Zabuli 5:10 - KITAWO MALEŊ Catholic

¹⁰ Thum rijo banja aka imiy jo gir'acula, Awi Were weyi wegi joworere gi can pajo ma nek. Riemi woko jo ruwaŋin kwoŋbedo jotimo reco kweth, aka jogwenyere kwoŋin.

KITAWO MALEŊ

¹⁰ Thum rijo banja aka imiy jo gir'acula, Awi Were weyi wegi joworere gi can pajo ma nek. Riemi woko jo ruwaŋin kwoŋbedo jotimo reco kweth, aka jogwenyere kwoŋin.

Zabuli 5:10 ပူးပေါင်းရင်းမြစ်များ

2 Samwiri 15:31

Munyo owaci ri Daudi ni Ahithofel bende oyido nitie kanyacel gi ji ma jocamo rigo sereko gi Absalom, go owaco ni, “Mondo Rwoth, akwayin wir rieko pa Ahithofel i miŋo.”

2 Samwiri 17:14

Absalom kodi cwo ma Isiraili je jowaco ni, “Rieko pa Husay loyo apa Ahithofel.” Rwoth oyido otieko yiko ni rieko pa Ahithofel wokiri woluwi, ŋey teko wopodhi ri Absalom.

2 Samwiri 17:23

Munyo Ahithofel oneno ni rieko pere obol gicen, opor i wi punda pere to dok i tindi pere. Munyo go otieko yiko wac ma peco pere, odere to tho, aka oyiki go i kaliel pa bamere.

2 Kigana kwoŋ Kerin 25:16

To munyo go fodi luwo, kere openjo go ni, “Walokin jamic rieko? Liŋ kenyo! Raŋo imito tho?” Ameno jatuci wac Were k'omedere, to waco ni, “Aŋeyo nike Rwoth otieko ridho reyin rupiri itieko timo gime aka onyo ikwero winjo rieko m'amiyin.”

Zabuli 10:15

Tur meni pa jokidakana gi joreco, miy jo gir'acula ro komo ma jotimo, cuka jowey timo kendo.

Zabuli 107:11

kole oyido jogwenyere kwoŋ wac pa Rwoth ma jameni je, to jokwero fonji pere.

Zabuli 17:13

Ay, Awi Rwoth, imonji jokwor paran aka ikengila jo. Bothan kwoŋ jokidakana g'abor perin,

Zabuli 31:18

Miy jotwodo liŋ, jonoro je gi jodhaw ma joluwo gi cay kwoŋ jono ma jotimo gim'otire.

Zabuli 35:26

Weyi jono ma jonyero candirok paran, wokengila jo kicutho aka jowobedi i nyawin, weyi jono ma jowaco ni jober loyan jowobedi giwickwot aka jowongoye gi wor.

Zabuli 55:15

Weyi jokwor paran jowotho mafodi ndelo pajo; weyi jowokadhi piny i piny pa jom'otho ma fodi jokwo! Reco opoŋ pecin pajo gi i cuny gin.

Zabuli 66:7

Go dhumo gi meni cil gi cil, go ma waŋe neno nonin je, weyi jopiem jokiri jowotiŋere malo.

Zabuli 71:13

Weyi jomisegey paran wokethi jo i wickwot to jorere; giwickwot gi kigayagaya weyi woum joma jorango miyan litho.

Zabuli 79:12

Awi Rwoth, cul nonin man ca dibirio ro yet ma joyetin gine.

Isaya 1:2

Winji, awi polo, ciki ithin, awi piny, kole Rwoth otieko luwo. Nyithindho m'apidho t'adongo, jogwenyere kwoŋan.

Isaya 1:20

To ka wikwero to wigwenyere, ilakisika win g'abor, kole dhok Rwoth otieko luwo.

Isaya 63:10

To jogwenyere kwoŋ Rwoth, aka jomiyo cuny maleŋ pere nge. Riameno go olokere jakwor pajo, aka go won gipi olwenyo gi jo.

Ywakirok 1:5

Jokwor pere jolokere jotel, jokwor pere jonitie i kwo mayom, kwoŋbedo Rwoth omiyo go candirok, ro kibenga pere m'oasere. Oter nyithindho pere, jobedo jotwec ruwaŋ jokwor pajo.

Hoseya 9:7

Ndelin ma gir'acula otieko bino, ndelin ma gir'acula ripo wotundi; Isiraili ywak ni, “Jatuci wac Were obedo ŋatamiŋ, jal ma cuny olokere janeko!” Ro reco mewin madwoŋ, dakirok mewin dwoŋ.

1 Jokorintho 3:19

Kole gima piny tero paka rieko meno gimiŋo ri Were, rupiri ndiko waco ni, “Were ciko jomariek i rieko pajo.”

Kitawo mar'abic mapa Musa m'ilwoŋo ni Cik 2:30

To Kere Sihon ma Hesibon k'oyeyo wan luwo, kole Rwoth Were mewin otweyo adundo pere kodi cunye matek ŋey womiy go i cingi win, paka otieko timo pama.

1 Samwiri 25:29

Ka nyatoro moro omonjin to temo nekin, Rwoth Were perin bino gwoko kwo perin paka ŋata gwoko lim pere ma welo. To jokwor perin Rwoth bino lilo woko kwo pajo pa ŋata lilo tele gi asumulu.

1 Samwiri 25:39

Munyo Daudi owinjo ni Nabal otho owaco ni, “Rwoth wopak m'oculo Nabal kwor ro gimarac m'otimo ran to geŋan timo gimarac.” Kenyo Daudi ooro ŋecin pere weco gi Abigayili bedo cege.