Zabuli 69:21 - KITAWO MALEŊ Catholic

²¹ Jomiyan kwir ma neki ni cemo, aka ri riyo pi paran, jomiyan vini mawac amadha.

KITAWO MALEŊ

²¹ Jomiyan kwir ma neki ni cemo, aka ri riyo pi paran, jomiyan vini mawac amadha.

Zabuli 69:21 ပူးပေါင်းရင်းမြစ်များ

Jafonji 4:1

Kenyo awire t'aneno adica je m'itimo i pendi waŋceŋ. Aka neni, pigi waŋ jom'idiyo, m'ongoye ŋat'odiy cuny jo! Kareno joma diyo jo, jonitie gi meni, to ngoye ŋat'odiy cuny jo.

Yeremia 23:15

Riameno Rwoth Were pa lwak jolweny waco ama kwoŋ jotuci wac Were: “Akidho miyo jo camo yath makec t'amiyo jo madho pi ma kwir; kwoŋbedo wok kwoŋ jotuci wac Were ma Yerusalem tim ma bu Were otieko nyay i piny gipi.”

Yeremia 8:14

Raŋo wabedo ma wakikithini? Cokere win kanyacel, weyi wakidhi win i tindin madongo m'ogoy'iye cel to wasika woko kenyo; kole Rwoth Were mawan otieko thumo riwan banja ma tho, aka go otieko miyo wan pi ma kwir amadha, rupiri watieko timo reco kwoŋ Rwoth.

Yeremia 9:15

Riameno Rwoth pa lwak jolweny waco ama, Were pa Isiraili: Alapidho ji me gi yath makec kodi pi ma kwir amadha.

Ywakirok 1:2

Go ywak gi geregere wor, gi pigi waŋe i pinde, ongoye ŋat'okwey cunye, i dier jomitirok pere. Merin pere je jotiyo gi go akor, jotieko lokere jokwor pere.

Ywakirok 1:9

Koco pere oyido nitie i rinda pere, go k'oparo kwoŋ gim'owok rumacen, podho pere obedo gi dhier, m'ongoye ŋat'okwey cunye. Awi Rwoth, neni, litho paran, kole jakwor otieko tiŋere malo.

Matayo 27:34

Kenyo jomiyo go vini m'oruw gi pigi yath makec pa kedhino ni womadhi ma konyo go; to munyo go otieko bilo, k'oyeyo madho.

Matayo 27:48

Ŋat'acel kwoŋ jo oringo mayot, okwanyo cangwe, obilo i vini, to ketho wi luth, aka otemo miyo go ni womadhi.

Mariko 15:23

Jotemo miyo go vini m'oruw gi pigi yath moro maŋwe kur ma kweyo litho, to Yesu k'omadho.

Mariko 15:36

Ŋat'acel kwoŋ jo oringo gi cangwe, obilo i vini mawac, to ketho i dhoke gi yath mabor. Oketho i dhok Yesu gino munyo waco ni, “Weyi wanen paka Elia obin ogony go kwoŋ musalaba.”

Luka 23:36

Josirikale bende jonyero go; jobino bonge to jocwayo rigo pigi gimoro makec ni womadhi,

Kitawo mar'abic mapa Musa m'ilwoŋo ni Cik 29:18

Wokiri wobedi i dier win jacwo kosa dhako, kosa peco kosa nono, ma cunye owire woko kwoŋ Rwoth Were mawan tiyo ri werin man mapa nonin no. Meno nyalo cale paka fuc ma nyak olemo manitie gi kwir kodi makec.