Kenyo Jolevi, Yesuwa, Kadmiel, Bani, Hasabineya, Serebia, Hodia, Sebania, gi Pethahia jowaco ni, “Ay win malo wipak Rwoth Were mewin, pak win go cil gi cil. Weyi kisi dhano wopak nyingi go madwoŋ, makada nende go dwoŋ loyo pak pa dhano.”
I ndelo no, ilakudho gwara madwoŋ, aka jono m'oyido jorwenyo i lowo ma Asiria kodi jono m'oyido oriem jo woko i lowo ma Misir jolabino lamo Rwoth wi got maleŋ i Yerusalem.
Me apaka Rwoth waco pa lwak jolweny, Were pa Isiraili waco ama: Ibino oro kendo wac me i piny Yuda kodi i tindin mere ka adwoko lim pajo. Rwoth womiyin silwany, Awi Kabedo Maleŋ got maleŋ kama go bed'iye.
Me apaka Rwoth waco: Aladwoko i Zayon, aka alabedo i Yerusalem; Ilalwoŋo Yerusalem ni tindi madwoŋ ma genere, aka got pa Rwoth pa lwak jolweny, ilalwoŋo ni, got maleŋ.