Zabuli 53:1 - KITAWO MALEŊ Catholic

¹ Jamiŋo waco i cunye ni, “Were ongoye.” Jombaka aka jotimo gimienirok, ongoye ŋata timo gimaber.

KITAWO MALEŊ

¹ Jamiŋo waco i cunye ni, “Were ongoye.” Jombaka aka jotimo gimienirok, ongoye ŋata timo gimaber.

Zabuli 53:1 ပူးပေါင်းရင်းမြစ်များ

1 Kerin 12:26

Aka Yerobowam owaco i cunye ni, “Nger ma gigipiny nitie i iye pama me, ka ji jokidhi Yerusalem miyo Rwoth cowirok i Ot pa Were kenyo, jobino cako woro kere Rehobowam ma Yuda to jonekan.”

1 Kerin 14:24

Marac loyo, oyido nitie cwo gi mon ma jobedo malayin i kalamo werin no. Joyuda jotimo giwickwot je ma ji ma Rwoth oyido oriemo wok i lowo no jotimo i ndir ma Joisiraili oyido jodonjo iye.

Yobu 14:4

Ŋa manyalo wodho gim'olony wok kwoŋ gimakoc? Ongoye kada ŋat'acel.

Yobu 15:16

To kosa ji ma jomadho reco paŋini jomadho pi, ey, jokitim adieri, aka jobu kony.

Zabuli 10:11

Jokidakana joparo i cuny gin ni Were wiye owil, opano waŋe aka kilaneno jo.

Zabuli 10:13

Raŋo jokidakana jocayo Were, aka jowaco i cuny gin ni, “Were kilamiyan gir'acula?”

Zabuli 10:4

Jokidakana jokidew kwoŋ Rwoth, joparo ni Were ongoye.

Zabuli 10:6

Joparo i cuny gin ni ongoye gima bwoko jo, aka jokinyal podho i teko.

Zabuli 88:1

Awi Rwoth, Were paran, alwoŋo ri kony ndelo gipi, aka wor aywak ruwaŋin.

Zabuli 92:6

Me gima nyaka dhano kinyal ŋeyo, ŋatamiŋ kinyal niaŋ,

Ezekiel 16:47

Ikiluwo nyaka yo pajo kodi timo tim mar'amien pajo, to i hongo macek oyido i jakidakana loyo jo i yo perin je.

Ezekiel 16:51

Samaria k'otimo adec mareco perin, itieko timo amien maloyo ma jotimo, aka imiyo banja pa nyimin in neno mathin loyo amien m'itieko timo je.

Matayo 5:22

To pama onyo awaco riwin ama: Ŋat'omaki nge g'omin bino bedo jabanja kapido. Ŋat'otim roro kwoŋ omin ibino tero go ruwaŋ jothumi banja, aka ŋat'oyeti omin ni, mamiŋ ma bukony, ibino bolo go i mac makitho.

Luka 12:20

To Were owaco rigo ni, ‘Ma miŋ me! Kole wor ma konon won me ibino omo cunyin. Onyo kweth gigipiny m'odhure me je obedi apa ŋa?’ ”

Joroma 1:21

Ji joŋeyo Were, to jokimiy go dwoŋ pere, kendo kada temo foyo go ni walwa. Kucel, paro pajo olokere masisiri aka paro pajo ma kitiy m'odoŋ mudho otieko poŋ'iye.

Joroma 1:28

Paka ji jokwero ketho i paro pajo rieko mar'adieri ma mako kwoŋ Were, go onyo ojala jo ri paro m'otop, ma miyo jo timo gim'oyido jokiripi timo.

Joefeso 5:12

(Temo luwo kwoŋ gigipiny ma jotimo nyaliŋliŋ kelo kiri wickwot).

Kitawo mar'abic mapa Musa m'ilwoŋo ni Cik 12:31

Wikiripi timo ameno ri Rwoth Were mewin, kwoŋbedo kisi amien je ma Rwoth odak, jotieko timo ri werin pajo. Jowaŋo kiri nyithindho pajo mayac gi manyir i mac ri werin pajo.

1 Petero 4:3

Witieko oro hongo m'oromo munyo oyido witimo gima joma bu Were joketho paro pajo i timo paka kidakana, awanya mareco ma waŋ i cuny jo, mero i kalima ma nyaworoworo, medho ma kitipa, gi lamo cal makicar.