Zabuli 60:2 - KITAWO MALEŊ Catholic

² Itieko miyo piny oyengere t'iyeco m'oyawere; onyo pama cangi adholin mere, rupiri jokedhere.

KITAWO MALEŊ

² Itieko miyo piny oyengere t'iyeco m'oyawere; onyo pama cangi adholin mere, rupiri jokedhere.

Zabuli 60:2 ပူးပေါင်းရင်းမြစ်များ

2 Samwiri 22:8

Kenyo piny okirin aka oyengere, kindi polo oyengere aka okirin rupiri Were oyido omako nge.

2 Samwiri 8:1

Rumacen ma hongo moro, kere Daudi omonjo Jofilistia kendo, aka okengila jo to kelo dhum pajo i gike i lowo no.

1 Kigana kwoŋ Kerin 18:12

Abisay, ma min obedo Zeruya okengila Joedom i milelo ma Cumbi aka oneko cwo 18,000.

1 Kigana kwoŋ Kerin 18:3

Daudi bende okengila kere ma piny Siria, Hadadeza wod pa Rehob munyo Hadadeza oyido kidho iy'adec ma malawa Yufrete dwoko dhum pere kenyo.

1 Kigana kwoŋ Kerin 18:5

Munyo Josiria m'oyido jonitie Damasiko jodhiro jolweny konyo kere Hadadeza, Daudi omonjo jo aka oneko cwo 22,000.

2 Kigana kwoŋ Kerin 7:14

ka ji paran ma jolwoŋere gi nyingan jomwole, jokway, jorangan, to joweyo yo pajo ma kidakana, kenyo alawinjo gi polo, alacwako reco pajo t'abotho piny pajo.

Yobu 5:18

Go miyo adhola, to mado, go miyo litho, to cingi go cango.

Yobu 9:6

Go ama yengo piny wok i kabedo mere, aka sirin mere yengere.

Zabuli 104:32

Go ŋiyo piny, aka piny kirin; go geyo gote, aka joŋulo yiro.

Zabuli 114:7

Kirini, Awi piny, ruwaŋ Rwoth, ruwaŋ Were pa Yakobo,

Zabuli 18:7

Kenyo piny okirin to yengere, kindi gote bende okirin, to yengere, kwoŋbedo Were oyido omako nge.

Zabuli 89:40

Ituro piny kor tindi pere madwoŋ, aka isika woko kapondo pere.

Kitawo mar'ario mapa Musa m'ilwoŋo ni Wok 15:11

“Rwoth, ŋa ma calin, kwoŋ werin je? Ŋa ma calin, itek loyo joje? Ŋa manyalo timo gir'aura gi tim madongo paka aperin?

Isaya 30:26

Dwe laliel paka waŋceŋ, aka waŋceŋ laliel dibirio loyo paka liel, paka ceŋ ma ndelo ario i ndelo acel, i ndelo ma Rwoth otwey to cango adhola m'omiyo ji pere gi goco pere.

Isaya 5:25

Riameno nge pa Rwoth oliel kwoŋ ji pere, aka orieyo cinge kwoŋ jo to rwadho jo, gote joyengere, delkwoŋ jom'otho odoŋ i royo paka yuk. Kucel kiri gi gime je, Rwoth fodi nigi nge, aka fodi orieyo cinge ma miyo gir'acula.

Isaya 7:8

Kole wic Siria obedo Damasiko, aka wic Damasiko obedo Rezin. (I oro piero aucel g'abic Isiraili (Ker ma Yumalo) latur mathindho thindho ŋey wongoye gi ji.)

Yeremia 10:10

To Rwoth obedo Were mar'adieri; go obedo Were makwo kodi Kere ma cil gi cil. I keme pere piny yengere, aka nonin kinyal ciro nge pere.

Yeremia 14:17

Ibino waco rijo wac me: Weyi pigi waŋan wooy wor kodi odieceŋ, aka weyi jokiri jowocoki, kwoŋbedo nyar ji paran mambula, ji paran, orwadhi jo piny g'adol ma ŋinyo jo, g'adhola ma kiwacere.

Yeremia 30:17

Kole alamiyo wilama kendo; aka alacango adholin mewin je, Rwoth waco. Kwoŋbedo jotieko lwoŋin ni jawoko; Zayon m'ongoye ŋata dewo kwoŋe,

Yeremia 4:24

Awiro waŋan t'aneno gote, aka oyido joyengere, aka tendere je jodhire amalo g'acen.

Yeremia 48:38

I wi udi ma Mowab je kodi kam'othangere je ongoye giman kwanyo woko ywak, kwoŋbedo an atieko turo woko Mowab paka atawo m'ongoye ŋata mito, Rwoth waco.

Ywakirok 2:13

Anowaci aŋo rin, aka anopima in g'aŋo, Awi Yerusalem? Anomiyin i cal g'aŋo, ŋey anyal kweyo cunyin, Awi Yerusalem? Rerok perin dwoŋ paka nam, ŋa m'ocangin ŋa?

Ezekiel 34:16

Aladwaro ma jorwenyo, t'adwoko ma jolera, aka alatweyo wonga ri ma jotur, t'adwoko meni ri ma meni oloyo jo, to alareyo woko ma jocwe kodi ma jotek. Alakwayo jo gi tiro.

Hoseya 6:1

“Biye win, weyi wagiki win bongi Rwoth; kole go am'oyeco wan, aka go lacango wan; otieko rwadho wan piny, aka go latweyo riwan wonga.

Amos 8:8

Piny bino kirin ro gime, to kisi nyatoro je ma bedo i piny bino ywak. Piny gibe layengere, bino ay to doko podho paka malawa Nayil.

Habakuk 3:10

Gote jonenin, to jodwanyere; mikula pi omol; lutho owodho dwonde, aka ŋawirok otiŋo malo cinge.

Matayo 27:51

Gikenyo nanga m'olier i Ot pa Were oyec ario wok malo kiri piny. Piny oyengere, telin obare,