 18:3

Alwoŋo Rwoth, aka bothan kwoŋ jokwor paran Pak win Rwoth!

Zabuli 42:8

Rwoth nyuthan mar pere makiwire odieceŋ, aka wor awero, kwayo Were ma won kwo paran.

Zabuli 44:4

Ibedo kere paran aka Were paran, imiyo ji perin loyo,

Zabuli 68:28

Nyuthi meni perin, Awi Were; nyuthi cwinyo perin, Awi Were, paka oyido itieko timo riwan con.

Zabuli 89:27

Abino loko go okayo paran, kere madwoŋ loyo kerin je.

Zabuli 90:1

Awi Rwoth, ibedo kabedo mawan i luse je.

Zabuli 91:9

Kwoŋbedo iloko Rwoth kapondo perin, Jamalo swa kabwok perin,

Agecin 18:10

Nyingi Rwoth obedo acurcur matek, jono ma jotimo gim'otire joring'iye aka jokirom gi teko.

Isaya 33:16

Jolabedo i kabedo ma malo, aka jolapondo i tele, jolabedo gi cemo kodi pi ma romo.

Ezekiel 9:6

Neki win cwo m'oti, yac kodi nyir, nyithindho kodi mon, to wikiri wigeyi jono ma jonitie gi ranyuth; aka wicaki i kabedo paran maleŋ.” Ameno jocako gi jodongo m'oyido jonitie yuwaŋ ot.

Kitawo mar'abic mapa Musa m'ilwoŋo ni Cik 33:27

Were ma cil gi cil obedo kabwok perin, cinge ma cil gi cil nitie i pendi piny, go lariemo woko jakwor perin ruwaŋin, aka owaco ni, “Reyi woko.”